Éxodo 9:25 - Kashibo-Kakataibo Biblia

²⁵ Anu pakëkin ka matsin titan kamabi egipcio unibunën aín menu ꞌapákë ñukama ꞌatima okin këñuakëxa: usakin ꞌakin ka uni ꞌimainun ñuina kamakëñunbi ñu ꞌapákë ꞌimainun a nëtënu ꞌikë ikamaribi aín pëñan tsasipakëxa.

Éxodo 9:25 Iomraidhean Croise

Éxodo 9:19

Usa ꞌain kamina mitsun ꞌarakakë vaca pastonu ꞌikëkama, anua ñun uisabi oisamanu bukunun ꞌamiti ꞌain, matsintita bëruñu ax ꞌibúkin ka uni ꞌimainun ñuina ꞌain xubunu atsínmikëma ëman ꞌikëkama këñuti ꞌikën.

Éxodo 9:24

usakin ꞌimikëx ka matsin tita rëukumainun kanákamë ꞌëo mërirukë ax në́tëtimaira ꞌiakëxa. Usai ka uinsaranbia Egipto menu anun matsin tita kushiira pakëama anun usai ꞌiakëxa.

Éxodo 9:6

Usai kionxun ka a pëkarakëbëtan Nukën ꞌIbun usakinbi ꞌakëxa. ꞌAkëbë ka kamabi egipcio unibunën ꞌarakakë ñuinakama aín ꞌinsínan ꞌi këñuakëxa; usai ꞌikëbëbi ka israel unikaman ꞌarakakë ñuinanëxëshi achúshirabi bamama ꞌikën.

Josué 10:11

ꞌAkëbëa amorreo suntáru rairinëxribi abati Bet-horón kakë ëma ratanbiani israel suntárukaman ꞌakëx abati kuankëbëtanbi ka Nukën ꞌIbun matsin tita aín bëru chaiirabu ꞌibúkin aín manë xëtokën israel suntárukaman ꞌakësamaira okin këñunun ꞌamiakëxa.