Gálatas 1:1 - Kashibo-Kakataibo Biblia

¹ ꞌËx cana Pablo ꞌain. Unin ca Jesucristo ñuiquin uni bana ñuixunun ꞌë caísama ꞌicën. Nucën Papa Dios, an a bamacë ꞌicëbi baísquimicë, abëtan ca Jesucristonën aín bana ñuixunun ꞌë caísacëxa.

Nukën 'Ibu Diosan ain unikama 'inan ain bana

¹ 'Ëx cana Pablo 'ain. Unin ca Jesucristo ñuiquin uni bana ñuixunun 'ë caísama 'icën. Nucën Papa Dios, an a bamacë 'icëbi baísquimicë, abëtan ca Jesucristonën aín bana ñuixunun 'ë caísacëxa.

Gálatas 1:1 Iomraidhean Croise

Juan 10:30

ꞌËx ꞌën Papabë rabë́ ꞌaíshbi cananuna achúshishi ꞌain.

Juan 20:21

Cuëënia ca amiribishi Jesusan atu cacëxa: —Chuámashirua ca ꞌican. ꞌËn Papan amia sinánun unicama ꞌaquinun ꞌë xuásaribi oquin cana ꞌëmia sinánunmi unicama ꞌaquinun mitsu xutin.

Juan 5:19

Usa ꞌain ca Jesusan atu cacëxa: —Asérabi cana mitsu cain, ꞌëx Nucën Papa Diosan Bëchicë ꞌixunbi cana ꞌënbi ñu ꞌaiman. ꞌËn Papan ñu ꞌaia isquin cuni cana ꞌënribi ꞌain. ꞌËn Papan bëtsi bëtsi ñu ꞌacëbëtan cana ꞌëx aín Bëchicë ꞌixun ꞌënribi an ꞌacësaribi oquin ꞌain.

Hechos 22:10

Ësaquian cacëxun cana cacën: “Mix camina ꞌën ꞌIbu ꞌain. ¿Usa ꞌaish caramina añu ꞌën ꞌati cuëënin?” Cacëxun ca ꞌë cacëxa: “Niruquiani camina Damasconu cuanti ꞌain. Anuxun ca uisa ñu caramina ꞌati ꞌai quixun mi unin cati ꞌicën”.

Hechos 3:15

Usoquin camina mitsun an unicama Nucën Papa Diosnan ꞌinúxa abë ꞌinun ꞌimiti, Jesus, a uni ꞌamian. Usoquinmi ꞌamicë́xa bamacëbi ca Nucën Papa Diosan a baísquimiaxa. Bamacëa baísquimicë cananuna nun asérabi isan.

Hechos 9:6

Usoquian cacëxun cuati ratúirai racuëti bërëruquin ca Saulonën cacëxa: —¿Añu ñu ꞌën ꞌati caina cuëënin? Cacëxun ca Jesusan cacëxa: —Niruquiani ca Damasco ëmanu cuantan. Anuxun ca unin añu caramina ꞌati ꞌain quixun mi cati ꞌicën.

Romanos 1:1

ꞌËx cana Pablo ꞌain, an Jesucristo quiásabi oquin aín bana uni ñuixuncë. Usa ꞌixun cana mitsu quirica buánmin. Nucën Papa Diosanbi ca Jesucristomi catamëquin ainan ꞌinux ië́nun unicama aín bana ñuixunun ꞌë caísacëxa.

Romanos 10:9

A bana ca ësai quia: —Jesús ca ꞌën ꞌIbu ꞌicë —quianan bamacëbi ca Nucën Papa Diosan a baísquimiacëxa quixun min nuitunën sinania ca Nucën Papa Diosan ainan ꞌinun mi ië́miti ꞌicën.

Romanos 14:9

Aín unicamax bamacëma ꞌaish ꞌianan bamatancëxribi ainan ꞌinun ca Cristo bamaxbi baísquiacëxa.

1 Corintios 1:1

ꞌËx Pablo ꞌixun cana mitsu quirica buánmin, camina biti ꞌain. Nucën Papa Dios cuëëncësabi oquin aín bana unicama ñuixunun ca Jesucristonën ꞌë caísacëxa. An caísa ꞌixun cana Sóstenesbëtan mitsu quirica buánmin. Axribi ca Jesucristomi catamëcë ꞌaish nucën xucën ꞌicën.

2 Corintios 1:1

ꞌËx Pablo ꞌixun cana mitsu quirica buánmin, camina biti ꞌain. Nucën Papa Dios cuëëncësabi oquin ca Jesucristonën ꞌën a ñuiquin aín bana uni ñuixunun ꞌë caísacëxa. An caísa ꞌixun cana Timoteobëtan mitsu quirica buánmin. Axribi Jesúsmi catamëcë ꞌaish ca nun xucën ꞌicën. Mitsúxmi Corinto ëmanu ꞌicë axa Jesucristomi catamëcë unicama ꞌimainun Acaya menu ꞌicëcama axa Jesucristo cupí Nucën Papa Diosan iscëx upí ꞌicë, micama cananuna ënë quirica buánmin.

Gálatas 1:15

Usai ꞌiabi ca Nucën Papa Diosan, ꞌën titan pucu mëucüabi ꞌë aín bana ñuixunun caísa ꞌixun nuibaquin asérabi ainan ꞌinun ꞌë sinánmiquin,

Gálatas 1:17

ꞌËn a ꞌunáncëma pain ꞌaían a pain aín bana ñuixunun Cristonën caísa uni camabi ñucati cana Jerusalénu cuánma ꞌain. Anu cuaníma cana Arabia cacë menushi cuantancëx Damásconu cuantëcëancën.

Efesios 3:8

ꞌËx axa ami catamëcë uni raíribë sënë́nmara ꞌicëbi ca Nucën Papa Diosan nuibaquin, judíosma unicama Cristo ñui quicë bana ꞌunánminun ꞌë ꞌimiaxa, uisaira oquin cara Cristonën aín unicama nuibaquin ꞌaquinia quixuan ënë nëtënuxun aín unicaman ꞌunáinracëma ꞌicëbi.

2 Timoteo 1:1

ꞌËx cana Pablo, aín bana ñuixunuan Jesucristonën caísa ꞌain, Nucën Papa Dios cuëëncësabi oquin. —Jesucristomi catamëtíshi ca uni Nucën Papa Diosnan ꞌiti ꞌicë —quixun unicama canun ca Jesucristonën ꞌë ꞌimiacëxa.

Tito 1:3

An mëníosabi oquin ca anúan unicama ënë ñucama ꞌunánti nëtëa ꞌicëbëtan aín unicaman bana ñuixuncëxun camabi unin cuanun mëníoquin, ꞌënribi uni aín bana ñuixunun Nucën Papa Diosan ꞌë caísacëxa. An ca Cristomi catamëtia ainan ꞌinun unicama iëmia.

Hebreos 13:20

Nucën Papa Dios, an aín unicama abë upí ꞌinun ꞌimicë, an ca Nucën ꞌIbu Jesucristo, an aín unicama bërúainracë, a bamacëbi baísquimiacëxa. An Jesús aín imi ꞌapati bamacë cupí nun ꞌuchacama tërë́nquin nux xënibua ꞌaínbi ainan ꞌinun ꞌimicë,

1 Pedro 1:21

Usa ꞌain camina an Jesucristo bamacëbi baísquimitancëxun aín nëtënu abë ꞌinun ꞌimicë cupí ami sinanin, Nucën Papa Dios an ca asérabi ax quicësabi oquin mitsu ꞌimiti ꞌicë quixun ꞌunani.

Apocalipsis 1:18

ꞌËx cana axa bamatimoi tsócë a ꞌain. Bamatancëx baísquia ꞌaish cana bamatëcëntimoi tsotin. Ui unicamax cara uiti nëtën tsóti ꞌicë, uisa nëtën cara bamati ꞌicë quixun cana ꞌën mëníoin. Bamatancëx cara aín ꞌucha cupí anuax uni tëmëracë anu cuanti ꞌicë, cara anua aín ꞌucha tërë́ncë uni ꞌicë anu cuanti ꞌicë quixun cana mëníoin.

Apocalipsis 1:5

An uisaira cara Nucën Papa Dios ꞌicë quixun uni ꞌunánmicë, Jesucristonënribia nuibaquin ꞌaquincëxmi mitsux chuámarua ꞌiti cana cuëënin. Ax utëcëncëbë aín unicamaxribi bama ꞌaíshbi baísquinun, ca ax pain bamatancëx baísquiacëxa. Ax ca ënë nëtënu ꞌicë ꞌapucaman ꞌapu a ꞌicën. An ca nu nuibanan nun ꞌucha cupí aín imi ꞌapati bama ꞌixun nun ꞌuchacama tërë́anan,

Apocalipsis 2:8

Usaquin catancëxun ca ësaquinribi cuënëonun ꞌë caxa: —An axa Esmiranuax ꞌëmi catamëcë unicama ꞌë ñui quicë bana ñuixuncë uni, a buánminuxun camina ësoquin cuënëoti ꞌain: Axa ñu ꞌaíma pan ꞌain ꞌiá ꞌaish camabi ñu cëñúcëbë usabi ꞌiti, axa bamaxbi bamatëcëntimoi baísquicë, Jesús, an ca ësaquin mi caia: