Génesis 12:16 - Kashibo-Kakataibo Biblia

¹⁶ Usa iskin ka faraónën Sarai kupí, Abram upíokin ꞌakinkin ꞌinaishiakëxa oveja, vaca ꞌimainun uni an ñu mëëxunti ꞌimainun xanu an ñu ꞌaxúnti akama ꞌinánkin asno, ꞌimainun camello akamaribi ꞌinánkëxa.

Nukën 'Ibu Diosan ain unikama 'inan ain bana

¹⁶ Usa iskin ka faraónën Sarai kupí, Abram upíokin 'akinkin 'inaishiakëxa oveja, vaca 'imainun uni an ñu mëëxunti 'imainun xanu an ñu 'axúnti akama 'inánkin asno, 'imainun camello akamaribi 'inánkëxa.

Génesis 12:16 Iomraidhean Croise

Génesis 13:2

Abram ax ka ꞌiakëxa uni ñuñuira, usa ꞌaish ka kuri ꞌimainun manë uxua kuríkiñu ꞌianan, ꞌitsaira aín ñuina ꞌarakakëñu ꞌiakëxa.

Génesis 13:6

ꞌaínbi ka anua atux ꞌikë anu aín ñuina ꞌitsaira ꞌain ñuinakaman pasto piti sënë́nma ꞌiakëxa. Usa ꞌain ka a rabëtax anu ꞌisama ꞌain,

Génesis 16:1

Sarai an ka aín bënë Abram tuaxunkëma pain ꞌiakëxa, usa ꞌaínbi ka achúshi xanu Agar kakë egipcia an ñu ꞌaxúnti bëkë ꞌiakëxa.

Génesis 20:14

Usokian Abrahamnën kakëxun ka ꞌapu Abimélecnën aín xanu Sara Abraham ꞌinántëkëankëxa. ꞌInánkin ka aín ꞌarakakë ñuina ovejakama, vaca ꞌimainun an ñu mëëxunti uni ꞌimainun xanu an ñu ꞌaxúnti akamabi ꞌinánkëxa,

Génesis 24:35

Nukën ꞌIbun an ka an ꞌë ñu mëëmikë uni ꞌitsaira ñuñu ꞌinun ꞌimiaxa: usa ꞌixun ka ꞌinánxa ovejakama, vaca, kuri ꞌimainun manë panshian, uni an ñu mëëxunti, xanu an ñu ꞌaxúnti akama ꞌinánan ka camello ꞌimainun asno akama ꞌinánxa.

Génesis 26:14

ꞌImainun ka ꞌitsaira ovejañu ꞌianan, vaca ꞌimainun an ñu mëëxunkë uniñuribi ꞌiakëxa, usa ꞌain ka ax ñuñuira ꞌain, anu ꞌikë filisteo unikama nutsi ami nishkin ꞌatima okëxa.

Génesis 30:43

Usokin ñu ꞌai ka Jacob ax ꞌaisamaira ñuñu ꞌaish kuríkiñuira ꞌianan, an ñu mëëxunkë uni ꞌimainun an ñu ꞌaxunkë xanu ꞌimainun an ꞌarakakë ñuina ovejakama, camello ꞌimainun asno ñuinakama ainan ꞌitsaira ꞌiakëxa.

Génesis 32:5

usa ꞌaish kana vaca, asno, ovejakama ꞌimainun, an ñu mëëxunkë uni ꞌimainun xanu an ñu ꞌaxunkë kamañu ꞌain. Ësokin kana mi kamin mixmi ꞌën xukë́n ꞌIbu ꞌikë, kupin min karamina ꞌë upíokin kuania biti ꞌai kixun mi kamin.”

Job 1:3

ꞌimainun ka ax siete mil ovejakama ꞌianan tres mil camello, ꞌimainun a ñu mëëmikë vaca bënë rabë́, rabë́ ax quinientas ꞌiakëxa, ꞌimainun ka burro aín xanu kamañuribi ꞌiakëxa. ꞌIanan ka an ñu mëëxunkë unikama ꞌimainun xanukama an ñu ꞌaxunkë kamañuribi ꞌiakëxa. Usa ꞌaish ka ax ñuñuira uni a menu ꞌiakëxa.

Job 42:12

Usa ꞌain ka Diosan upíokin Job sinánxunkin tëmërakëma ꞌaísha ꞌikësamairaia ñuñuira ꞌinun ꞌimikin. Ka catorce mil ovejakama, seis mil camellokama, mil vaca ain bënë rabë́, rabë́, ꞌimainun mil burro aín xanukamañu ꞌinun ꞌimiakëxa.

Lucas 12:45

Usa ꞌaínbi ca a unix ꞌatima sinánñu ꞌixun, an ꞌë ñu mëëmicë uni ca panatia quixun sinánquin abëtan ñu mëëcë uni raíri mëëanan xëai paë́nti ꞌicën.