Génesis 13:8 - Kashibo-Kakataibo Biblia

⁸ Usa ꞌain ka Abramnën achúshi nëtën aín xukë́nan bëchikë Lot ësokin kakëxa: Mix kamina ꞌën ꞌaintsi ꞌibu ꞌain, usa ꞌain kananuna nu rabë́ upiti nuibananti ꞌain, usaribiti ka an nun ñuina bërúankë unikama nishananima nuibananti ꞌikën.

Nukën 'Ibu Diosan ain unikama 'inan ain bana

⁸ Usa 'ain ka Abramnën achúshi nëtën aín xukë́nan bëchikë Lot ësokin kakëxa: Mix kamina 'ën 'aintsi 'ibu 'ain, usa 'ain kananuna nu rabë́ upiti nuibananti 'ain, usaribiti ka an nun ñuina bërúankë unikama nishananima nuibananti 'ikën.

Génesis 13:8 Iomraidhean Croise

Génesis 13:9

Usa ꞌain kamina min kuëënxun uimiu karamina ꞌiti ꞌain kixun me bariti ꞌain. Usa ꞌain kamina ꞌëbë ꞌima amo kuanti ꞌain. Mixmi aín tsipumi kuankëbë kana ꞌëx aín rëbumi kuanti ꞌain, mixmi aín rëbumi kuankëbë kana ꞌëx aín tsipumi kuanti ꞌain.

Génesis 14:14

Usakian aín piaka ñatanbiankin buánkë ka Abramnën kuakëxa, kuabiani kuaxun ka aín xubunuax bakëntankëx kanikë unikama a ꞌimainun an ñu mëëxunkë aín unikama amira sinánkë akama timëakëxa, timëkëx ka trescientos dieciocho a unikama ꞌiakëxa, usakin timëtankëx ka Abram ain unikama timëbiantankëx ꞌapukama nui Dan kakë ëma sënë́nkë anu bëbakëxa.

Génesis 45:24

Usakin ñukama ꞌinántankëxun ka Josénën kuantanun xukin aín xukë́nkama kakëxa: —Bainuax atumina kuani mëëanankanin. Kaxúan xukëx ka aín xukë́nkama rikiankëxa.

Génesis 46:34

mitsun kati ꞌain, nun ñu mëëti ka ovejakama ꞌarakati ꞌimainun vaca ꞌarakati ꞌikën nun, chaitiokë kaman ꞌasaribiokin. Usakinmi kakëxun ka Gosen kakë me ënë anumi ꞌinun mitsu ꞌinánti ꞌikën, egipcio unikamax ka an oveja bërúankë uni ꞌimainun an vaca bërúankë unikamabë timë́ax ꞌiti kuëënma unibu ꞌikën.

Éxodo 2:13

Usakin ꞌoonx pëkarakëbë kuantëkënkinbi ka hebreo uni rabëtax mëëanania mërakëxa. Mërakin ka an bëtsi mëëkë uni a kakëxa: —¿Uisa kupín kaina min aintsibëbi mëëananin?

Proverbios 15:1

Nishkë ꞌikëbia bëtsin sinanamikin kakë, an ka uni nishkëbi upí ꞌinun sinanamia; ꞌaínbi ka ꞌatimati banakin unin bëtsi atiaira nishnun ꞌimia.

Proverbios 20:3

Ui unin kara ꞌupiokin sinani bëtsibë mëëananti sinanima a unix ka usa ka kixun unin rabikë ꞌikën, ꞌaínbi ka ñu ꞌunánkëma uni ax kuni usai ꞌia.

Mateo 5:9

An raíri uni bëtsibë nishananíma nuibananun ꞌaquincë uni a ca Nucën Papa Diosan —mix camina ꞌën bëchicë ꞌai —quixun cati ꞌicën. Usa unix ca chuámarua tani cuëënia.

Hechos 7:26

Usoquin ꞌonx isi cuantëcënquinbi ca aín aintsi rabë́ mëëanania mëracëxa. Mëraquin ca ënananmicasquin cacëxa: ¿Uisacatsi caramina nuibananshitima min aintsibë mëëananin?

Romanos 12:10

Camina bëtsibë bëtsibë ꞌaquianani nuibananti ꞌain, mitsun xucë́nbë ꞌicësaribiti. Asamaira ꞌiisa tanquin ꞌatimoquinma camina bëtsi uni isquin upí oquin ꞌaquinti ꞌain.

Filipenses 2:14

Usa ꞌain camina añu ñu caramina ꞌai a ñui quianan cuëbicanánquinma nëtë́xuinshi ꞌati ꞌain,

1 Tesalonicenses 4:9

Nucën Papa Diosan ꞌunánmicëxunmi upí oquin ꞌunáncë cupí cana, axa Jesucristomi catamëcë unicamax ca bëtsibë bëtsibë nuibananti ꞌicë quixun mitsu cuënëoxuniman.

Hebreos 12:14

Nishananima camina upitaxëshi bucuti ꞌain. Aín ꞌucha ëncëma unix ca Nucën Papa Diosbë ꞌitima ꞌicën. Usa ꞌain camina nishananima upitax bucuquin uisa ꞌuchabi ꞌati sinántima ꞌain.

Hebreos 13:1

Mitsux Jesucristonan ꞌaish camáxbi xucë́nsa ꞌaish camina mitsux ꞌicësabi bëtsibë bëtsibë nuibanani ꞌiti ꞌain.

1 Pedro 1:22

Aín Bëru Ñunshin Upitan ꞌimicëx Jesucristomi catamëti ax cuëëncësabi oi ꞌiquin axa mitsux ꞌicësaribiti Jesucristomi catamëcë unicamabë upiti nuibananuxun camina ñu ꞌatima ꞌati ashiquin ëan. Usa ꞌaish camina bërí ꞌicësamaira oi asérabi cuëënquin upí oquinra sinani atubë nuibananti ꞌain.

1 Pedro 2:17

Camabi uni camina upí oti ꞌain. Axa Jesucristomi catamëcë unicama camina nuibati ꞌain. Nucën Papa Diosmi camina racuë́ti ꞌain. Racuë́anan camina mitsun ꞌapu quicësabi oquin ñu ꞌati ꞌain.

1 Pedro 3:8

Ënë banaribi cana mitsu cain, axa Jesucristomi catamëcë uni raírinën sináncësaribi oquin sinani camina atubë nuibananti ꞌain, atúxa mitsun xucë́nsaribi ꞌain. Camina bëtsibë camáxbi nuibanani ꞌaquianani rabítima ꞌain.

1 Pedro 4:8

ꞌIanan camina mitsux asérabi nishananima nuibanani upitax bucuti ꞌain. Bëtsi uni nuibacë ꞌixun ca unin a unin ꞌuchacama ñuiquinma manuia.

2 Pedro 1:7

Usaquin sináncë ꞌaish camina bëtsibë nuibananti ꞌain. Usai ꞌiquin camina camabi uni nuibati ꞌain.

1 Juan 4:7

ꞌËn nuibacë xucë́antu, cana mitsu cain, Nucën Papa Diosan sinánmicëxun ca unin uni itsi nuibatia. Usa ꞌain cananuna ainan ꞌaish bëtsibë bëtsibë nuibananti ꞌain. An uni itsi nuibacë unicamax ca Nucën Papa Diosan bëchicë ꞌianan a ꞌunáncë ꞌixun an sináncësa oquin sinania.