Génesis 13:10 - Kashibo-Kakataibo Biblia

¹⁰ Usakian Abramnën kakëxun ka Lotnën me upí anu ꞌiisa Jordán kakë baka ꞌurama anua ꞌumpax ꞌitsaira ꞌikë a isakëxa, iskin ka Sóar ꞌurama ꞌikë ëma chukúma aribi isakëxa, usa ꞌain ka a menu ꞌitsaira ꞌumpax ꞌimainun naësa me chaiira ꞌikë isakëxa. Ax ka Egipto me iskësa ꞌiakëxa. (Ënëx ka Nukën ꞌIbun Sodoma ꞌimainun Gomorra ëma këñutisama pain ꞌain ꞌiakëxa.)

Nukën 'Ibu Diosan ain unikama 'inan ain bana

¹⁰ Usakian Abramnën kakëxun ka Lotnën me upí anu 'iisa Jordán kakë baka 'urama anua 'umpax 'itsaira 'ikë a isakëxa, iskin ka Sóar 'urama 'ikë ëma chukúma aribi isakëxa, usa 'ain ka a menu 'itsaira 'umpax 'imainun naësa me chaiira 'ikë isakëxa. Ax ka Egipto me iskësa 'iakëxa. (Ënëx ka Nukën 'Ibun Sodoma 'imainun Gomorra ëma këñutisama pain 'ain 'iakëxa.)

Génesis 13:10 Iomraidhean Croise

Génesis 11:27

Ënë kamax ka Téradnën rëbúnkikama ꞌiakëxa, ax ka Abram, Nahor ꞌimainun Harán aín papa ꞌiakëxa. Harán ax ka Lotnën papa ꞌiakëxa,

Génesis 13:11

Usa ꞌain ka Lotnën kamabi Jordán kakë baka anu ꞌikë me sapan kaisakëxa, anuax ka anua ꞌikë anuax amiaxa bari urukë ami kikiani kuankëxa. Usai ꞌika Abram ꞌimainun Lot ënanankëxa.

Génesis 13:9

Usa ꞌain kamina min kuëënxun uimiu karamina ꞌiti ꞌain kixun me bariti ꞌain. Usa ꞌain kamina ꞌëbë ꞌima amo kuanti ꞌain. Mixmi aín tsipumi kuankëbë kana ꞌëx aín rëbumi kuanti ꞌain, mixmi aín rëbumi kuankëbë kana ꞌëx aín tsipumi kuanti ꞌain.

Génesis 14:2

Ënë ꞌapukamax ka ꞌapu Bera, Sodoma kakë ëmanu ꞌikë abë ꞌakanankëxa, abë ꞌianan ka ꞌapu Birsá Gomorra kakë ëmanu ꞌikë abë ꞌianan, ka ꞌapu itsi Sinab Admá kakë ëmanu ꞌikë ꞌapu abë ꞌianan, Seméber kakë ꞌapu Seboím kakë ëmanu ꞌikë ꞌimainun, ꞌapu itsi axa Bela kakë ëmanu ꞌikë abëribi ꞌakanankëxa, a ëmabi ka Sóar kakinribi anëakëxa.

Génesis 14:8

Usa ꞌain ka Sodoma, Gomorra, Admá, Seboím, ꞌimainun Belanu ꞌikë ꞌapukama ax me sapan Sidim kakë anuax ꞌakanani kuankëxa.

Génesis 3:6

Usakin kakëxun ka xanun a bimi kuisa, upíira upí ꞌikë isakëxa, a piax sinánñuira ꞌisa iskin ka anun kuëënkin xanun i bimi biakëxa. I bimi bixun kukin, ka aín bënëribi ꞌinánkëxa. ꞌInánkëxun ka anribi piakëxa.

Génesis 47:6

Usa ꞌain ka Egipto me ënëx bërí atunan ꞌiti ꞌikën. Usa ꞌain kamina Gosen kakë me a atu ꞌinánti ꞌain, ax ka upíira me ënë menu ꞌikën, usa ꞌain ka anu tsóti atux bërúti ꞌikën. ꞌImainun kamina achúshi an ñuina ꞌarakati ꞌunánkë uni ꞌën vacakama bërúanun nanti ꞌain.

Génesis 6:2

usa ꞌain ka Diosan bëchikëkaman unin bëchikë xanukama upíirabu isakëxa. Usa ꞌain ka uinu ꞌikë xanu kara kuëënia abë kuëënani unikamax biranankëxa.

Job 40:23

Usa ꞌaish ka baka ꞌikuatsinkëbëbi, ami rakuë́tima; ꞌianan ka bakan mapurukin aín rëkin mapurukëxi bënëtima asábi ꞌia.

Salmos 107:34

ꞌimianan ka mekama aribi anu ñu ꞌapátisama ꞌitánun; anu ꞌikë unikamaxa ñu ꞌatima ꞌai ꞌuchakë kupín ꞌimia;

Joel 2:3

A suntárukaman ka tsin ërë́nrukin bënë́kinshi, kamabi ñu këñukësa okin ꞌaia; usa ꞌain ka tsi rëkirukiantankëx ꞌinúkëbë ñankáishi ꞌikë usaribi ꞌiti ꞌikën. Atúxa kuankëmapain ꞌain ka me upíira ꞌaish, Edén kakë naësa ꞌiakëxa, ꞌaínbi ka atux kuankëbë anu uni ꞌikëma mesa ꞌiti ꞌikën. ¡ꞌAíma ka anuaxa abati ꞌiakëti ñu ꞌikën!

Deuteronomio 34:3

ismianan ka Négueb, ꞌianan Jordán kakë baka, ꞌimainun Jericó ëman bëararakë me sapan anua xëbin ꞌapákësa kian sënënakëkë Sóar ëma ꞌikë akamabi isnun ismiakëxa.