Filemón 1:20 - Kashibo-Kakataibo Biblia

²⁰ Usa ꞌain camina mix Jesucristonan ꞌaish ꞌën xucë́nsa ꞌixun, Jesucristomi catamëcë unin ꞌacësoquin upí oquin sinánquin, ꞌëxribi ainan ꞌicë upí oquin sinani cuëënun ꞌë ꞌimiti ꞌain.

Nukën 'Ibu Diosan ain unikama 'inan ain bana

²⁰ Usa 'ain camina mix Jesucristonan 'aish 'ën xucë́nsa 'ixun, Jesucristomi catamëcë unin 'acësoquin upí oquin sinánquin, 'ëxribi ainan 'icë upí oquin sinani cuëënun 'ë 'imiti 'ain.

Filemón 1:20 Iomraidhean Croise

1 Corintios 16:18

Mitsúnmi xucë́xa ucëbë cana cuëëan. Usaribiti camina mitsúxribi acama ꞌënua unun xuti cuëëan. Usa unicama camina ax ca upí uni ꞌicë quixun ꞌunánti ꞌain.

2 Corintios 2:2

¿ꞌËn mitsu masá nuitumia cara uin ꞌë upí oquin sinánmiti ꞌic? ꞌËn sapi cana mitsu masá nuitumia, usa ꞌaínbi camina mitsúinshi ꞌë upí oquin sinánmiquin ꞌë cuëënmiti ꞌain.

2 Corintios 7:13

Usa ꞌain cananuna acama sinani masá nuitutíma chuámarua tani cuëëan. ꞌIanan cananuna Titóxribia usaími ꞌicancë bana ñui cuëënia isi cuëëinra cuëëan. Mitsun camina Tito chuámarua tanquian upí oquin sinánun ꞌimian.

Filipenses 1:8

Nucën Papa Diosan ca ꞌunania, Jesucristonëan unicama nuibacësaribi oquin cana ꞌën mitsu nuibaquin ꞌaisamaira sinani quixun.

Filipenses 4:1

ꞌËn xucë́antu, mitsu nuibaquin sinánquin mitsu istisa tani cana cuëënin. ꞌËn mitsu ñuixuncëxmi Jesucristomi catamëcë cupí cana cuëëinra cuëënin. Mitsux usai ꞌicëbë cana cupí bitsi cuëëncësaribi oi cuëënin. Usa ꞌain cana nuibaquin mitsu cain, mitsun ꞌacësabi oquin camina ënquinma Nucën ꞌIbu Jesucristomi catamëquin an cacësabi oquin ꞌati ꞌain.

Filemón 1:12

Minu cuantëcënun cana a xutin. ꞌËn nuibairacë ꞌaish ca ax ꞌën taná bëchicësa ꞌicën. Usa ꞌicë camina upí oquin biti ꞌain.

Filemón 1:7

ꞌËn xucën, cana mi cain, axa anuax Jesucristomi catamëcë uni raírinëan masá nuitucë ꞌixunbi minmi nuibaquin ꞌaquincëxun upí oquin sinania ñuia cuaquin cana cuëënquin upí oquin sinan.

Hebreos 13:17

Mitsun cushicaman ca mitsúxmi upiti Jesucristomi sinánun mitsu ꞌaquinia. Usaquin mitsu ꞌaquinuan Nucën Papa Diosan caíscë ꞌixun ca an cacësabi oquin upí oquin ꞌaisa tania, ax cuëëntanun. Usa ꞌain camina aín bana cuaquin atux quicësabi oquin ꞌati ꞌain. Mitsun usaquin ꞌaia isquin ca atun masá nuituquinma cuëënquin mitsu ꞌaquinti ꞌicën. A unicaman bana cuaquinbimi an cacësa oquin ꞌaiama isi ca Nucën Papa Dios cuëëntima ꞌicën.

1 Juan 3:17

¿Usa ꞌain cara an ñuñu ꞌixunbi axa ꞌaquinsa ꞌicë isquinbi uni itsi nuibaquin ꞌaquincëma uni, ax Nucën Papa Diosmi sináncë ꞌic? Usama ca.

3 Juan 1:4

Bëtsi bana ñuia cuati ꞌicësamaira oi cana mixmi ꞌicësaribitia axa ꞌën bëchicësa unicamaxribi Nucën Papa Dios cuëëncësabi oi ꞌia ñuia cuati cuëënin.