Génesis 1:1 - Kashibo-Kakataibo Biblia

¹ Uniotabakin ka Nukën ꞌIbu Diosan uniokëxa, naíkamë ꞌëo ꞌimainun me.

Nukën 'Ibu Diosan ain unikama 'inan ain bana

¹ Uniotabakin ka Nukën 'Ibu Diosan uniokëxa, naíkamë 'ëo 'imainun me.

Génesis 1:1 Iomraidhean Croise

2 Reyes 19:15

nantakëxun ka Dios abë banakin ësakin kakëxa: Israel unibunën Dios mix kamina min ángelkama a manami ꞌain, usa ꞌaishi kamina mix kamabi menu ꞌikë ꞌapukaman Dios ꞌain, min kamina naíkamë ꞌëokëñun me uniokën.

Nehemías 9:6

Ësokin unikama katankëxun ka Esdrasnën Dios ësokin kakëxa: “Mixmi Dios ira ꞌain ka misaribi Dios uixi ꞌitima ꞌikën. Min kamina naíkamë ꞌëo ꞌanan a manámia ꞌikë ñukama këñun anu ꞌikë ꞌispakamaribi uniokën; ꞌanan kamina meribi ꞌatankëxun anu ꞌikë ñukamaribi ꞌakën, ꞌatankëxun kamina parúmpapanu ꞌikë ñukamaribi ꞌakën. Usa ꞌain ka min ꞌimikëx kamabi ñukamax upiti tsotia. Usa ꞌikë ka min ángel naínu ꞌikë kaman rabimainun menuxunribi mi rabiti ꞌikën.

Job 38:4

¿Uinu kaina mix ꞌën me uniotabakëbë ꞌiakën? ¡Asérabi upíokin min ënë banakama ꞌunánkë ꞌixun kamina ꞌë kati ꞌain!

Salmos 104:24

¡Uiti ñukamaira kaina mix Dios ꞌixun ꞌakën! A ñukama kamina mix sinánñuira ꞌixun ꞌakën; ¡usa ꞌain ka kamabi menu min ꞌa ñukama ꞌikën!

Salmos 104:30

ꞌAínbi ka minmi anun uinti suñu ꞌinan, ꞌaínbi kamina minmi unio ñukama raíri këñukiantamainun, axa bërí unikëkama aribi anúan uinti suñu ꞌinanin.

Salmos 115:15

¡ꞌËn kana kuëënin Dios an me, ꞌimainun naí kamë ꞌëo unio an ka upíokin sinánxunkin mitsu ꞌakinti ꞌikën!

Salmos 121:2

An ꞌë ꞌakinti ax ka Nukën ꞌIbunuax uti ꞌikën, an ka naíkamë ꞌëo ꞌimainun me uniokëxa.

Salmos 124:8

Nukën ꞌIbun ka nu ꞌakinia, an ka naíkamë ꞌëo ꞌimainun me uniokëxa usa ꞌixun.

Salmos 33:6

Diosan ka aín banan ishi naíkamë ꞌëo uniokëxa, ꞌanan ka bari ꞌuxë ꞌispa akamaribi uniokëxa.

Salmos 33:9

An ka aín banakë anuinshia kamabi ñu uninun ꞌimiakëxa; ꞌianan ka ax usai ka ꞌiti ꞌikë kikëbë ñukamax usaibi ꞌiakëxa.

Salmos 8:3

Uisaran karana minbi unio naíkamë ꞌëo, ꞌuxë, ꞌispa akama min unio a isin anun kana,

Salmos 8:4

ësokin sinanin: ¿Añu kara unix ꞌik? ¿Añu karanuna nux unishi ꞌaish ꞌiti ꞌain? ¿Uisa kupín kaina ami sinani mix ꞌitsaira bënëtin?

Salmos 90:2

Anun bashikama ꞌimainun me ꞌianan ënë, nëtëkama unitisama ꞌaínbi ꞌiá ꞌaish, kamina ënë nëtëkamanbi bëríbi mix Dios aira ꞌain.

Salmos 96:5

Bëtsi ëmanu ꞌikë unikaman rabikë dioskama ax ka kushiñuma ꞌaish ñuumara ꞌikën, ꞌaínbi ka anu rabikë Nukën ibu an kuni naíkamë ꞌëokama uniokëxa.

Éxodo 20:11

ꞌËn kana mapai achúshi ꞌimainun achúshi nëtë ꞌimikin ꞌëx min ꞌIbu ꞌixun naí ꞌimainun me parúmpapa kamabi anu ꞌikë ñukama uniokën, usakin uniotankëx kia ꞌain ka siete nëtë ꞌikëbë anun uni tantiti ꞌikën, usai ꞌikin kana a upíokin sinánxuni a nëtëx ka bëtsi nëtësama upíira nëtë ꞌiti ꞌikë kiax kana kiakën.

Éxodo 31:18

Usai abë banai ain bashi Sinaí kakë anuax sënë́ntankëxun ka Nukën ꞌIbun anua ax kikësabi oi ꞌiti aín bana abi mëkënanbi kuënëokë ain banakama maxax pará rabë́ a Moisés ꞌinánkëxa.

Eclesiastés 12:1

An kamabi ñu unio min ꞌIbu Dios a kamina mix bëná ꞌixuinshi sinánti ꞌain, anun tëmërati nëtë ka ꞌinuxun ꞌaia usa ꞌain; ꞌianan ka anunmi ësai ki banati baritiaribi ꞌiti ꞌikën: “ꞌËn ënë nëtënu tsókin ꞌakë ñukama anbi ka ꞌë kuëënmitima ꞌikën.”

Isaías 40:21

¿Mitsun kaina a küama ꞌain? ¿Ax kiabi kaina aín bana kuakama ꞌain? ¿Mitsu kara ꞌitabati ka usai ñu ꞌiakëxa kixun ñuixuama ꞌik? ¿Mitsun kaina mekama uniokëma ꞌaínbi kara uisa ñu ꞌiakëxa kixun ꞌunaniman?

Isaías 40:26

Manámi bësukin kamina naími okin iskanti ꞌain: ¿Uin kara kamabi ñu uniokëx? An ka kamabi uniotankëxun ꞌispakama aín anën anëkin nankëxa, usa ꞌixun ka achúshi achúshi usai kamina ꞌiti ꞌai kixun kakëxa. Aín kushi chaiira ꞌain ka uinu ꞌikë ꞌispaxbi nëtë́tima ꞌikën.

Isaías 40:28

¿Mitsun kaina ꞌunaniman? ¿Mitsun kaina a kuakëma ꞌain? Nukën ꞌIbu Dios ax ka uínsaranbi këñutima oi tsókë a ꞌikën, an ka kamabi me uniokin anu ꞌikë ñukamaribi uniokëxa, usa ꞌaish ka ax atsanx kana ꞌakasmati kiax kima; ꞌianan ka ax sinánñuira ꞌikë ax nëtë́tima ꞌikën.

Isaías 42:5

Dios Nukën ꞌIbu an naíkamë ꞌëo uniokin chaiira ꞌinun pënían, an ka me ꞌimainun anua kookë ñukama ꞌakëxa, ꞌanan ka unikamaribi anúan tsóti uin ꞌinan, ax aín uni kai ësai kia:

Isaías 44:24

Ësai ka Nukën ꞌIbu an mi bitëkënkë ax kiaxa, an ka mitsu ënë menu min titan bakëntisa ꞌikëmabi ꞌakëxa: “ꞌËx kana an kamabi ñu unio Nukën ꞌIbu a ꞌain, ꞌanan kana ꞌën naíkamë ꞌëo chaiira ꞌinun pënimëtanun ꞌimiakën ꞌimianan kana meribi anubia rakati anu nankën usakin ꞌaia ka uínbi ꞌë ꞌakianma ꞌikën.

Isaías 45:18

Ësai ka an naíkamë ꞌëo unio, Nukën ꞌIbu Dios ax kia, an ka me ꞌatankëxun anubia ꞌitinu nankëxa, mex ka ñankáishi rakatima ꞌikë anu ka uni ꞌiti ꞌikën: ꞌËx kana Nukën ꞌIbu ꞌain, usa ꞌain ka bëtsi ꞌaíma ꞌikën.

Isaías 65:17

“Ësai ka Dios kiakëxa: Ka kuat, ꞌën kana naíkamë ꞌëo ió ꞌanan me ióribi ꞌatëkënti ꞌain. Usa ꞌain ka ax pain ꞌia naíkamë ꞌëo xëni a ꞌimainun me xëni a uínbi sinántëkëntima ꞌikën.

Mateo 11:25

Catancëxun ca Jesusan Nucën Papa Dios cacëxa: —ꞌËn Papa Dios, mixmi naí ꞌimainun menu ꞌicë ñucaman ꞌIbu ꞌicë cana mi rabin. Ami uni ꞌunánmiti ñu a camina an ñu ꞌunáncë unicama ꞌunánmiquinma an ñu ꞌunáinracëma unicama ꞌunánmian. Usaquinmi ꞌacë cupí cana mi rabin. Usaquin ꞌati camina mix cuëëan.

Marcos 13:19

Usai ꞌi ca unicama Nucën Papa Diosan me uniotabacë ꞌaían uínsaranbi ꞌiásamairai tëmërati ꞌicën, amiribishi usai tëmëratëcëntimoi.

Hechos 14:15

—¿Uisocasquin caramina ësoquin ñu ꞌacanin? Nuxribi cananuna mitsusaribi unishi ꞌain. Usa ꞌaíshbi cananuna an mitsu ꞌaquincëxunmabimi ñancábi ñu rabicë, a ënquin Nucën Papa Dios ashi rabinun quixun mitsu cai uan. An bamatiomoi tsóo ꞌixun naí, me, bacacama ꞌimainun anu ꞌicë ñucamaribi unio, a camina sinánti ꞌain.

Hechos 17:24

An ca me ꞌimainun anu ꞌicë ñucamaribi uniocëxa. Ax ca naí, me acaman ꞌIbu ꞌicën. Usa ꞌaish ca ax anuxun a rabiti unin ꞌacë xubunu ꞌima.

Hechos 4:24

Ñuixunia cuaxun ca camáxbi abë banaquin Nucën ꞌIbu Dios cacëxa: —Min camina naí, me, bacacama unionan camabi ñuribi uniocën.

1 Corintios 8:6

Usaquian sináncëbëtanbi cananuna nun ꞌunanin, achúshi ca Nucën Papa Dios ꞌicën. An ca camabi ñu uniocëxa. Ainan ꞌinun ca nuribi uniocëxa. ꞌImainun ca Nucën ꞌIbu achúshi, Jesucristo, ashi ꞌicën. An ca aín Papabëtan camabi ñu unionan nuribi uniocëxa.

Efesios 3:9

Nucën Papa Dios, an camabi ñu unio, an ca —Cristo ca uti ꞌicë —quixun bëráma mënío ꞌixunbi Cristo ucëmapan ꞌain, a ñui quicë bana uisai quicë cara quixuan unin cuanun ꞌunánmiama ꞌicën. ꞌUnánmiama ꞌixunbi ca bërí a bana unicama ꞌunánminun Nucën Papa Diosan ꞌë caxa.

Hebreos 1:10

Usaquin canan ca Nucën Papa Diosan ësaquinribi aín Bëchicë caia: Mix camina camabi ñu aín ꞌibu ꞌain. Min camina bëráma mecama ꞌimainun naí ꞌimainun anu ꞌicë ñucamaribi uniocën.

Hebreos 1:2

Bëráma usaquin nucën raracama ꞌunánmia ꞌaínbi ca an xucëxun aín Bëchicë anbi aín Papan bana unicama ñuixuancëxa. Nucën Papa Diosan ca aín Bëchicë camabi ñu uniomiacëxa. Usa ꞌain ca an camabi ñu, naíu ꞌicë ángelcama ꞌimainun, ënë menu ꞌicë unicama ꞌimainun, camabi ñu unio ꞌicë aín Papan a ꞌibuamiacëxa.

Hebreos 11:3

Ënë nëtëcamax ca Nucën Papa Dios quicëbëshi an sináncësabi oi uniacëxa. Uisa ñu ꞌaíma ꞌaínbi ca an unin iscë ñucama uniocëxa. Usoquin unioia isáma ꞌixunbi cananuna a bana acama ñuiquin cuënëo a isquin, usai ca ꞌiacëxa quixun ꞌunanin.

Hebreos 3:4

Ësa ca. Uisa ꞌaíshbi ca xubu abi uníma. Unin ꞌacëx cuni ca ꞌia. An ꞌacë uni ax ca aín ꞌibu ꞌicën. Usaribi oquian an Moisés ꞌimainun judíos unicama ainan ꞌitioquin mëníonan camabi menu ꞌicë ñucama unio ax ca Nucën Papa Dios ꞌicën.

2 Pedro 3:5

A unicaman ca sinántisama tania, Nucën Papa Diosan usai ca ꞌiti ꞌicë quixun cacëxëshi ca naicamëꞌëo ꞌimainun bacacama, anua racátinubi racámainun, mecamaribi anubia ꞌiti anu ꞌiacëxa.

1 Juan 1:1

Ënë mecama unioisama ꞌaínbia aín Papabë ꞌiá axa ënë menu uá, a ñuiquin cananuna ënë quirica mitsu cuënëoxunin. A cananuna aín bana cuanan nun bërúnbi isacën. Nun bërúnbi ñachaquin isanan cananuna nun mëcënanribi ramëacën. Ax bamatimoi tsócë ꞌixuan aín unicamaribi abë ꞌinun ꞌimicë, a ñuiquin cananuna mitsu cain.

Apocalipsis 10:6

Manámi oquin ca caxa: —Axa bamatimoi tsócë, an naí, me, parúnpapa, acama ꞌimainun anu ꞌicë ñucamaribi unio Nucën Papa Dios, an cuamainun cana cain: Ax quiasabi oi ca bërí ꞌiti ꞌicën.

Apocalipsis 14:7

ca ësai munuma banaquin caxa: —Anun Nucën Papa Diosan camabi uni aín ñu ꞌacësabi oquin, uisa cara oti ꞌicë usoquin ꞌati nëtë ca uaxa. Usa ꞌain camina ami racuë́quin a rabiti ꞌain. An naícama, mecama, parúnpapacama, xëxácama unio, a camina rabiti ꞌain.

Apocalipsis 21:6

Caxun ca ꞌë caxa: —Anuishi sënë́nquin cana ꞌan. ꞌËx cana uisa ñubia ꞌaíma ꞌaínbi ꞌiacën, usa ꞌaish cana ënë menu ꞌicë ñucama cëñúcëbë usabi ꞌiti ꞌain. Usa ꞌaish cana a pain ꞌunánti bana “A” ꞌimainun tsiánquinribi ꞌunánti bana “Z” asaribi ꞌain. Shimaia uni ꞌunpax ꞌacatsi bënë́cësa, usaribitia ꞌënan ꞌiisa tani bënëtia, cana ꞌënan ꞌaísha ꞌën Bëru Ñunshin Upíñu ꞌinun, cupí ñuixunquinma, ꞌimiti ꞌain.

Apocalipsis 22:13

ꞌËx cana uisa ñubia ꞌaíma ꞌaínbi ꞌiacën. Usa ꞌaish cana ënë menu ꞌicë ñucama cëñúcëbë usabi ꞌiti ꞌain. Usa ꞌaish cana a pain ꞌunánti bana “A” ꞌimainun tsiánquinribi ꞌunánti bana “Z” asaribi ꞌain.

Apocalipsis 3:14

Usaquin catancëxun ca ësaquinribi cuënëonun Jesusan ꞌë caxa: —Axa Laodiceanuax ꞌëmi catamëcë unicama an Nucën Papa Diosan bana ñuixuncë, a buánminuxun camina ësoquin cuënëoti ꞌain: Ax upíira upí ꞌixuan uisa cara Nucën Papa Dios ꞌicë quixun paránquinma uni ꞌunánmicë, an Nucën Papa Diosbëtan camabi ñu unio, an ca ësaquin mi caia:

Apocalipsis 4:11

Nucën ꞌIbu Dios, min camina camabi ñu uniocën. Mix cuëëncësabi oi ca ꞌiacëxa, mix cuëëncësabi oquin camina min cushínbi camabi ñu ënë menu ꞌicë ꞌimainun naínu ꞌicë ñuribi uniocën. Usa ꞌaish camina camabi unicama ꞌimainun ángelcamanribi rabitisa ꞌain.