Génesis 12:7 - Kashibo-Kakataibo Biblia

⁷ A menuax ami mërakin ka Nukën ꞌIbun Abram kakëxa: Ënë me kana min rëbúnkikama ꞌinánti ꞌain. Usakian kakëxun ka Abramnën achúshi anuxun Nukën ꞌIbu asábi ka kixun kati maxax bukunrukin ꞌakëxa, anuaxa ami mërakë kupí.

Nukën 'Ibu Diosan ain unikama 'inan ain bana

⁷ A menuax ami mërakin ka Nukën 'Ibun Abram kakëxa: Ënë me kana min rëbúnkikama 'inánti 'ain. Usakian kakëxun ka Abramnën achúshi anuxun Nukën 'Ibu asábi ka kixun kati maxax bukunrukin 'akëxa, anuaxa ami mërakë kupí.

Génesis 12:7 Iomraidhean Croise

Génesis 12:8

Usai ꞌitankëx ka anuax chikíkiani kuanxun amiaxa bari urukë Betel kakë ëma au ꞌikë niñu me anu xubusa okin aín chupa këxtú pëniankëxa. Betel kakë ëma ax ka amia bari kuabúkë au ꞌikë ꞌiakëxa, ꞌimainun ka achúshi ëma. Ai kakë axribi amiaxa bari urukë au ꞌikë ꞌiakëxa. A menuxunribi ka Abramnën anuxun Nukën ꞌIbu rabiti ꞌatankëxun rabiakëxa.

Génesis 13:15

ꞌën kana kamabi me min iskë ënëkama mi ꞌinánti ꞌain, ax ka minan ꞌianan xënibua ꞌaínbi min rëbúnki kamanan ꞌiti ꞌikën.

Génesis 13:17

¡Usa ꞌain kamina bërí nirukiani kuanxun ꞌën mi ꞌinánuxun kakë me a pain isi kuanti ꞌain, iskin kamina aín chaxkë́ ꞌimainun aín pampa, akama pain isikuanti ꞌain akama kana mi ꞌinánti ꞌain!

Génesis 13:18

Usa ꞌain ka Abram anua ꞌikë anuax aín ñukama mëniobiani niñu me Mamré kakë uni ainan ꞌain Hebrón kakë ëma ꞌurama ꞌikë anu ꞌi kuankëxa. Anuxun maxax bukunrukin ꞌatankëxun Nukën ꞌIbu rabiakëxa.

Génesis 13:4

A mex ka anu paian anuxun Nukën ꞌIbu Dios rabiti maxá bukunrukin ꞌakë a ꞌiakëxa, anuxun ka Nukën ꞌIbu rabiakëxa.

Génesis 15:18

Usa ꞌain ka a nëtënbi Nukën ꞌIbun Abrambëtan achúshi ñu ꞌakin kakëxa: —Ënë mekama kana min rëbúnkikama ꞌinánti ꞌain, Egipto bakamiaxa ukë me anuax ꞌimainun baka chaiira Éufrates kakë anu sënë́nbi kana ꞌinánti ꞌain.

Génesis 17:1

Usa ꞌain ka Abram axa noventa ꞌimainun nueve baritiañu ꞌikë, Nukën ꞌIbun amiribishi ami mëratëkënkin ësokin kakëxa: —ꞌËx kana min ꞌIbu Dios kamabi kushiñuira a ꞌain, usa ꞌain kamina ꞌëx kuëënkësabi ꞌoíshi tsóanan ꞌëx kikësabiokin kamabi ñu ꞌati ꞌain,

Génesis 17:3

Usakian Nukën ꞌIbu Diosan kakëx ka Abram rantin puruni aín bëmánanën me tikai tsóbuakëxa usai ꞌiaka kakëxa:

Génesis 17:8

Mi ꞌimainun min rëbúnkikama kana kamabi Canaán me anumi bërí tsókë ënë ꞌinánti ꞌain, ax ka min rëbúnki kamaxa xënibua ꞌaínbi anu tsóti ꞌikë ꞌimainun kana ꞌëx atun Dios ꞌiti ꞌain.

Génesis 18:1

Usa ꞌain ka Nukën ꞌIbu Abrahammi anua Mamré kakë uni aín me ni ꞌikë anuax mërakëxa, mëramainun ka Abraham bari xamaruti ꞌurama ꞌain aín chupa këxtú xubusa okin ꞌakë aín xëkuë rapasu, tsókë ꞌiakëxa.

Génesis 22:9

Anu kuanuan Nukën ꞌIbu Diosan kakë matá me anu bëbaxun, ka Abrahamnën anuxun ñuina xaroti maxax bukunruakëxa; usakin bukunrutankëxun ka karuribishi tíkati mabukuntankëxun aín bëchikë Isaac aribi nëakëxa, nëaxun ka anu ñuina xarotinu nankë karu kamanan;

Génesis 24:7

Nukën ꞌIbu Dios, naínu ꞌikë an ka ꞌën aintsikaman menua chikinbëtsinkin bëxun ꞌë ꞌimainun ꞌën rëbúnkikama ënë me ꞌinan, an ka aín ángel abë kuantankëxumi achúshi xanu ꞌën bëchikë bixunun mi ꞌakinti ꞌikën.

Génesis 26:25

Ësokian kakëxun ka Isaacnën anuxun rabiti maxax maburukin ꞌatankëxun, asábi ka kakin Nukën ꞌIbu rabiakëxa. Usokin ꞌatankëx ka a menubi ꞌi bërúakëxa, bërúkin ka anu achúshi kini anua ꞌumpax biti an ñu mëëmikë unikama ꞌamiakëxa.

Génesis 26:3

usa ꞌain kamina ënë menu pain tsóti ꞌain. ꞌËx kana mibë ꞌiti ꞌain ꞌimainun kana mi upíokin sinánxukin mi ꞌimainun min rëbúnki kamaribi ënë mekama ꞌinánti ꞌain. Usakin kana ꞌën min papa Abraham kásabiokin ꞌati ꞌain.

Génesis 28:13

Usakin namákin isanan ka Nukën ꞌIbu a rapasu nixun ësokin kakëxun kuakëxa: ꞌËx kana min ꞌIbu ꞌain, ꞌianan kana min xuta Abraham aín Dios ꞌianan min papa Isaac ainanribi ꞌain. Usa ꞌixun kana mi ꞌimainun min rëbúnkikama anumi ꞌuxi rakákë me ënë ꞌinánti ꞌain.

Génesis 28:4

ꞌImianan ka mi ꞌinánan, min rëbúnkikamaribi upíokin sinánxunkin Abraham kásabiokin, ënë me ꞌibuanun anu nu bërí bëtsi menu ꞌikë uni ꞌikësai tsókë ënë mi ꞌinánti ꞌikën, Nukën ꞌIbu Diosan Abraham ꞌinánuxun kásabiokin.

Génesis 32:30

Usa ꞌain ka a me Penuel kakin anëi Jacob kiakëxa: “Nukën ꞌIbu Diosbë kana isanairan usa ꞌaínbi kana bamakëma ꞌain.”

Génesis 33:20

Usa ꞌain ka anu ꞌixun basikëbëtan anuxun Dios rabiti achúshi ñu ꞌakëxa, ꞌatankëxun ka El-elohé-Israel kakin anëakëxa, (ax ka Israelnën a rabikë Dios ki kikë ꞌikën).

Génesis 35:12

ꞌËn kana kamabi me ënë min xuta Abraham ꞌimainun min papa Isaac ꞌinánkën, usa ꞌain kana mi ꞌinántankëxun min rëbúnki kamaribi ꞌinánti ꞌain.

Génesis 35:7

Anu bëbatankëxun ka maxá bukurukin, ꞌatankëxun a me El-Betel kakin anëakëxa (Betel kikë ax ka Diosan xubu ki kikë ꞌikën) ax ka anuaxa aín xukënan ꞌakatsikiax ami sinánkëbë abákëbëa anuax Jacobmi Nukën ꞌIbu Dios mërá a me ꞌiakëxa.

Génesis 50:24

Achúshi nëtën ka Josénën aín xukë́nkama kakëxa: ꞌËx anun ñuti nëtë ka ꞌurama ꞌikën, usa ꞌain ka Nukën ꞌIbu Diosan mitsu ꞌakinti ꞌikën, usa ꞌixun ka ënë nëtënua anbi mitsu chikinbiakin a ꞌinánuxuan Abraham kanan Isaac ꞌimainun Jacob ka me anubi mitsu buánti ꞌikën.

Génesis 8:20

Usai chikítankëxun ka Noénën anuxun Nukën ꞌIbu, rabikin asábi ka kakin kati maxáx maburukin ꞌatankëxun anuxun ñuina upíbushi ꞌimainun ñuina pëchiñu upíira, akama achúshi achúshi bitankëxun Nukën ꞌIbu asábi ka kakin ꞌaímai këñutanun xaroxuankëxa.

1 Reyes 18:32

ꞌaxunka ka maburukin anuxun Dios ñuina xaroxunti ꞌakëxa; ꞌatankëxun ka maxá maburukë a rapasu buinarakin me naëakëxa, naëkë ax ka anu veinte litrosa ñu bimi uakaisa ꞌiakëxa,

Esdras 3:2

Usa ꞌain ka Josué kakë uni Josadac aín bakë bëchikë ꞌimainun abëtan ñu mëëkë sacerdotekaman, Zorobabel Salatielnën bakë bëchikë ꞌimainun aín aintsikama timë́xun anuxun Israel kaman Dios rabikin ñuina xaroti ꞌakë ꞌikëbi rurupakin masókan, ꞌikëbi amiribishi a tanti bana Moisés Diosan uni ax kiásabiokin ꞌatëkëankëxa.

Éxodo 17:15

Anu ka Moisésnën achúshi ñu anuxun Nukën ꞌIbu rabikin ñuina xaroti ꞌakëxa, ꞌatankëxun Diosan aín kushin nu ꞌakinkëxun kananuna ax numi nishkë unikama këñukin ꞌa kixun kakin anëakëxa,

Éxodo 24:4

Usa ꞌain ka Moisésnën Nukën ꞌIbun kakësabiokin kamabi bana kuënëokëxa, kuënëoxun ka pëkarakëma ꞌaínshi nirutankëxun, anuxun a rabiti achúshi ñu aín bashi tanain ꞌamiakëxa, ꞌatankëxun ka a rapasu mapai rabë́ ꞌimainun rabë́ maxax nankëxa, a ka Jacobnën bakë bëchikëkama ꞌia ami sinánkin nankëxa.

Éxodo 32:13

Min uni ꞌiakama Abraham, Isaac ꞌimainun Jacob akama kaimi kia bana akamina sinánti ꞌain, ꞌën kana min rëbúnkinëxa naínu ꞌikë ꞌispa tupuribi ꞌitánun, ꞌuákamë ꞌëomikin ꞌën mi ñuixunkë mekama min rëbúnki ꞌinánti ꞌain kixun kamina atu kakën.

Éxodo 33:1

Usotankëxun ka Nukën ꞌIbun Moisés anu kuantëkënkë kakëxa: —Ënuax kuankin kamina Egipto menuami chikínbëtsinkin bëkë unikama buánti ꞌain, ꞌën min chaitiokë Abraham, Isaac ꞌimainun Jacob akama aín rëbúnki ꞌinánuxun ká me anu kamina kuanti ꞌain.

Éxodo 6:3

Usa ꞌikë ka min chaitiokë Abraham, Isaac ꞌimainun Jacob akaman ꞌëx kana kamabi kushiñu Dios a ꞌai kixun ꞌunánkëxa, ꞌaínbi kana asérabi ꞌën anëira a atu ꞌunánmiama ꞌain: ꞌËx kana min ꞌIbu a ꞌain.

Éxodo 6:4

Usa ꞌixun kana këñutima okin achúshi ñu atu ꞌaxuan, ꞌakin kana Canaán kakë me a ꞌinánuxun atu kakën, ax ka anu paian bëtsi menu ꞌikë unikama ꞌikësai ꞌitsama baritia anu tsóa a ꞌiakëxa.

Hechos 7:5

Usaía ucëbi ca ainanbia ꞌinun me Nucën Papa Diosan ꞌinánma ꞌicën, anua aín taën amátiratsubi. ꞌInánquinmabi ca sinanatëcënuxunma ësaquin Abraham cacëxa: “Ënë mecama cana mi ꞌimainun min rëbúnquicamaribi ꞌinánti ꞌain”. Bëchicëñuma pain ꞌicë ca Nucën Papa Diosan usaquin Abraham cacëxa.

Romanos 9:8

Usa ꞌain cananuna ꞌunanin, ui uníxbi ca aín chaiti cupíshi Nucën Papa Diosan uni ꞌitima ꞌicën. Nucën Papa Diosan aín bana quicësabi oquin usaquin ꞌimicë ꞌaish cuni ca uni ainan ꞌaish asérabi Abrahamnën rëbúnqui ꞌia.

Gálatas 3:16

Usaribi ca Nucën Papa Diosan Abraham cá bana ꞌicën. An ca Abraham aín rëbúnqui achúshi ñuiquin, a cupí ca camabi menu ꞌicë unicama an iscëx upí ꞌaish cuëënti ꞌicë quixun cacëxa. Usaquian Nucën Papa Diosan Abraham cá bana ax ca “aín rëbúnquicama” ñui quima, “aín rëbúnqui achúshi” ñui quia. Usa ꞌain ca aín rëbúnqui achúshi a ñuia quiá ax Cristo ꞌicën.

Gálatas 4:28

ꞌËn xucë́antu, Nucën Papa Diosan Abraham cacësabi oquin ca Isaac aín titan tuacëxa. Usaribiti cananuna nux Nucën Papa Diosan mëníosabi oi Cristo cupí ainan ꞌain.

Deuteronomio 1:8

ꞌËn kana a mekama mitsu ꞌinánuxun sinánkën; usa ꞌain kamina kuantankëxun a mekama biti ꞌain bikëkana ꞌën mitsun bikë kuati ꞌain, ax ka mitsun chaitiokëkama sinanatëkëntima okin ꞌinánuxun ꞌën ka a ꞌikën, akamax ka Abraham Isaac ꞌimainun Jacob aín rëbúnkikama ꞌinánuxun ka me a ꞌikën.

Deuteronomio 30:20

usa ꞌain kamina Nukën ꞌIbu Dios nuibati ami katamëkin ax kikësabiokin ꞌati ꞌain, usakin ꞌai kamina ꞌitsa baritia a me ꞌinánnuxua sinanatëkëntima okin Nukën ꞌIbun nun chaitiokë Abraham Isaac ꞌimainun Jacob ka a menu ꞌiti ꞌain kixun ka Moisésnën kakëxa.

Deuteronomio 34:4

Ismikin ka Nukën ꞌIbun ësokin kakëxa: Ënë mekama ñuikin kana ꞌën min chaitiokë Abraham, Isaac ꞌimainun Jacob akama kakën, a me kama kana min rëbúnki ꞌinánuxun ꞌain kixun. Usa ꞌain kana anu bëbanuxumabi min bërúnbi isti ꞌën kuëëan.

Deuteronomio 6:10

Nukën ꞌIbu Dios an ka mitsu a me ꞌinánuxuan nukën chaitiokë Abraham, Isaac, Jacob akama sinanatëkëntima okin ka a asérabi mitsu ꞌinánti ꞌikën. A ëmakamax ka chaiirabu ꞌaish upíirabu ëma ꞌikën, usa ꞌaish ka mitsun ꞌama a ëmakama ꞌikën;

Deuteronomio 9:5

Usa ꞌain ka mitsun upí ꞌixun biti kupíma a memi binun; atun ꞌucha kupín mitsun ismainunbi atun menua a unikama Nukën ꞌIbun chikínti ꞌikën, ꞌimainun ka anbia nun chaitiokë Abraham Isaac ꞌimainun Jacob akama kásabiokin ꞌati ꞌikën.

Hebreos 11:13

Abraham, Sara, Isaac, Jacob, acamax ca Nucën Papa Diosan ñuiasa oi ꞌicëma pan ꞌain bamacëxa. Usa ꞌaínbi ca aín bamati nëtë sënë́ntamainun masá nuituquinma cuëënquin, Nucën Papa Diosan nu cacësabi oi ca nun rëbúnqui ꞌiti ꞌicë quixun ꞌunáncëxa. Usaquin ꞌunani ca ësai quicësa ꞌiacëxa: nux ënë menu ꞌicë ꞌaishbi cananuna uníxa aín menumabi bëtsi menu cuanúxbi tsócësa ꞌain.

Hebreos 11:8

Bërámaribi ca Abraham cacë uni aribi ami catamëcë ꞌicë Nucën Papa Diosan cacëxa: —Camina min me ëbiani, bëtsi me ꞌura ꞌicë, anu ꞌi cuanti ꞌain. Min rëbúnquicamanan ca a me ꞌiti ꞌicën. Cacëx ca Abraham uinu cara a me ꞌicë, uisa me cara quixun ꞌunánxmabi, aín me, Ur cacë, anuax cuancëxa, Nucën Papa Diosan ca an cacësabi oquin ꞌati ꞌicë quixun ꞌunani.

Josué 1:6

Usa ꞌain kamina rakuë́ti sinanima kushikanti ꞌain, min kamina ënë unikama me ꞌinánti ꞌain, a me ꞌinánuxun kana ꞌën mitsun chaitiokëkama kakën.

Jueces 6:24

Ësokin kakëxun ka Gedeónën anuxun ñuina xaroti achúshi anubi ꞌatankëxun anuxun Nukën ꞌIbu rabikin xarotankëxun; “Nukën ꞌIbuinshi ka nu chuámarua ꞌimia kixun kakin anëakëxa. Anuxun ñuina xaroti Gedeónën ꞌa ax ka bëríbi anua Abiézernën rëbúnkikama ꞌikë Ofrá kakë ëma anu ꞌikën.”

1 Samuel 7:17

Usai akama oi nikin atu istánkëx ka anua aín xubu ꞌikë Ramá kakë anubi utëkëankëxa, anuxun ka Israel kama atun ꞌapu ꞌixun ꞌakiankëxa. ꞌAnan ka anuxun ñuina xaroti achúshi maxax bukunrukin Nukën ꞌIbu ꞌaxuankëxa.