Génesis 1:22 - Kashibo-Kakataibo Biblia

²² usakin ꞌakëxa upí ꞌikë iskin ka Diosan an ꞌakë ñukama upíokin sinánxunkin kakëxa: Parúmpapanu ꞌikë ñuinakama tuapati ka ꞌuakamë ꞌëoi ka kait, ñuina pëchiñukamaribi ka tuapati ꞌitsaira menu ꞌiti ꞌikën.

Nukën 'Ibu Diosan ain unikama 'inan ain bana

²² usakin 'akëxa upí 'ikë iskin ka Diosan an 'akë ñukama upíokin sinánxunkin kakëxa: Parúmpapanu 'ikë ñuinakama tuapati ka 'uakamë 'ëoi ka kait, ñuina pëchiñukamaribi ka tuapati 'itsaira menu 'iti 'ikën.

Génesis 1:22 Iomraidhean Croise

Génesis 1:21

Nukën ꞌIbu Diosan ka parúmpapanu ꞌiti ñuina chaiirabukama uniokëxa, ꞌimainun ka baka ꞌukëmëuküax kaiti ꞌanubi ꞌiti ꞌanan ka ñuina pëchiñukamaribi ꞌakëxa. Usakin ꞌatankëxun ka Nukën ꞌIbu Diosan upí isakëxa,

Génesis 1:23

Usakin ꞌakë ꞌain bë́ankionx pë́karatëkënkë ax ka mapai achúshi nëtë ꞌiakëxa.

Génesis 1:28

Uniotankëxun ka upíokin sinánxunkin kakëxa: Bakë bëchipati kamina mekama tsitsirui ꞌuákamë ꞌëoti ꞌain; baka mëu ꞌikë ñuinakama ꞌimainun manan nuánkë pëchiñu ñuinakama, ꞌimainun axa men niríkë ñuinakama aín ꞌibu kamina ꞌiti ꞌain.

Génesis 30:27

Kakëxunbi ka aín kuku Labánën kakëxa: —Usama ka ꞌëbëbi ꞌi kamina bërúti ꞌain. ꞌËn kana ꞌunanin Nukën ꞌIbun ka ꞌën sinánkëxun mix ënu ꞌëbë ꞌain ꞌitsaira ꞌë ꞌakinia usa ꞌain.

Génesis 30:30

ꞌëx ukëmapan ꞌain ka min ñuina ꞌarakakëkama ꞌitsamashi ꞌiakëxa, usa ꞌaínbi ka ꞌën bërúaia Nukën ꞌIbu ꞌakinkëx bërí ꞌaisamaira min ñuina ꞌikën; ꞌaínbi karana, ¿Uínsaran ꞌënanbi ñu mëi ꞌën xanu ꞌimainun ꞌën bëchikë kamanan ñu ꞌarakati ꞌain?

Génesis 35:11

anëkin ka ësokin kakëxa: ꞌËx kana Dios kamabi kushiñuira a ꞌain; usa ꞌain kamina bëchipati mebi tsitsirui ꞌuakamë ꞌëoi bukuti ꞌain, min rëbúnkikamaribi ka bëtsi bëtsi ëma ꞌai aín ꞌapuñu ꞌapuñu bukuti ꞌikën.

Génesis 8:17

ꞌImainun kamina mibëa ꞌikë ñuina aribi chikínti ꞌain: ñuina pëchiñu a ꞌarakati ñuinakama, axa men niríkë ñuinakama, anu kuankian tuapati ꞌuákamë ꞌëokin me tsitsirutanun.

Génesis 9:1

Nukën ꞌIbu Diosan ka upíokin sinánxunkin Noé ꞌimainun ain bëchikëkama, ësokin kakëxa: Kamina bëchipati mebi tsitsirui ꞌuákamë ꞌëoti ꞌain.

Job 40:15

Min kamina chaiira ñuina bakainu a sinánti ꞌain, ꞌën kana mi ꞌakësaribi okin uniokën: an ka vaca bënëkaman ꞌakësaribi okin basi pia;

Job 42:12

Usa ꞌain ka Diosan upíokin Job sinánxunkin tëmërakëma ꞌaísha ꞌikësamairaia ñuñuira ꞌinun ꞌimikin. Ka catorce mil ovejakama, seis mil camellokama, mil vaca ain bënë rabë́, rabë́, ꞌimainun mil burro aín xanukamañu ꞌinun ꞌimiakëxa.

Salmos 107:31

Usa ꞌain kananuna Nun ꞌIbu Dios nu ꞌakinun asábi ka kakin rabiti ꞌain, an ka kamabi uni ñu ꞌupiokin ꞌanun ꞌakinia.

Salmos 107:38

Usakin ꞌaia ka Diosanbi bakë bëchipatia kaínu ꞌimianan atun ꞌarakakë ñuinakamaribi ꞌaisamaira kaínun ꞌimiakëxa.