Génesis 13:12 - Kashibo-Kakataibo Biblia

¹² Usa ꞌain ka Abram axa Canaán kakë me anubi bërúmainun, Lot ax me sapan amia ꞌikë ëmakama Sodoma ꞌimainun Gomorra a ꞌurama tsóti kuankëxa,

Nukën 'Ibu Diosan ain unikama 'inan ain bana

¹² Usa 'ain ka Abram axa Canaán kakë me anubi bërúmainun, Lot ax me sapan amia 'ikë ëmakama Sodoma 'imainun Gomorra a 'urama tsóti kuankëxa,

Génesis 13:12 Iomraidhean Croise

Génesis 13:11

Usa ꞌain ka Lotnën kamabi Jordán kakë baka anu ꞌikë me sapan kaisakëxa, anuax ka anua ꞌikë anuax amiaxa bari urukë ami kikiani kuankëxa. Usai ꞌika Abram ꞌimainun Lot ënanankëxa.

Génesis 14:12

Usa ꞌain ka Sodoma kakë ëmanu ꞌikë Abramnën, xukënan bëchikë Lot axribi anu ꞌiakëxa, ꞌikëbi ka aribi aín ñukama ꞌimainun an ꞌarakakë ñuinakama këñunbi ñatanbiankin buánkankëxa.

Génesis 14:2

Ënë ꞌapukamax ka ꞌapu Bera, Sodoma kakë ëmanu ꞌikë abë ꞌakanankëxa, abë ꞌianan ka ꞌapu Birsá Gomorra kakë ëmanu ꞌikë abë ꞌianan, ka ꞌapu itsi Sinab Admá kakë ëmanu ꞌikë ꞌapu abë ꞌianan, Seméber kakë ꞌapu Seboím kakë ëmanu ꞌikë ꞌimainun, ꞌapu itsi axa Bela kakë ëmanu ꞌikë abëribi ꞌakanankëxa, a ëmabi ka Sóar kakinribi anëakëxa.

Génesis 19:1

Bari kuabúkëbë ka Sodoma kakë ëmanu ángel rabë́ bëbakëxa. Anu bëbakiania kuania ka Lotnën anun ëmanu atsínti xëkuënu tanti tsóxun isakëxa, ax ka anua uni timë́kë ꞌiakëxa. Anu tsótanbia aia ka iskin nirukiani kuanxun ka biakëxa, bitsi aín bëmánanën memi bëtikikin,

Génesis 19:24

usaía ëmanu bëbakëbëtanshi ka Nukën ꞌIbu tsi ꞌimainun azufre naínua ꞌibúmikin Sodoma ꞌimainun Gomorra kakë ëma a këñuakëxa;

Génesis 19:25

usakin ꞌakin ka Nukën ꞌIbu Diosan ëmanu tsókë unikama, ꞌimainun kamabi a menu kókë xubi ñu ꞌapákë ëma ꞌurama ꞌikë akamabi këñuakëxa.

Génesis 19:29

Ësokin ka Nukën ꞌIbu Diosan ëma rabë́ anua Lot ꞌikë këñuakëxa, usakin a këñukinbi ka Abrahammi sinánkin aín piaka Lot ashi a ëmanua chikíankëxa.

1 Corintios 15:33

ꞌAtimati banacë unínma mi parania ca bërúancat. Ësaía uni quicë bana ax ca asérabi ꞌicën: “Upí ꞌixunbi ꞌatimatia bëtsi banaia cuaquin ca unin ꞌatimaquin sinánquin ñu ꞌatima ꞌati ꞌicën”.