Filemón 1:7 - Kashibo-Kakataibo Biblia

⁷ ꞌËn xucën, cana mi cain, axa anuax Jesucristomi catamëcë uni raírinëan masá nuitucë ꞌixunbi minmi nuibaquin ꞌaquincëxun upí oquin sinania ñuia cuaquin cana cuëënquin upí oquin sinan.

Nukën 'Ibu Diosan ain unikama 'inan ain bana

⁷ 'Ën xucën, cana mi cain, axa anuax Jesucristomi catamëcë uni raírinëan masá nuitucë 'ixunbi minmi nuibaquin 'aquincëxun upí oquin sinania ñuia cuaquin cana cuëënquin upí oquin sinan.

Filemón 1:7 Iomraidhean Croise

1 Corintios 16:18

Mitsúnmi xucë́xa ucëbë cana cuëëan. Usaribiti camina mitsúxribi acama ꞌënua unun xuti cuëëan. Usa unicama camina ax ca upí uni ꞌicë quixun ꞌunánti ꞌain.

2 Corintios 7:13

Usa ꞌain cananuna acama sinani masá nuitutíma chuámarua tani cuëëan. ꞌIanan cananuna Titóxribia usaími ꞌicancë bana ñui cuëënia isi cuëëinra cuëëan. Mitsun camina Tito chuámarua tanquian upí oquin sinánun ꞌimian.

2 Corintios 7:4

Mitsun camina upí oquin ꞌai quixun sinani cana cuëënin. Usa ꞌaish cana, nux tëmëraquinbi mitsun upí oquin ꞌaia cuati, chuámarua tani cuëënin.

1 Tesalonicenses 1:3

Nucën Papa Diosbë banaquin cananuna mitsúnmi amiira pain catamëquin ax cuëëncësabi oquin ꞌanan, upí oquin unicama nuibaquin ꞌaquianan, a ëníma, Nucën ꞌIbu Jesucristonën ca ax quicësabi oquin nu ꞌimiti ꞌicë quixun manucëma cupí —asábi ca —quixun a cain.

1 Tesalonicenses 2:13

Nun Nucën Papa Dios cuëëncësabi oquin aín bana ñuixuncëxun cuaquin camina —a banax ca unínbi sináncëma ꞌicën, asérabi Nucën Papa Diosan sinánmicëxun ca nu ñuixuncania —quixun sinan. A banax asérabi ainan ꞌain camina mitsux a cuati Nucën Papa Diosnan ꞌain. Mitsux usai ꞌia ꞌunánquin cananuna nëtë́quinma a —asábi ca —quixun caquin rabin. Mitsúnmi —a banax ca asérabi ꞌicë —quixun cuatia ca Nucën Papa Diosan ainan ꞌinun mitsu ꞌimiaxa.

1 Tesalonicenses 2:19

¿Nucën ꞌIbu Jesucristo ucëbëtan añu isti caranuna cuëënin? Abë ꞌicë mitsu isi cananuna cuëëinra cuëënti ꞌain, nun mitsu aín bana ñuixuncë cupí camina abë ꞌai quixun sinani.

1 Tesalonicenses 3:9

Mitsu sinani cuëënquin, Nucën Papa Dios —asábi ca —caquin rabiquinbi, cananuna uisaira oquin caranuna rabiquin a cati ꞌai quixun ꞌunaniman.

2 Timoteo 1:16

Usa ꞌaínbi ca Onesíforonën ꞌëx masá nuitucasíabi ꞌë ꞌësëquin ꞌë cuëënmiaxa. Romanu ax bërí ucë ꞌixun mëracatsi bënë́quin bariquinbi ꞌacasmapantancëxun ꞌë mërax ca ꞌëx sipunu ꞌaínbi rabinima ꞌitsai ꞌë isi uaxa. Usa ꞌain cana Nucën ꞌIbu Diosan Onesíforonën xubunu ꞌicëcama nuibaquin ꞌaquinti cuëënin.

Filemón 1:20

Usa ꞌain camina mix Jesucristonan ꞌaish ꞌën xucë́nsa ꞌixun, Jesucristomi catamëcë unin ꞌacësoquin upí oquin sinánquin, ꞌëxribi ainan ꞌicë upí oquin sinani cuëënun ꞌë ꞌimiti ꞌain.

2 Juan 1:4

Min tuá raírinën ca Nucën Papa Dios quicësabi oquin ꞌaia quixuan ñuicania cuati cana cuëëinra cuëëan.