Éxodo 9:34 - Kashibo-Kakataibo Biblia

³⁴ Usokin ꞌakëbëa ꞌuí ꞌibutíma ꞌianan matsin tita pakëtima ꞌimainun kaná banai nëtë́tia isi ka amiribishi ꞌapu faraón ꞌuchakëxa. Usai ꞌuchamainun ka ꞌain unikamaribi ꞌuchakin, aín sinan atiaira iruarakëxa.

Éxodo 9:34 Iomraidhean Croise

Éxodo 4:21

Usa ꞌain ka Nukën ꞌIbun Moisés bërámabi kakë ꞌiakëxa: —Egipto menu bëbaxun kamina ꞌën mi, ꞌanun kakë ñukama ꞌapu faraónën ismainun an iskëma ñu min tsati anun ꞌën mi kakësabiokin ꞌati aín. ꞌËn kana ꞌapu faraónëan min kakëxunbi kuaisamatankin aín sinan iruarakin Israel unibu kuantanun xuxunma ꞌanun ꞌimiti ꞌain.

Éxodo 7:14

Usakin ꞌakë inúkë ꞌain ka Nukën ꞌIbun abë banakin Moisés kakëxa: —Egiptonu ꞌikë ꞌapu faraónën ka aín sinan iruarakin ꞌën uni Israelkama kuantanun xuisamatania.

Éxodo 8:15

Usakin ꞌaia isi aín sinan asábi tani kuëënkinbi ka faraónën, aín sinan atiainra iruarakin Moisés ꞌimainun Aarónën kakëxunbi kuaisamatankin Nukën ꞌIbun Diosan kakësabiokin Israel unikama xuisamatankëxa.

Éxodo 9:33

Usa ꞌain ka Moisésnën faraónbë banatankëx anuax chikíkiani a ëmanuax kuanxun, aín mëkën manámi okin Nukën ꞌIbu atu ñukáxuankëxa. Ñukákëbëishi ka matsin tita pakëti ꞌuí ꞌibúkë a ꞌimainun, kanákamë ꞌëo sharakirukë ax bukubuti nëtë́akëxa.

Éxodo 9:35

Usakin aín sinan iruarakin ka faraónën Israel unikama kuantanun xuisama tankëxa, Nukën ꞌIbun kakëxuan Moisésnën bëráma kakësabi oi ka usai ꞌiakëxa.

1 Samuel 6:6

Uisa kupí kaina mitsun bana kuakëmasa oi egipcio unikama ꞌimainun faraón ꞌiásai ꞌikanin, atuxka Israel unikama Diosan ꞌatimokëxun aín menua chikinuxun bana kuatima ꞌia usai ꞌikanin.