Éxodo 9:4 - Kashibo-Kakataibo Biblia

⁴ ꞌAínbi ka Nukën ꞌIbun Israelkaman ꞌarakakë ñuina uisaibi ꞌinun ꞌimitima ꞌikën, ꞌimikinmabi ka Egiptonu ikë unikaman ꞌarakakë ñuinakamaishi maë rakátanun këñumiti ꞌikën.

Éxodo 9:4 Iomraidhean Croise

Éxodo 10:23

usaía rabë́ ꞌimainun achúshi nëtë me bëánkikë ꞌain ka uinu ꞌikë uníxbi a rapasu ꞌikë uni isi kuainima ꞌianan uíxbi niama ꞌikën. Usai anu ꞌikëbëbi ka anua israel unibu ꞌikë, aín xubukama xabá ꞌiakëxa.

Éxodo 12:13

Ñuinakan imi ax ka anúnmi mitsun xubu xëkuë anumi ꞌikë a ꞌunántiokin shiti ꞌiti ꞌikën. Usakin ꞌakin ꞌën egipcio unikaman rëkuë́n bëchikëkama këñúmikëbëbi ka mitsun bëchikëkama achúshirabi bamatima ꞌikën, imin xubu xëkuë shikë a isi ꞌëx amotan inúkëbë ka këñutima ꞌikën.

Éxodo 8:19

Usa ꞌain ꞌakamakin an ñu ꞌunánkë unikaman ꞌapu faraón kakëxa: —¡Ënëx ka Diosan aín kushin ꞌakë ñu ꞌikën! ꞌAínbi ka faraónnën aín sinan iruarakin, Nukën ꞌIbun kakësabiokin kuaisama tankëxa.

Éxodo 8:22

ꞌAínbi ka anua ꞌën uni Israelkama ꞌikë Gosen kakë me anu añu ñubi ꞌaíma ꞌiti ꞌikën. Usa ꞌain ka anu achúshi chipërabi ꞌaíma ꞌiti ꞌikën. Usaia ꞌikëbëtan kamina ꞌunánti ꞌain ꞌëx kana asérabi min ꞌIbu kushiira ënë menu ꞌai kixun.

Éxodo 9:26

Usai anu pakëtibi ka Gosen kakë me, anua Israel unibu tsókë anu, matsin tita bëruñu achúshirabi pakëama ꞌikën.

Éxodo 9:5

Usa ꞌain ka Nukën ꞌIbu anúan ꞌati nëtë ñui, kiakëxa: —ꞌËn kana imë́ishibi ꞌati ꞌain.

Éxodo 9:6

Usai kionxun ka a pëkarakëbëtan Nukën ꞌIbun usakinbi ꞌakëxa. ꞌAkëbë ka kamabi egipcio unibunën ꞌarakakë ñuinakama aín ꞌinsínan ꞌi këñuakëxa; usai ꞌikëbëbi ka israel unikaman ꞌarakakë ñuinanëxëshi achúshirabi bamama ꞌikën.

Amós 4:7

ꞌImainun kana mitsun ñu ꞌapákë pëkë́misa tankëbëtanbi ꞌuí ꞌibúnun ꞌimiama ꞌain. “ꞌImianan kana bëtsi ëmanu ꞌuí ꞌibúmianan bëtsinu uí ꞌibúnun ꞌimiama ꞌain; usokin ꞌakëbë ka anua ꞌuñe ꞌibúkë ni ax chabá ꞌimainun anua ꞌibúkëma ni ax ꞌumpax ꞌaíma ꞌain me ë́skiakëxa;

Malaquías 3:18

Usa ꞌain kamina mitsun amiribishi uisa ñux kara upí ꞌikë, uisa ñux kara upíma ꞌikë a ꞌunankanti ꞌain, ꞌimainun kana uin kara Dios ꞌikë asérabi ꞌë rabia, uin kara ꞌë rabima akamaribi ꞌunánkanti ꞌain.