Génesis 12:10 - Kashibo-Kakataibo Biblia

¹⁰ Usa ꞌain ka anua Abram tsótanbi a menu a piti ñu ꞌaimaira ꞌiakëxa, usa ꞌain ka Abram a menuax ꞌitsama baritia ishi, Egipto menu anua a piti ñu ꞌain anu tsóti kuankëxa, anua ꞌikë me anua a piti ñu a nëtënu ꞌaimaira ꞌain.

Nukën 'Ibu Diosan ain unikama 'inan ain bana

¹⁰ Usa 'ain ka anua Abram tsótanbi a menu a piti ñu 'aimaira 'iakëxa, usa 'ain ka Abram a menuax 'itsama baritia ishi, Egipto menu anua a piti ñu 'ain anu tsóti kuankëxa, anua 'ikë me anua a piti ñu a nëtënu 'aimaira 'ain.

Génesis 12:10 Iomraidhean Croise

Génesis 41:56

Usa ꞌain ka kamabi menua a piti ꞌaíma ꞌain Josénën anua trigo bukunkëkama xëókanun kixun kakëxuan xëókakëbëtan ka egipcio unikaman trigo maruakëxa, usai ꞌikëbë ka kamabi nëtën numi chaiira ꞌain a piti ꞌaíma ꞌiakëxa.

Génesis 41:57

Usai ꞌikëbë ka kamabi menuaxribi a piti ꞌaíma ꞌain Egipto menua José ꞌain, trigo marui unikama uinu ꞌikë menubi a piti ꞌaíma ꞌain uakëxa.

Génesis 42:5

Usa ꞌain ka Jacobnën bëchikë kamax anribia trigo marui kuankë unikamabë kuankëxa. A nëtë kaman ka kamabi Canaán menu a piti ñu ꞌaíma ain numi chaiira ꞌiakëxa.

Génesis 43:1

Usa ꞌain ka nëtëkamabi a piti ñu a menu ꞌaíma ꞌiakëxa,

Génesis 47:13

Usa ꞌain ka uinu ꞌikë menubi trigo a piti ꞌaíma ꞌiakëxa, usa ꞌain ka a piti ñu ꞌaíma ꞌain ꞌitsaira numi ꞌiakëxa. ꞌIkëbë ka Egipto menu ꞌianan Canaán kakë me anuribi ꞌikëbë ka anu ꞌikë, unikama numin bamatisa tani ꞌikankëxa.

2 Reyes 6:25

Usakin ꞌan ka Samaria ëma xëkuë anun kuainti ꞌaíma ꞌinun upíokin xëpukë ꞌain numin ꞌitsaira ꞌikankëxa, usa ꞌain ka a piti këñúkëbëtan achúshi burro maxká ochenta kuríki manë ꞌakë sënën aín kupí ꞌiakëxa, ꞌianan ka ñumakuru pui achúshi litro chukúma ꞌinun bikë ax, mapai achúshi kuríki manë ꞌakë sënën kupíakëxa.

Salmos 105:13

usa ꞌaish ka bëtsi menu ꞌitankëx bëtsi menuribi ꞌianan, bëtsi ëmanu ꞌitankëx bëtsi ëmanuribi kuani niakëxa,

Salmos 107:34

ꞌimianan ka mekama aribi anu ñu ꞌapátisama ꞌitánun; anu ꞌikë unikamaxa ñu ꞌatima ꞌai ꞌuchakë kupín ꞌimia;

Salmos 34:19

Uni upí sinánñu kama ax ka ꞌitsaira tëmëraia, usai ꞌiabi ka a ñukamanua Nukën ꞌIbun ꞌakian.

Jeremías 14:1

Nukën ꞌIbu Diosan ka Jeremías Judá menua ꞌuí ꞌibúkëbëma me ëskikë ꞌain ësokin kakëxa:

Juan 16:33

ꞌËmi catamëtími chuámashirua ꞌaish upitax ꞌicánun cana ënë banacama mitsu ñuixuan. Ënë nëtënuax camina mitsux ꞌënan cupía mitsumi nishquin unin ꞌatimocë ꞌinuxun ꞌain. Usai ꞌibi camina bënëtima ꞌëmi cushicanti ꞌain. An ënë menu ꞌicë unicama ꞌibuacë ꞌicëbi cana ꞌën ñunshin ꞌatimanën ꞌapu ñusmon.

Hechos 14:22

A ëmacamanu ꞌiquiani cuanquin ca axa Jesucristomi catamëcë unicama cushioquin Jesucristomi catamëti ënxunma ꞌanun ꞌësëanan nux Nucën Papa Diosnan ꞌaish cananuna uni itsían bëtsi bëtsi ocë ꞌiti ꞌai quixun cacëxa.

Hechos 7:11

Faraónën cacësabi oquian Josénën ꞌamainun ca Egipto mecamanu ꞌimainun Canaán mecamanuribi trigo ꞌaíma ꞌiacëxa. Usa ꞌain ca anu ꞌicë unicama ꞌacëñuma ꞌaish nuibacacëxa. Nuibacácëbë ca nucën raracamaribi pitiñuma ꞌiacëxa.

Rut 1:1

A baritian Israelkama atun ꞌapuñuma ꞌain ka bëtsi uni raírinëx atun ꞌapu ꞌiakëxa, a baritiakaman ka a menu a piti ñu ꞌaíma ꞌain numi ꞌiakëxa. Usa ꞌain ka achúshi uni Judá kakë menua ꞌikë Belén kakë ëma anuax Elimélec ax Moab kakë me anu ꞌitsama baritia tsóti kuankëxa. Kuankin ka ain xanu Noimí ꞌimainun aín bakë bëchikë bëbu rabë́ Mahlón kakë a ꞌimainun Quilión a buánkëxa. A unikamax ka efrateo ꞌaíshbi Belén menu tsókë unibi ꞌiakëxa. Usa ꞌain ka anuax kuantankëx Moab kakë me anu tsóti bërúakëxa.