Génesis 1:21 - Kashibo-Kakataibo Biblia

²¹ Nukën ꞌIbu Diosan ka parúmpapanu ꞌiti ñuina chaiirabukama uniokëxa, ꞌimainun ka baka ꞌukëmëuküax kaiti ꞌanubi ꞌiti ꞌanan ka ñuina pëchiñukamaribi ꞌakëxa. Usakin ꞌatankëxun ka Nukën ꞌIbu Diosan upí isakëxa,

Nukën 'Ibu Diosan ain unikama 'inan ain bana

²¹ Nukën 'Ibu Diosan ka parúmpapanu 'iti ñuina chaiirabukama uniokëxa, 'imainun ka baka 'ukëmëuküax kaiti 'anubi 'iti 'anan ka ñuina pëchiñukamaribi 'akëxa. Usakin 'atankëxun ka Nukën 'Ibu Diosan upí isakëxa,

Génesis 1:21 Iomraidhean Croise

Génesis 1:18

an nëtën ꞌimainun imë́ pë́kati a ka nëtë xabábëa imë́ biranantima okin ꞌakëxa, usa ꞌain ka akamabi Nukën ꞌIbu Diosan upí isakëxa.

Génesis 1:20

Usakin ꞌatankëx ka Nukën ꞌIbu Dios kiakëxa: Baka ꞌukëmëu ka bëtsi bëtsi ñuina ꞌaisamaira ꞌuakamë ꞌëoti ꞌikën, ꞌimainun ka me manánmi nuanti pëchiñu ñuinakama uniti ꞌikën. Kikëbë ka usai ꞌiakëxa.

Génesis 1:22

usakin ꞌakëxa upí ꞌikë iskin ka Diosan an ꞌakë ñukama upíokin sinánxunkin kakëxa: Parúmpapanu ꞌikë ñuinakama tuapati ka ꞌuakamë ꞌëoi ka kait, ñuina pëchiñukamaribi ka tuapati ꞌitsaira menu ꞌiti ꞌikën.

Génesis 1:25

Nukën ꞌIbu Diosan ka ënë ñuinakama uniotankëx kamabi upí ꞌikë isakëxa.

Génesis 1:31

usokin ꞌaxun ka Nukën ꞌIbu Diosan an uniokë ñukama upíira upí ꞌikë isakëxa. Usaxa bë́ankionx pë́karatëkënkë ax ka mapai ꞌimainun achúshi nëtë ꞌiakëxa.

Génesis 2:19

Usakin ꞌatankëxun ka Diosan menua uniokë ñuinakama ꞌimainun ñuina pëchiñukama unin anënun uninu uankëxa. A unían anëkë ꞌaish ka kamabi ñuinakama a piti a pitima ꞌimainun kamabi ñuina pëchiukama ꞌimainun raëkëmakama anëñu ꞌiakëxa,

Génesis 6:20

Mibë ka nunti chaiira anu rabë́ rabë́, bëtsi bëtsi ñuina këñuruti ꞌikën: usai ꞌika pëchiñu ñuina ꞌimainun a ꞌarakati ñuinakama, ꞌimainun ka men nikë ñuinakama axribi, këñutima kupí këñuruti ꞌikën.

Génesis 7:14

Usai ꞌirukin ka kamabi ñuina a ꞌarakati ꞌimainun, ꞌarakatima akama ꞌimainun axa men niríkë ñuina ꞌimainun pëchiñu ñuina akamabëbi atsíankëxa.

Génesis 8:17

ꞌImainun kamina mibëa ꞌikë ñuina aribi chikínti ꞌain: ñuina pëchiñu a ꞌarakati ñuinakama, axa men niríkë ñuinakama, anu kuankian tuapati ꞌuákamë ꞌëokin me tsitsirutanun.

Génesis 8:19

Usai chikíkëbë ka ñuinakamaxribi a ꞌarakati ꞌimainun a ꞌarakatima, men niríkë ꞌimainun axa manan nuánkë ñuina pëchiñu akamaxribi chikíakëxa.

Génesis 9:2

Kamabi ñuina ënë menu ꞌikë ax ka mitsumi rakuë́ti abáti ꞌikën. Kamabi ñuina suñunu nuánkë, men nikë ꞌimainun parúmpapa bakanu ꞌikë, akamax mitsubëira ꞌimabi mi ꞌura bukuti ꞌikën.

Génesis 9:7

ꞌAínbi kamina mitsun, ¡ꞌitsaira bëchipakin atubëtan me tsitsirui ꞌuakamë ꞌëoti ꞌain!

Salmos 148:7

¡Nukën ꞌIbu Dios ka menuxun ꞌamainun, parúmpapanu ꞌikë ñuinakan ꞌëo, ꞌimainun parúmpapa nëminu ꞌikë akamanribi rabiti ꞌikën!

Éxodo 1:7

ꞌaínbi ka Israel unikama atun ꞌaisamaira ꞌinun Egipto menuxunbi bëchipakëxa, usa ꞌaish ka atux ꞌaisamaira ꞌinun ꞌuakamë ꞌëoi kushiirabu ꞌiakëxa. Usa ꞌain ka atu xëshi a menu ꞌuakamë ꞌëokëxa.

Éxodo 8:3

Usa ꞌain ka Nilo kakë baka kubini sëë ꞌi kukakikëbë anuax ꞌuáti ꞌashá chikiti këñurui, anu mix ꞌikë ꞌapun xubu anubi atsini, anumi ꞌuxkë anubi atsínti ꞌikën, atsíanan ka min unikaman xubunuribi atsini kamabi unin xubunuribi atsíanan ka anuxuan pán ꞌakë anubi atsínti ꞌikën.

Jonás 1:17

ꞌAínbi ka Diosan bakanu ꞌikë ñuina chaiira bainanmë ꞌëo achúshi an Jonás éti nankë ꞌiakëxa. Usokian ꞌakëx ka Jonás rabë́ ꞌimainun achúshi nëtë ꞌianan rabë́ ꞌimainun achúshi imë́ ñuina chaiira bainanmë ꞌëo aín pukunu ꞌiakëxa.

Jonás 2:10

Usa ꞌain ka Diosan bakanu ꞌikë bainanmë ꞌëo chaiira axa parúmpapa kuëbí me ꞌurama anu Jonás ëni anákin chikinun ꞌimiakëxa.

Mateo 12:40

Jonás ax ca bacanu ꞌicë ñuina cha aín pucunu rabë́ ꞌimainun achúshi nëtë, ꞌimainun rabë́ ꞌimainun achúshi imë́ribi ꞌiacëxa. Usaribiti cana uni ꞌinux Nucën Papa Diosnuax uá, ꞌëx rabë́ ꞌimainun achúshi nëtë, ꞌimainun rabë́ ꞌimainun achúshi imë́ matá quiniocë anu racáncë ꞌiti ꞌain.