Génesis 1:30 - Kashibo-Kakataibo Biblia

³⁰ ꞌAínbi kana ñuinakama axa men nikë ꞌimainun manan ꞌikë pëchiñu ñuinakama ꞌimainun men niríkë ñuina akamabi kana menuax ꞌirukë in bimikama pinun ꞌinanin. Kikëbë ka usai ꞌiakëxa,

Nukën 'Ibu Diosan ain unikama 'inan ain bana

³⁰ 'Aínbi kana ñuinakama axa men nikë 'imainun manan 'ikë pëchiñu ñuinakama 'imainun men niríkë ñuina akamabi kana menuax 'irukë in bimikama pinun 'inanin. Kikëbë ka usai 'iakëxa,

Génesis 1:30 Iomraidhean Croise

Génesis 6:21

ꞌAnan kamina kamabi ñu min piti ꞌimainun ñuinakaman pitiribi bitankëxun puruti ꞌain, usa ꞌain ka min piti ꞌimainun ñuina kaman pitiribi anu ꞌiti ꞌikën.

Génesis 9:3

ꞌËn kana mi kain kamina kamabi ñuina ꞌimainun ñu ꞌapátankëxun bimia pianan kamina añu kaina pisatanin aribi piti ꞌain. ꞌËn kana akama mi ꞌinanin.

Job 39:30

Usa ꞌain ka aín tuákama ñuina imi xëamia; ꞌimainun ka uinua kara ñu bamakëkama mëraia anu bukubukë unin isia.

Job 39:4

Usai ꞌitankëx ka aín tuákama ax kani kushikin tankin ninua ñu pi, ꞌura kuankin aín tita ëntankëx amiribishi aín titanu utëkënima.

Job 39:8

Usa ꞌaish ka atun piti bari matá me anubi kuankin pasto barianan, xubi kookë a pinuxun bari nitsia.

Job 40:15

Min kamina chaiira ñuina bakainu a sinánti ꞌain, ꞌën kana mi ꞌakësaribi okin uniokën: an ka vaca bënëkaman ꞌakësaribi okin basi pia;

Job 40:20

An ka ninua, anuaxa ñuina raëkëmakama kuaikë anua ni pëi basi akama pia.

Salmos 104:14

Usakin ꞌanan kamina ñuina kaman piti basi koonun ꞌimianan, unin ꞌapáxun mëníokë ñukama aribi, aín bimi piínua menuax tuatanun ꞌimin,