Éxodo 9:7 - Kashibo-Kakataibo Biblia

⁷ Usaia atun ꞌarakakë ñuinakama këñúkëbëtan ka faraónën Israel unibunën ꞌarakakë ñuinakama karaisa uisa ꞌikë istánun kixun aín uni xuakëxa, xukëx kuanxun iskëxbi ka achúshi ñuinabi bamakëma ꞌiakëxa. Usa ꞌikë isbiani kuanxuan kakëxunbi ka faraón aín nuitu iruarakin israel unikama kuantanun xuama ꞌikën.

Éxodo 9:7 Iomraidhean Croise

Éxodo 3:19

ꞌAínbi kana ꞌën upíokin ꞌunan, Egiptonu ꞌikë ꞌapun ka min aintsikama kuantanun xutima ꞌikën, usai ꞌiabi kana ꞌën mitsua xunun sinánmiti ꞌain.

Éxodo 7:13

Usa ꞌoia iskinbi ka faraónën aín sinan iruarakin, Nukën ꞌIbun Moisés ꞌimainun Aarón kakësabiokin aín bana kuaisamatankëxa.

Éxodo 7:14

Usakin ꞌakë inúkë ꞌain ka Nukën ꞌIbun abë banakin Moisés kakëxa: —Egiptonu ꞌikë ꞌapu faraónën ka aín sinan iruarakin ꞌën uni Israelkama kuantanun xuisamatania.

Éxodo 8:32

ꞌAínbi ka usa oia iskinbi faraónën aín sinan iruarakin Israel unikama kuantanun ëinsama tankëxa.

Éxodo 9:12

Usa ꞌaínbi ka Nukën ꞌIbun ꞌimikëxun aín nuitu iruarakin faraónën Moisés ꞌimainun Aarónën kakëxun kuaisama tankëxa, Nukën ꞌIbun Moisés kakësabiokin.

Éxodo 9:8

Usa ꞌain ka Nukën ꞌIbun Moisés ꞌimainun Aarón kakëxa: —Tsi tikakë kininua aín chimapu mësukin bitankëxun kamina, faraónën ismainunbi, manámi mësukin sakati ꞌain.

Daniel 5:20

ꞌAínbi ka ꞌëx kana usaira ꞌai kixun sinani ax chaiira ꞌia iskin, an kuëënkësa okia uni ꞌaia Diosan aín kushi biküankëxa.

Romanos 9:18

Nucën Papa Diosan ca aín cuëëncësabi oquin uni raíri nuibaquin ainan ꞌinun ꞌimia. ꞌImianan ca uni raíri axa ꞌaisama ꞌicë usabia ꞌinun ꞌimia.