Génesis 1:14 - Kashibo-Kakataibo Biblia

^14-15 Usa ꞌain ka Nukën ꞌIbu Dios kiakëxa: Naí xabá chaiira kuman batsisa anu ka an me pë́katikama ꞌiti ꞌikën, an imë́ ꞌikëbi xabá ꞌinun nëtë ꞌimikë, ax ka anun nëtëkama ꞌunánti ꞌianan, baritiakama ꞌunánan uisa nëtëkama kara ꞌia kixun ꞌunánti ꞌikën. Kikëbë ka usai ꞌiakëxa.

Nukën 'Ibu Diosan ain unikama 'inan ain bana

^14-15 Usa 'ain ka Nukën 'Ibu Dios kiakëxa: Naí xabá chaiira kuman batsisa anu ka an me pë́katikama 'iti 'ikën, an imë́ 'ikëbi xabá 'inun nëtë 'imikë, ax ka anun nëtëkama 'unánti 'ianan, baritiakama 'unánan uisa nëtëkama kara 'ia kixun 'unánti 'ikën. Kikëbë ka usai 'iakëxa.

Génesis 1:14 Iomraidhean Croise

Génesis 1:13

Usakin ꞌakë ꞌain bë́ankionx pë́karatëkënkë ax ka rabë́ ꞌimainun achúshi nëtë ꞌiakëxa.

Génesis 8:22

“Ënë nëtë këñutisama pain ꞌain ka unin ñu ꞌapátankëxun biti ꞌikën; ꞌimainun ka ꞌitsís ira ꞌianan matsi ꞌianan, suñu bëkianan mitabutankëx baritia ꞌianan nëtë ꞌimainun imë́ ꞌiti ꞌikë kiax ka Nukën ꞌIbu Dios kiakëxa.”

Génesis 9:13

ꞌën kana nón bai naí kuin kamanu anuaxa mëratiokin nan, ax ka achúshi ñu ꞌën mibëtan ꞌakësa ꞌiti ꞌikën.

Job 3:9

¡ꞌUisati kara pë́karakuatsinkëbë ꞌispónkama ax pëkima ꞌianan, nëtëribi xabá kuatsinkëbëtan barin urukin pë́kabëtsinkëbë xabá ꞌitima ka ꞌiakëxa, usa ꞌain ka unin pë́karatia nëtë upíira ꞌikë isama ꞌitsíanxa!

Salmos 148:3

¡Bari ꞌimainun, ꞌuxënribi ka rabiti ꞌikën! ¡An mananmixubi pëkakë, akamanribi ka rabiti ꞌikën!

Salmos 148:6

an ka kamabi ñu nëtë xënibua ꞌaínbia usabi ꞌinun, ꞌimianan ax kikësabi oí ꞌiti banakama aribi uínbia bëtsiokin ꞌatëkëntima okin ꞌakëxa.

Salmos 150:1

¡Usa ꞌain kananuna ashi ësokin rabiti ꞌain! ¡Rabikin aín xubunuxunbi rabikë ka Dios ꞌiti ꞌikën! ¡Rabikin naíkamë ꞌëo kuman batsisa ꞌitanua unio anuxunbi rabikë ka ꞌiti ꞌikën!

Isaías 40:26

Manámi bësukin kamina naími okin iskanti ꞌain: ¿Uin kara kamabi ñu uniokëx? An ka kamabi uniotankëxun ꞌispakama aín anën anëkin nankëxa, usa ꞌixun ka achúshi achúshi usai kamina ꞌiti ꞌai kixun kakëxa. Aín kushi chaiira ꞌain ka uinu ꞌikë ꞌispaxbi nëtë́tima ꞌikën.

Jeremías 31:35

Nukën ꞌIbu an bari nëtën pë́kati ꞌanan ꞌuxë ꞌispa akamaribi an imë́ pë́kati ꞌá, an ka parúmpapa bëchunia aín bëchun xukirui bananun ꞌimia, aín anë ka Nukën ꞌIbu kamabi kushiñu kakë ꞌikën, ax ka ësai kiakëxa:

Joel 2:10

Usa ꞌain ka an ꞌimikëx me shaíkia, ꞌimainun ka naíribi shaíkiti ꞌikën, ꞌianan ka bari ꞌimainun ꞌuxë bë́ankiti ꞌikën, ꞌimainun ka ꞌispakamanribi pëkima nëtë́ti ꞌikën.

Joel 3:15

A nëtë ꞌikëbëtan ka bari, ꞌuxë ꞌimainun ꞌispa akaman pë́katima ꞌikën.

Amós 5:8

Diosan ka naínu ꞌikë ꞌispakama ꞌimainun, ꞌispónkama ꞌakëxa, an ka imë́ nëtë ꞌinun ꞌimianan, nëtë aribi imë́ ꞌinun ꞌimia këxa; an ka parúmpapa ꞌumpax timëtankëxun chabóia menu ꞌibúnun ꞌimia; uin kara anun ëma kënëara a rurupatia. Ax ka kamabi kushiñu Dios a ꞌikën.

Amós 8:9

“A nëtë́an ꞌiti ñui ka Dios ësai kiaxa, ꞌën kana maníti xamánruibia bë́ankinun bari ꞌimiti ꞌain, ꞌimianan kana nëtë xabá ꞌikëbia bë́ankikin me mapunun ꞌimiti ꞌain.

Mateo 2:2

Cuani bëbaquin ca ñucácëxa: —¿Uinu cara axa judíos unibunën ꞌapu ꞌinun bërí bacë́ncë a ꞌic? Aucüaxa bari urucë anuxun cananuna anun a ꞌunánti ꞌispa isbëtsian. A isbëtsini cananuna ꞌunánbëtsini a rabi ain.

Mateo 24:29

Usoquin canan ca ësaquinribi Jesusan aín ꞌunánmicë unicama cacëxa: —Usaía tëmërai anun uni bënë́ti nëtëcama ꞌicëbë ca bari bëánquinuxun ꞌaia, ꞌuxë́nribi ca pëcanuxunma ꞌaia. ꞌIsparibi ca rëucunuxun ꞌaia, naícamëꞌëo shaíquicëbë ca anua ꞌicë ñucamaxribi shaíquinuxun ꞌaia.

Marcos 13:24

Catancëxun ca Jesusan ësaquinribi aín ꞌunánmicë unicama cacëxa: —Usaía tëmërai anun uni bënë́ti nëtëcama ꞌicëbë ca bari bëánquinuxun ꞌaia, ꞌuxë́nribi ca pëcanuxunma ꞌaia.

Lucas 23:45

Usai bari bëánquimainun ca Nucën Papa Diosan ꞌimicëx anuxun a rabiti xubu mëu anun bëpáncë chupax amo rabë́ ꞌinun tuquiacëxa.

Deuteronomio 4:19

ꞌImainun kamina manámi bësukin naínua iskin bari, ꞌuxë ꞌispakama, ꞌimainun uisa ñukama kara anu ꞌikë akama iskin a ñukama rabiti sinántima ꞌain, Diosan ka uisa ñu kara anu ꞌikë abi kamabi uninan ꞌinun uniokëxa.

Apocalipsis 6:12

Usai ꞌicëbëtan ca Carnero ꞌicësaribitia unin ꞌucha cupí bama, an anun quirica tacáshcacë ñu itsiribi pëóshaxa. Pëóshcëbë ca mecama shaíquiaxa. Usai ꞌicëbë ca bari bëánquiaxa, chupa tunánsa ꞌinun. ꞌImainun ca ꞌuxë imi iscësa ꞌiaxa.

Apocalipsis 8:12

Usai ꞌicëbëtan ca bëtsi ángelnënribi aín manë banañu banoxa. Banocëbë ca bari, ꞌuxë ꞌimainun ꞌispacamaribi ꞌitsa ꞌaíshbi nëbë́tsi rabë́ ꞌimainun achúshi oquin tëacësa ꞌaíshbi amo ꞌicë achúshi bënamëti pëquicëma ꞌicën. Usa ꞌain ca nëtë ꞌimainun imë́ribi nëbë́tsi rabë ꞌimainun achúshi oquin tëacësa ꞌaíshbi amo ꞌicë achúshi bari, ꞌuxë, ꞌispacaman pëcacëma ꞌiaxa.

Apocalipsis 9:2

A tuíncë ñu anun ca quini chaira ꞌaish nëmínra a xëocaxa. Xëocacëx ca anuax tsin cuin chiquíaxa, manë tsi rëquirucë aín cuin chiquícësaribi ꞌinun. Chiquíquin a cuinan mapucëx ca bari bëánquicësa ꞌiaxa.