Génesis 10:5 - Kashibo-Kakataibo Biblia

⁵ Ënë unikamax ka Jafetnën rëbúnki ꞌiakëxa, ax ka achúshi Javán kakë ꞌiakëxa, aín rëbúnkinëx ka parúmpapa kuëbí tsóti ꞌuakamë ꞌëokëxa, usai ꞌika aín bananbi bananbi banai aín aintsibë timë́ax aín menu menubi tsóakëxa.

Nukën 'Ibu Diosan ain unikama 'inan ain bana

⁵ Ënë unikamax ka Jafetnën rëbúnki 'iakëxa, ax ka achúshi Javán kakë 'iakëxa, aín rëbúnkinëx ka parúmpapa kuëbí tsóti 'uakamë 'ëokëxa, usai 'ika aín bananbi bananbi banai aín aintsibë timë́ax aín menu menubi tsóakëxa.

Génesis 10:5 Iomraidhean Croise

Génesis 10:20

Ënë unikamax ka Camnën rëbúnki ꞌiakëxa, achúshi achúshi ëmax ka aín aintsibë aín menubi tsóti ꞌain bananbi banakëxa.

Génesis 10:25

Usa ꞌain ka Ébernën rabë́ okin bakë bëchiakëxa: achúshinëx ka Péleg kakë ꞌiakëxa, axa anu ꞌain ka unikama kamabi menu kuani abísakëxa; ꞌimainun ka Pélegnën xukë́n ax Joctán kakë ꞌiakëxa. (Péleg ax ka bëtsi bëtsi menu kuani amanu amanu kuankëxa.)

Génesis 10:32

Ënëkamax ka Noénën bëchikënën aintsikama ꞌiakëxa, usa ꞌain ka aín rëbúnkinëx anubia aín rara tsóa menubi ꞌiakëxa. Baka chaiira ꞌikuatsian ꞌain ka abisi amanu amanu kuani atun ëmabi ꞌai anu tsókankëxa.

Génesis 10:4

Javánnën bëchikëkama ka ꞌiakëxa Elisá, Tarsis, Quitim ꞌimainun Rodanim.

Génesis 10:6

Camnën bëchikëkama aín anë ka ꞌiakëxa Cus, Misraim, Fut ꞌimainun Canaán.

Génesis 9:19

Ënëkamax ka Noénën bëchikë rabë́ ꞌimainun achúshi ꞌiakëxa, usa ꞌain ka aín rëbúnkikama kamabi menu kuani amiribishi ꞌuákamë ꞌëoi mekama oi kuankëxa.

Salmos 72:10

¡ꞌImainun ka a ꞌinaínshiti ñukama bëanan ꞌapu ꞌinánti bikë akama Tarsisnu ꞌikë ꞌapukama ꞌimainun paru nasínu, ꞌikë akamanribi bëxun ꞌinámainun ka, Sabá ꞌimainun Sebá anu ꞌikë ꞌapukamanribi bëxun ꞌinánti ꞌikën!

Isaías 40:15

An iskëx ka bëtsi bëtsi menu ꞌikë ëmakamanu ꞌikë unikamax ꞌumpax tuskia iskë usaratsushi ꞌikën, ꞌianan ñu bëru ꞌitsama anun ñu tupunkë anu ꞌarukë usaribi ꞌikën; bëtsi bëtsi unikama parúmpapa nasínua ꞌikë ax ka masi bëru ꞌitsaira ꞌiskësa usaribi ꞌikën.

Isaías 41:5

Axa parúmpapa nasínu ꞌikë ëmakamanu tsókë unikama ax ka a isi ꞌitsaira rakuë́kankëxa; usai ꞌimainun ka mekama shaíki kamabi mex shaíkiakëxa. Usai ꞌikëbë timë́xun ka ꞌaia kixun iskanti ꞌikën.”

Isaías 42:10

Anun kantakëma kanta ió anun kamina Nukën ꞌIbu rabi kantakanti ꞌain; rabikin ka uinu kara me kuainakëakëxa anu tsóa unikama atúnribi rabiti ꞌikën, ꞌamainun ka uikamax kara aín manë nuntin parúmpapan kuania akaman ꞌamainun, ka parúmpapanu ꞌikë ñuinakama anribi rabiti ꞌikën, ꞌamainun ka parúmpapa nasínu tsóa unikama atúnribi rabiti ꞌikën.

Isaías 42:4

Usai ꞌika tantimabi ꞌianan kana ꞌaima kixunbi sinántima ꞌikën, kamabi menu ꞌikë unikamaxa ax kikësabiokin ꞌai sënë́ntamainun Axa parúmpapa nasíkamanu ꞌikë unikama atun ka an ꞌunánmikësabi okin ꞌati ꞌikën.”

Isaías 49:1

Axa parúmpapa nasínu ꞌikë ëmakamanu ꞌikë unikaman ka upiokin sinánkin kuati ꞌikën, ꞌimainun ka bëtsi bëtsi ëma ꞌura ꞌikë anu ꞌikë unikamanribi ꞌëx kia kuati ꞌikën: Nukën ꞌIbun ka ꞌën titan ꞌë tuakëma pain ꞌikëbi ꞌë kaisakëxa; usa ꞌixun ka ꞌën titan puku ꞌukë mëu ꞌikëbi ꞌën anën ꞌë anëakëxa.

Isaías 60:9

Tarsisnu ꞌikë manë nunti kama ax ka atu rëkuëonbiani manë nunti kama raíri abë biranan kuatsini kuankin, Jerusalénnu ikë unikama bëi ukin, mitsun bëchikëkama ꞌurakëo bëanan, kuri manë uxua akama bëti aka ax ꞌikën, a ñukamax ka min ꞌIbu Israel kaman Dios upíira a bëxunkë ꞌiti ꞌikën, an ka kushiira ꞌixun mitsu ꞌakiankëxa.

Jeremías 2:10

Amia bari kuabúkë au rikianxun upíokin pain istankëxun kamina; anuxun bëtsi uni Guedar kakë ëma anu kuankin upíokin, an bërí ꞌikësai kara ñu ꞌiakëxa, kixun an kuatanun uni xuti ꞌain,

Deuteronomio 32:8

Achúshi okin ka Diosan ax kushiira ꞌixun unikama amanu amanu kuani bëtsi bëtsi menu tsóti kuanun ꞌimiakëxa, ꞌimianan ka uinu kara atun me sënë́nti ꞌikë aribi kamabi menu ꞌikë unikama ꞌunánmiakëxa. ꞌAínbi ka usakin atu ꞌanan Israel unibu aín uni ꞌiti kaisakëxa,