Génesis 1:26 - Kashibo-Kakataibo Biblia

²⁶ Usa ꞌain ka kamabi ñu ꞌatankëx Nukën ꞌIbu Dios ësai kiakëxa: Bërí kananuna nu iskësabi ꞌitánun uni unioti ꞌain. Ax ka bakanu ꞌikë ñuinakama ꞌimainun pëchiñu ñuina ꞌimainun a piti pitima ñuinakama ꞌianan, ñuina raëkëma ꞌimainun men niríkë ñuinakamax ka an bërúankë ꞌiti ꞌikën.

Nukën 'Ibu Diosan ain unikama 'inan ain bana

²⁶ Usa 'ain ka kamabi ñu 'atankëx Nukën 'Ibu Dios ësai kiakëxa: Bërí kananuna nu iskësabi 'itánun uni unioti 'ain. Ax ka bakanu 'ikë ñuinakama 'imainun pëchiñu ñuina 'imainun a piti pitima ñuinakama 'ianan, ñuina raëkëma 'imainun men niríkë ñuinakamax ka an bërúankë 'iti 'ikën.

Génesis 1:26 Iomraidhean Croise

Génesis 11:7

Usa ꞌain ka Nukën ꞌIbu Diosan atun ñu ꞌaia istisatankëx kiakëxa, bëtsi bëtsi banan bananun kananuna uni ꞌimiti ꞌain, usai ꞌi ka bëtsin kakëxunbi bëtsin bana kuakámati bënëti ꞌikën.

Génesis 2:19

Usakin ꞌatankëxun ka Diosan menua uniokë ñuinakama ꞌimainun ñuina pëchiñukama unin anënun uninu uankëxa. A unían anëkë ꞌaish ka kamabi ñuinakama a piti a pitima ꞌimainun kamabi ñuina pëchiukama ꞌimainun raëkëmakama anëñu ꞌiakëxa,

Génesis 3:22

kakëxa: Ka is, bërí ka unix nukama achúshisa ꞌikën, usa ꞌixun ka uisa ñu kara upí ꞌikë ꞌunánan uisa ñu kara ꞌaisama ꞌikë aribi ꞌunánti ꞌikën. Usa ꞌain kamina a pi tsóti i bimi aribimina xënibua ꞌaínbi tsónuxun pi bërúanti ꞌain.

Génesis 5:1

Ënëx ka Adánnën rëbúnkinën anëkama kuënëokë ꞌikën. Uni uniokin ka Nukën ꞌIbu Diosan, asaribi ꞌitánun ꞌakëxa;

Génesis 9:6

Uin kara bëtsi uni ꞌaia, aka bëtsi unínribi ꞌati ꞌikën. Unix ka Nukën ꞌIbu Diosan a iskësabi okin unio ꞌikën usa ꞌain.

Job 39:11

¿Min kaina ax kushiira ꞌixun ka ꞌën tëtikama ꞌë ꞌaxunti ꞌikë kixun sinánkin an mi ꞌaxúnun ënti ꞌain?

Job 5:23

Min naëoti menu ka mënioisama ꞌitánun ꞌitsaira maxá ꞌitima ꞌikën, ꞌimainun ka raëkëma pianankë ñuinakama ax min ꞌunánkë unisa ꞌixun mi uisabi otima ꞌikën.

Salmos 100:3

Usai ꞌikin kamina upíokin Nukën ꞌIbu ax ka Dios ꞌikë kixun ꞌunánkanti ꞌain; an ka nu uniokëxa usa ꞌaish kananuna ainan ꞌain; nux kananuna ain unikama ꞌain, ¡usa ꞌikë ka unían ain ñuina ꞌarakakësa usaribi ꞌikë nu bërúaia!

Isaías 45:18

Ësai ka an naíkamë ꞌëo unio, Nukën ꞌIbu Dios ax kia, an ka me ꞌatankëxun anubia ꞌitinu nankëxa, mex ka ñankáishi rakatima ꞌikë anu ka uni ꞌiti ꞌikën: ꞌËx kana Nukën ꞌIbu ꞌain, usa ꞌain ka bëtsi ꞌaíma ꞌikën.

Isaías 6:8

Ësai kia kuatankëxun kana Dios ësai kikë aín banaribi kuan: “¿Uinu ꞌikë uni karana xuti ꞌain? ¿Uix kara nukamax kikë bana uni ñuixunkë ꞌiti ꞌik?” Kia kana ꞌën kan: “Ënu kana ꞌëx ꞌain ꞌë kamina xuti ꞌain.”

Isaías 64:8

Usa ꞌaínbi kamina mix Nun ꞌIbu ꞌaish nun papa ꞌain; nukamax kananuna me uniokë ꞌain, usa ꞌain kamina mix an me bëtsi bëtsi ñu tankin ꞌakë usaribi ꞌain; ¡usa ꞌain kananuna kamabi nukamax minbi me unío ꞌain!

Juan 14:23

Cacëxun ca Jesusan cacëxa: —Uix cara ꞌëmi sinania, ax ca ꞌëx quicësabi oi ꞌiti ꞌicën. Usai ꞌia ca ꞌën Papan nuibati ꞌicën. An nuibacëbë cana ꞌën Papabë ꞌëxribi a unibë ꞌiti ꞌain.

Juan 5:17

ꞌËsënaniabi ca Jesusan atu cacëxa: —ꞌËn Papan ꞌacësaribi oquin cana ꞌën ꞌain.

Hechos 17:20

Nun cuacëma ñu camina min ñuin. Uisai qui quicë cara quixun cananuna ꞌunántisa tanin.

Hechos 17:26

An ca achúshi uni aín rëbúnquicamaxa mecamanu tsónun uniocëxa. Unioquin ca uiti barin cara aín rëbúnquicamax camabi menu tsóti ꞌicë quixun mëníonan, anua aín me sënë́ncëcamaribi mëníoxuancëxa.

1 Corintios 11:7

Nucën Papa Diosan ca asaribi ꞌitánun uni uniocëxa. Usa ꞌain ca Nucën Papa Diosan asaribi ꞌinun unio ꞌaish uni mapútima ꞌicën. Usa ꞌaínbi ca Nucën Papa Diosan an uni ꞌaquinti oquin xanu uniocëxa.

2 Corintios 3:18

Usa ꞌain cananuna bëmápucucësama ꞌixun, Jesús ca asérabi Cristo ꞌicë quixun ꞌunani ami catamëti ainan ꞌain. Barían pëcaquin espejo ichucësaribi oquin ca Jesucristonënbi asaribi ꞌinun aín upí nu ꞌinania. Usaquian nu ꞌacëx cananuna bërámanu ꞌá ñucama ëuncubiani Jesucristo cuëëncësabi oi bëtsi sinánñu ꞌaish, asaribi ꞌin. Aín Bëru Ñunshin Upitanbia ꞌimicëx cananuna usai ꞌin.

2 Corintios 4:4

Usaquin sináncë unicaman ca ñunshin ꞌatimanën ꞌapúan sinánmicëxun, uisairai cara aín ꞌucha tërë́ncë ꞌaish Nucën Papa Diossaribi, Cristo, ainan ꞌiti ꞌicë quixun ꞌunanima.

Efesios 4:24

Bëtsi sinánñu ꞌimicëx camina an iscëx asérabi upí ꞌianan unínribia iscëx upí nuituñu ꞌiti ꞌain, Nucën Papa Dios cuëëncësabi oi.

Colosenses 1:15

Uinu ꞌicë unínbia Nucën Papa Dios istima ꞌaínbi ca unían uisa cara Nucën Papa Dios ꞌicë quixun ꞌunánun asaribi ꞌaish aín Bëchicë ënë menu uacëxa. Añu ñubi unitisama ꞌain ca axira pain aín Papabë ꞌiacëxa.

Colosenses 3:10

Mitsun bëtsi oquin sinánquin camina Cristonën sináncësa oquin sinánti ꞌain. Usai ꞌiquinmi a upí oquin ꞌunánun ca an unio ꞌixun Nucën Papa Diosan mitsu ꞌimia.

Santiago 3:7

Unin ca camabi ñuina axa piánancë ꞌimainun ñuina pëchiu ꞌimainun men nirícë ñuina ꞌimainun baca mëu ꞌicë ñuina a camabi aín cuëëncësa oquin ꞌati ꞌicën, usoquin ca ꞌaia.

Santiago 3:9

Nun ana anúnu banacë, anúnbi cananuna Nucën ꞌIbu Dios rabin, anúnribi cananuna uni, a Nucën ꞌIbu Diosan asaribi oquin unio ꞌicëbi ami nishquin ami ꞌatimati banaquin ñu cain.

1 Juan 5:7

Usa ꞌain ca naínu ꞌicë Nucën Papa Dios ꞌimainun aín Bana, Jesucristo, ꞌimainun aín Bëru Ñunshin Upí, acama ꞌaish rabë́ ꞌimainun achúshi ꞌicën. Usa ꞌaíshbi ca achúshishi ꞌicën. Anribi ca nu ꞌunánmia, Jesus, ax ca asérabi Cristo, Nucën Papa Diosan Bëchicë, a ꞌicë quixun.