Gálatas 3:1 - Kashibo-Kakataibo Biblia

¹ Gálatas unicama, mitsux camina sinánñumasa ꞌain. Unin ꞌucha cupía ax i curúsocënu bama Jesucristo ñuiquin cananuna mitsu upí oquin bana ñuixuancën. Ñuixuncëbi ca uni raírinën bëtsi bana ñuixunquin, Jesucristo ñui quicë bana cuaxunma ꞌanun quixun mitsu paránxa.

Nukën 'Ibu Diosan ain unikama 'inan ain bana

¹ Gálatas unicama, mitsux camina sinánñumasa 'ain. Unin 'ucha cupía ax i curúsocënu bama Jesucristo ñuiquin cananuna mitsu upí oquin bana ñuixuancën. Ñuixuncëbi ca uni raírinën bëtsi bana ñuixunquin, Jesucristo ñui quicë bana cuaxunma 'anun quixun mitsu paránxa.

Gálatas 3:1 Iomraidhean Croise

Mateo 24:24

Anúan usoquin unicaman tëmërati nëtë ucëbëtan ca unin ax asérabi ama ꞌixunbi —ꞌëx cana Cristo ꞌai —quixun paránti sinánquin unicama canuxun ꞌaia. Usaribiquin ca uni raírinën cëmëquin —ꞌën cana Nucën Papa Dios quicë bana unicama ñuixunin —quixun unicama canuxun ꞌaia. Cana ca unicama paránti sinánquin, uni itsían ꞌacëma ñu ꞌanuxun ꞌaia. ꞌAquin ca Nucën Papa Diosan ainan ꞌinun caíscë unicamaribi paránti sinánuxun ꞌaia.

Mateo 7:26

Usa ꞌaínbi ca an ꞌën bana aín pabitan cuaxunbi a bana quicësabi oquin ꞌacëma uni an upí oquin sinánxunma masinu xubu ꞌacë unisaribi ꞌicën.

Lucas 24:25

Usaquian cacëxun ca Jesusan cacëxa: —Upí oquin camina sinaniman. An Nucën Papa Dios quicë bana uni ñuixuncë unin cuënëo banax ca asérabi ꞌicë quixun camina sináncëma ꞌain.

Hechos 16:6

Usaquiania cuania Asianuxun bana ñuixunxunma ꞌanun Nucën Papa Diosan Bëru Ñunshin Upitan sinánmicëx ca Pablobë Silas ꞌimainun Timoteo Frigia cacë me ꞌimainun Galacia cacë menuribi cuancëxa.

Hechos 6:7

Usa ꞌain ca amiribi amiribia, Jesús ax ca asérabi Cristo ꞌicë quixun Jerusalénuxun cuacocancëbë, ami sinani Nucën Papa Diosnan ꞌi unicamax ꞌitsacëxa. Usai ꞌicëbë ca judíos sacerdotecamaribi ꞌitsaxira Jesúsmi catamëacëxa.

Romanos 10:16

A bana cuënëo ꞌaínbi ca camabi uníinra a bana sináncëma ꞌicën. Ësai ca Isaíasnën cuënëo bana quia: “Camabi uniínrama, ꞌitsama unínshi ca nun ñuixuncë bana cuaquin —ca asérabi ꞌicë —quixun sinania”.

Romanos 2:8

Usaquin ꞌimianan ca uicamax cara ami sinántisama tanan aín bana quicësabi oquin ꞌaisama tanquin, atux cuëëncësa oquinshi ñu ꞌatima ꞌaia, a unicama Nucën Papa Diosan ami nishquin castícanti ꞌicën.

Romanos 6:17

Mitsux ñunshin ꞌatimanën ꞌapu cuëëncësa oquinshi ꞌacë ꞌiá ꞌaíshbi camina bërí usama ꞌain. Camina a aín unicaman mitsu ꞌunánmicë bana Cristo ñuicë sinánan a bana quicësabi oquin ꞌain. Mitsun ñu ꞌatima ꞌácama ëncë ꞌixun camina Nucën Papa Dios cuëëncësabi oquin ñu upíshi ꞌain. Usaquinmi ꞌaia mitsu ꞌunánquin cana cuëënquin Nucën Papa Dios —asábi ca —quixun cain.

1 Corintios 11:26

Usa ꞌain ca Nucën ꞌIbu Jesucristo utëcëntamainun aín unicaman ësoquin pán ꞌimainun bimi baca ꞌati ꞌicën. Usaquian aín unicaman ꞌaia isquin ca unin ꞌunánti ꞌicën, atun ꞌucha cupía Jesucristo bama ꞌain ca a sinánquin usoquin ꞌaia quixun.

1 Corintios 2:2

Mitsubë ꞌixun cana bëtsi bana ñuixunti sinánquinma, Jesucristo, unin i curúsocënu matáscë, ashi mitsu ñuixunti sinan.

2 Corintios 10:5

Usaribi oquin cananuna unían ꞌatimaquin nu ñuicë bana, ꞌimainun unin anbi sinánquin, Nucën Papa Diosan bana cuaxunma ꞌanun caquin ꞌatimaquin sinánmicë banacamaribi, Nucën Papa Diosan cushínshi ñancáishi ꞌitánun nëtë́nti ꞌain. Usa ꞌain cananuna aín cushínbia ꞌimicëxun Cristo cuëëncësabi oquinshi ꞌati sinanin.

2 Corintios 11:3

Ax cëmëti ꞌunan ꞌixun ca runun Eva paráncëxa. Usaribi oquin sapi ca anu ꞌicë unicaman mitsu parania quixun cana ꞌitsa sinanin. Cristomi asérabi upiti catamëcë ꞌixunbi sapi camina bëtsi oquin sinánquin aín bana ënti ꞌai quixun cana sinan.

Gálatas 1:2

Ënu ꞌicë axa ami catamëcë unicamabëtan cana Galacia mecamanu ꞌicë ëmacamanuaxmi Jesucristomi catamëcë ꞌicë, ënë quirica mitsu cuënëoxunin.

Gálatas 1:6

Cristonën nuibacë ꞌaíshmi ainan ꞌinúan Nucën Papa Diosan caísquin sinánmicë ꞌixunbimi mitsun aín bana ënquin bëtsi bana cuacëbëtan, cana uisacatsi caramina usari ꞌicani quixun sinanin.

Gálatas 2:14

Acamaxa —judíos uni cupíma Jesucristomi catamëtíshi ca uni ië́ti ꞌicë —quixun ꞌunanibi usai ꞌia isquin cana axa Jesucristomi catamëcë unicama timë́cënuxun Pedro ësaquin cacën: ¿Mix judío uni ꞌaíshbi judíoma uni ꞌicësai ꞌiquinbi caramina uisa cupí judíosma unia judíos unicama ꞌicësai ꞌinun quixun cain?

Gálatas 4:9

Usaquin bëtsi ñu rabiá ꞌixunbi camina an sinánmicëxun —Nucën Papa Dios ax ca asérabi Dios ꞌicë —quixun ꞌunanin. ¿An mitsu ainan ꞌimicëxunbi caramina uisa cupí mitsúnmi bëráma rabia ñucama rabitëcënti sinan?

Gálatas 5:11

ꞌËn xucë́antu, cana mitsu cain, ꞌën —Nucën Papa Diosan iscëx upí ꞌinux ca uni ꞌunántioracacë ꞌiti ꞌicë —quixun caquin, unicama bana ñuixuncë ꞌaish cana judíos unicaman bëtsi bëtsi ocëma ꞌitsían. I curúsocënuaxa ax bama, Jesucristo, ami catamëtishi ca uni upí ꞌiti ꞌicë quixun a bana ꞌën ñuicëbëma ca uni ꞌëmi nishtsíanma.

Efesios 3:8

ꞌËx axa ami catamëcë uni raíribë sënë́nmara ꞌicëbi ca Nucën Papa Diosan nuibaquin, judíosma unicama Cristo ñui quicë bana ꞌunánminun ꞌë ꞌimiaxa, uisaira oquin cara Cristonën aín unicama nuibaquin ꞌaquinia quixuan ënë nëtënuxun aín unicaman ꞌunáinracëma ꞌicëbi.

Efesios 4:14

Usai ꞌi cananuna bërámanu ꞌiásaribiti bërí ꞌitima ꞌain. Bërí cananuna tuáxunratsunën unín paráncëxun sinánbëquincësa ꞌaish unín bëtsi bëtsi bana ñuixunquin paráncëxun amanua amanua sinani usaribi ꞌitima ꞌain. An uni paráncë unicaman cëmëquin nu paránquin ñu ꞌatima ꞌanun quixun ꞌimicëx usai ꞌiá ꞌaíshbi cananuna bërí usai ꞌitëcëntima ꞌain.

Efesios 5:15

Sinánñuma unisa ꞌima an Nucën Papa Diosan bana ꞌunáncë unisa ꞌixun camina ax quicësabi oquin ñu upíshi ꞌati ꞌain.

Deuteronomio 32:6

¿Mitsun kaina usakin Nukën ꞌIbu ꞌati ꞌain? Mitsux kamina ñu ꞌunánkëma ꞌain, usa ꞌaish kamina ñu ꞌunánkëmabu ꞌain. ¿Ax kara min papa ꞌianan an mitsu unio ama ꞌik? ¡An ka mi uniotankëxun mi anun tsóti ꞌinánkëxa!

2 Tesalonicenses 1:8

Aín ángelnën cushicamabë utancëxun ca Nucën ꞌIbu Jesusan ui unicaman cara ami catamëisama tancë ꞌixun Nucën Papa Dios ꞌunáncëma ꞌicë, acama uisa cara oti ꞌicë usoquin ꞌati ꞌicën.

1 Timoteo 6:4

a unin ca rabiacaquinbi añu ñubi ꞌunáncëma ꞌicën. Usa unin ca abë cuëbicanantishi cuëënquin —usama ca, ësaira ca bana ꞌicë —quixun raíri unicama cuëbicananquinia. Usai ꞌi ca a unicamax nutsianan, nishánanan, ñuianani ꞌatimati banaia. Usa ꞌixun ca uinu ꞌicë unínbi ca asérabi bana ñuima quixun sinania.

Hebreos 11:8

Bërámaribi ca Abraham cacë uni aribi ami catamëcë ꞌicë Nucën Papa Diosan cacëxa: —Camina min me ëbiani, bëtsi me ꞌura ꞌicë, anu ꞌi cuanti ꞌain. Min rëbúnquicamanan ca a me ꞌiti ꞌicën. Cacëx ca Abraham uinu cara a me ꞌicë, uisa me cara quixun ꞌunánxmabi, aín me, Ur cacë, anuax cuancëxa, Nucën Papa Diosan ca an cacësabi oquin ꞌati ꞌicë quixun ꞌunani.

Hebreos 5:9

Ax tëmëraibi aín Papa Dios cuëëncësabi oi ꞌiá ꞌixun ca an aín bana cuaquin ax quicësabi oquin ꞌacë unicama a aín ꞌucha tërë́nquin Nucën Papa Diosnan ꞌaish xënibua ꞌaínbi abë ꞌinun ië́mia.

1 Pedro 1:22

Aín Bëru Ñunshin Upitan ꞌimicëx Jesucristomi catamëti ax cuëëncësabi oi ꞌiquin axa mitsux ꞌicësaribiti Jesucristomi catamëcë unicamabë upiti nuibananuxun camina ñu ꞌatima ꞌati ashiquin ëan. Usa ꞌaish camina bërí ꞌicësamaira oi asérabi cuëënquin upí oquinra sinani atubë nuibananti ꞌain.

1 Pedro 4:17

An aín bana ꞌacë unibi ca Nucën Papa Diosan uisai cara ꞌia quixun isia. Usa ꞌixun ca an aín bana cuacëma unicama aira atun ñu ꞌatima ꞌacë isquin uisaira cara oti ꞌicë usoquin ꞌati ꞌicën.

2 Pedro 2:18

Usa unicaman ca axbi cërúanan rabiacati sinánñumasa ꞌixun, an ꞌacësaribi oquian ñunshínquin ñu ꞌatima ꞌanun quixun, an ñu ꞌatima ꞌati ëinsa tancë uni raíri sinanamitëcënia.

Apocalipsis 2:20

Mitsúxmi usa ꞌicëbi cana ësaquin mitsu cain. Bëráma ca Jezabal ax ꞌatima xanu ꞌaíshbi judíos unicaman ꞌapu ꞌiacëxa. Usaribi oquin ca micamáxmi timë́cëbëtan achúshi xanu ꞌatimanën bana ñuixunia. An isa Nucën Papa Dios quicë bana unicama ñuixunia quiquinbi ca axa ꞌëmi sináncë unicama parania. Paránquin ca aín xanuma ꞌaínbia uni xanu itsibë ꞌiti ca asábi ꞌicë quixun ꞌunánmianan ñu ax isa dios ꞌicë quixuan unin cacë a rabiquin ñuina rëcë piti isa asábi ꞌicë quixun unicama ꞌunánmia. An usaquin ꞌatima ñu ꞌanun uni ꞌunánmiabi camina isëshitin.

1 Samuel 13:13

Kakëxunbi ka Samuelnën kakëxa: —¡Usakin mi ꞌakë ax ka ñunshin bakë́kin ꞌakë ꞌikën! ꞌËn kana mi kan, ꞌëx kana basikëbë pain Guilgalnu mibë timë́ti ꞌian, usa ꞌain kamina Nukën ꞌIbun ꞌë kakësokin ꞌanuxun kaínti ꞌian, usa ꞌain ka xënibua ꞌaínbi Diosan mi ꞌimainun min rëbúnkikama Israel kaman ꞌapu ꞌimitsianxa.