Gálatas 4:3 - Kashibo-Kakataibo Biblia

³ A tuásaribi ca Jesucristo ucëma pan ꞌain judíos unicama ꞌiacëxa. Usa ꞌixun ca Moisésnën cuënëo bana quicësabi oquin ꞌanan aín nuitu upí ꞌinúan unin sináncë ñuishi ꞌati sináncëxa.

Nukën 'Ibu Diosan ain unikama 'inan ain bana

³ A tuásaribi ca Jesucristo ucëma pan 'ain judíos unicama 'iacëxa. Usa 'ixun ca Moisésnën cuënëo bana quicësabi oquin 'anan aín nuitu upí 'inúan unin sináncë ñuishi 'ati sináncëxa.

Gálatas 4:3 Iomraidhean Croise

Mateo 11:28

Nucën Papa Diosan mi upí isnun quixun ꞌaisamaira ñu ꞌanan unin cacë ñuribi ꞌai bënëti atsáncë ꞌixun camina ꞌëmi catamëquin ꞌën mi ꞌaquinun ꞌë cati ꞌain. Cacëxun cana a ñucama mëníoquin ꞌënan ꞌaíshmi tanti ꞌicësaribitimi upí oquin sinani cuëënun mitsu ꞌimiti ꞌain.

Juan 8:31

Usa ꞌain ca Jesusan axa aín bana cuati ami sináncë judíos unicama cacëxa: —ꞌËn mitsu cacë bana ënë manuquinma ax quicësabi oquin ꞌai camina asérabi ꞌën uni ꞌiti ꞌain.

Hechos 15:10

¿Usa ꞌaínbi caramina mitsux uisa cupí, usama ca quiax Nucën Papa Diosmi ꞌuchanan, judíosma unibu ca judíos unibu ꞌicësai ꞌiti ꞌicë quiax quin? Moisésnëan usai judíos unicama ꞌiti cuënëo bana cuacë ꞌaíshbi ca a banacama quicësabiira oi nucën raracamax ꞌiáma ꞌicën. Nuxribi cananuna atúxa ꞌiá usaribiti ꞌiacën.

Romanos 7:14

Cananuna ꞌunanin, a bana uisa ñu cara ꞌati ꞌicë, uisa ñu cara ꞌatima ꞌicë quicë, ax ca upí ꞌicë quixun. A bana asábi ꞌaínbi cananuna Jesucristonanma ꞌaish nun sinan ꞌaisama ꞌixun ñu ꞌatima ꞌatishi sináncën.

Romanos 8:15

Usa uni camina mitsux ꞌain. Mitsu aín bëchicë ꞌimiquin ca Nucën Papa Diosan mitsúxmi bëráma ꞌiásaribiti mitsun ꞌucha cupí ami racuë́tëcënun ꞌimicëma ꞌicën. Aín Bëru Ñunshin Upí an ca, ainan ꞌaish cuëënquinu Nucën Papa Dios, Paponun nu ꞌimia.

2 Corintios 11:20

A unicaman atun cuëëncësa oquin ꞌacëxunbi camina mitsun tanshitin. Atun ca mitsu ñu mëëmianan, paránxun mitsun ñu bianan, mitsux camina meu ꞌaish atubë sënë́nma ꞌai quixun canan, mitsu bëtashcaia. Usaquin ꞌacëxunbi camina tanshitin.

Gálatas 2:4

Usa ꞌaínbi ca a cushi unicaman ꞌë uisaquin cacëbëmabi, nuxnu anu timë́anbi ax isa Jesucristomi catamëcë ꞌicë quibi cëmëcë unicama, axribi anu atsíancëxa. A unicamax ca, judíosma unicama ca Jesucristomi catamëcë ꞌaish judíos unicama ꞌicësai ꞌinun ꞌunántioracacë ꞌiti ꞌicë quixun nu sinánmisa tani, uisa cupí caranuna judíosma unicama ꞌunántiocë ꞌinun ꞌimicëma ꞌai quixun isi uacëxa. A unicaman, judíosma uniribi ca ꞌunántiocë ꞌiti ꞌicë quixun caquin nu sinánmisa tancëbëtanbi ca axa Jesucristomi catamëcë unin cushicaman Tito, ꞌunántioracamicëma ꞌicëbi nu uisaquinbi cáma ꞌicën.

Gálatas 3:19

¿An Abraham cá bana xënibua ꞌaínbi asérabi ꞌain cara uisacasquin Nucën Papa Diosan usai judíos unicama ꞌiti bana cuënëonun Moisés cacëx? Uisa ñu ꞌati cara ꞌaisama ꞌicë quixuan unin ꞌunánti cupí ca a bana judíos unicama ꞌináncëxa. Abrahamnën rëbúnqui, Cristo, axa utia Abraham ñuixuan, a utámainuan a bana quicësabi oquin pain ꞌanun ca Nucën Papa Diosan a bana Moisés cuënëomiacëxa. Nucën Papa Diosan cacëxuan ángelcaman a cacë bana ca Moisésnën cuënëo bana ꞌiacëxa.

Gálatas 4:2

Aín papan anúan aín ñu biti mënío nëtë sënë́ntamainun ca aín papan caíscë unin aín bëchicë bërúanan aín chupa acama aín papan curíquinën bixunti ꞌicën.

Gálatas 4:24

Ënëx ca ësa ꞌicën. Ënë xanu rabë́ ꞌimainun tuá rabë́ ñui quicë bana isquin cananuna bëtsi bana rabë́ribi sinánti ꞌain, ësai quicë: A bana achúshinëx ca Cristo ñui quicë ꞌicën. A bana ca asérabi ꞌicë quixun sinani Cristomi catamëcë unicamax ca Saran rëbúnquisa ꞌicën. Bëtsix ca Nucën Papa Diosan Moisés cuënëomia bana a ñui quicë ꞌicën. Aín bashi Sinaí, anuax ꞌitsa nëtë abë banaquin ca Nucën Papa Diosan usai ca ꞌën uni ꞌiti ꞌicë quixun Moisés cacëxa. A bana quicësabi oquin aín unicaman ꞌanun ꞌinan ꞌaínbi ca ꞌitsa unin, a ꞌacë cupíshi cana Nucën Papa Diosan uni ꞌai quixun sinania. Usaquin sináncë unicama ax ca Agarnën rëbúnquisa ꞌicën.

Gálatas 4:25

Aín bashi Sinaí ax ca Arabia menu ꞌicën. Aín bashi Sinaínuxuan abë banaquin Nucën Papa Diosan Moisés, usai ca aín unicama ꞌiti ꞌicë quixun cá bana ꞌacë cupí cana Nucën Papa Diosan uni ꞌai quixun sináncë unicamax ca Jerusalénu ꞌicë unicamasa ꞌicën. Usaquin sináncë unicamax ca Agarnën tuá ꞌiásaribi ꞌicën. Usa ꞌaish ca ësa ꞌicën. Nucën Papa Diosan, min xanun ca mi tuaxunuxun ꞌaia cá bana sinánquinma ca Abrahamnën bëchicëñu ꞌiti cuëënquinshi Agar cacë xanumi bëchiacëxa. Usa ꞌaish ca a tuá a Nucën Papa Diosan Abraham ñuixuan, ama ꞌiacëxa.

Gálatas 4:31

ꞌËn xucë́antu, usa ꞌain cananuna nux Agarnën tuá ꞌiásaribima ꞌaish Saran tuása ꞌain.

Gálatas 4:8

Bëráma camina —Nucën Papa Dios ca asérabi Dios ꞌicë —quixun ꞌunáncëma ꞌixun Diosma ñucama rabiquin bëtsi bëtsi ñu ꞌacën.

Gálatas 4:9

Usaquin bëtsi ñu rabiá ꞌixunbi camina an sinánmicëxun —Nucën Papa Dios ax ca asérabi Dios ꞌicë —quixun ꞌunanin. ¿An mitsu ainan ꞌimicëxunbi caramina uisa cupí mitsúnmi bëráma rabia ñucama rabitëcënti sinan?

Colosenses 2:20

¿Mitsux ꞌuchatëcënuxma Cristobë bamacësa ꞌaíshbi caramina uisa ꞌaish bërámami unin ñuicë ënë nëtënu ꞌicë ñuishi sinánquin rabicësa ꞌitëcënin?

Colosenses 2:8

An uni bëtsi bëtsi bana ñuixunquin paráncë unicaman mitsu, Cristomi catamëcë ꞌicëbi, ami manúnun quixun paránti rabanan camina bërúancati ꞌicanin. A unicaman ca Cristo ñuiquinma atúnbi sinánxuan unin ñuicë bana ꞌimainun ënë nëtënu ꞌicë ñu sinánti, a banacamaishi uni ꞌunánmia.

Hebreos 5:12

Mitsúinra a ñuicë bana a ꞌunáncë ꞌixun uni itsi ꞌunánmisa ꞌaíshbi camina mitsúnmi bëráma cuacë bana Jesucristo ñui quicë, a ꞌunánmitëcë́insa ꞌain. Ënë ñu upí oquin cuacëma ꞌaish camina mitsux tuáratsu ñu iru piisama pain ꞌixun aín titan xuma ꞌacësa ꞌain.

Hebreos 7:16

ax bamaxbi bamatëcëntimoi baísquicë ꞌicë, a sacerdote ꞌimiacëxa, Moisésnën cuënëo bana, Judanën rëbúnqui ca sacerdote ꞌiti ꞌicë quicë ꞌaímabi.