Génesis 11:7 - Kashibo-Kakataibo Biblia

⁷ Usa ꞌain ka Nukën ꞌIbu Diosan atun ñu ꞌaia istisatankëx kiakëxa, bëtsi bëtsi banan bananun kananuna uni ꞌimiti ꞌain, usai ꞌi ka bëtsin kakëxunbi bëtsin bana kuakámati bënëti ꞌikën.

Nukën 'Ibu Diosan ain unikama 'inan ain bana

⁷ Usa 'ain ka Nukën 'Ibu Diosan atun ñu 'aia istisatankëx kiakëxa, bëtsi bëtsi banan bananun kananuna uni 'imiti 'ain, usai 'i ka bëtsin kakëxunbi bëtsin bana kuakámati bënëti 'ikën.

Génesis 11:7 Iomraidhean Croise

Génesis 1:26

Usa ꞌain ka kamabi ñu ꞌatankëx Nukën ꞌIbu Dios ësai kiakëxa: Bërí kananuna nu iskësabi ꞌitánun uni unioti ꞌain. Ax ka bakanu ꞌikë ñuinakama ꞌimainun pëchiñu ñuina ꞌimainun a piti pitima ñuinakama ꞌianan, ñuina raëkëma ꞌimainun men niríkë ñuinakamax ka an bërúankë ꞌiti ꞌikën.

Génesis 10:20

Ënë unikamax ka Camnën rëbúnki ꞌiakëxa, achúshi achúshi ëmax ka aín aintsibë aín menubi tsóti ꞌain bananbi banakëxa.

Génesis 10:32

Ënëkamax ka Noénën bëchikënën aintsikama ꞌiakëxa, usa ꞌain ka aín rëbúnkinëx anubia aín rara tsóa menubi ꞌiakëxa. Baka chaiira ꞌikuatsian ꞌain ka abisi amanu amanu kuani atun ëmabi ꞌai anu tsókankëxa.

Génesis 10:5

Ënë unikamax ka Jafetnën rëbúnki ꞌiakëxa, ax ka achúshi Javán kakë ꞌiakëxa, aín rëbúnkinëx ka parúmpapa kuëbí tsóti ꞌuakamë ꞌëokëxa, usai ꞌika aín bananbi bananbi banai aín aintsibë timë́ax aín menu menubi tsóakëxa.

Génesis 11:5

ꞌAínbi ka Nukën ꞌIbun usakian ëma ꞌimainun torre unikaman ënën menma chaiorukin ꞌakë a ubuxun isakëxa.

Génesis 3:22

kakëxa: Ka is, bërí ka unix nukama achúshisa ꞌikën, usa ꞌixun ka uisa ñu kara upí ꞌikë ꞌunánan uisa ñu kara ꞌaisama ꞌikë aribi ꞌunánti ꞌikën. Usa ꞌain kamina a pi tsóti i bimi aribimina xënibua ꞌaínbi tsónuxun pi bërúanti ꞌain.

Génesis 42:23

Usai atux kia Josénën kuatiabika ꞌunánma ꞌikën, ax ka bëtsían usai ka kia kixun kamainun banakëxa.

Salmos 2:4

Usai atux ꞌikëbëbi ka Dios naínu ꞌapu ꞌikë, ax atumi kuaiti ꞌikën;

Salmos 33:10

Nukën ꞌIbun ka atun sinánkësa okían a rabikëma unikaman ñu ꞌati kuëënkinma a ꞌatia sinánkë ñukama ꞌanun ꞌamima,

Éxodo 4:11

ꞌAínbi ka Nukën ꞌIbun Moisés kakëxa: —¿Uin kara uni anúan banati bana ꞌinánkëx? ¿Uinma ꞌën kana an banañuma ꞌianan pabë, bëxuñu ꞌimianan an unikama an upíokin isnun ismikë a ꞌain?

Isaías 33:19

Usa ꞌain kamina bërí amiribishi bëtsi ëmanu ꞌikë unikama bana kuakëma ꞌain, atun bana ax ka mitsun kuaisama tëira ꞌianan, uisai kara kia kixun uinu ꞌikë mitsúnbi kuaisama ꞌikën.

Isaías 6:8

Ësai kia kuatankëxun kana Dios ësai kikë aín banaribi kuan: “¿Uinu ꞌikë uni karana xuti ꞌain? ¿Uix kara nukamax kikë bana uni ñuixunkë ꞌiti ꞌik?” Kia kana ꞌën kan: “Ënu kana ꞌëx ꞌain ꞌë kamina xuti ꞌain.”

1 Corintios 14:23

Aín bana cuacë ꞌaíshmi mitsux timë́ax camáxbi Nucën Papa Dios rabi unin cuacëma banan banacëbë ca an mitsúxmi usai ꞌia ꞌunáncëma uni raíri ꞌimainun axa Jesúsmi sináncëma uni raírinëx atsínti ꞌicën. Atsínquin mitsúxmi usai banaia cuaquin ca —sapi ca ñunshíanxa —quixun sinánti ꞌicën.