Éxodo 9:23 - Kashibo-Kakataibo Biblia

²³ Kakëxun ka Moisésnën, manámi mëshpakin aín tsatin naími sanankëxa usakin ꞌakëbëshi ka Nukën ꞌIbun ꞌimikëx kanákamë ꞌëo mëríru mërirui sharakirukëbëishi ka matsin tita bëruñu menu pakëakëxa. Pakënun ꞌimikëbë ka kamabi Egipto menu matsintita ꞌibúakëxa,

Éxodo 9:23 Iomraidhean Croise

Génesis 19:24

usaía ëmanu bëbakëbëtanshi ka Nukën ꞌIbu tsi ꞌimainun azufre naínua ꞌibúmikin Sodoma ꞌimainun Gomorra kakë ëma a këñuakëxa;

Salmos 148:8

¡ꞌAmainun ka kaná mëríkë, matsi bëruñu, ꞌimainun matsi uxu kuainkë ꞌianan kuénkuru akamanribi ꞌati ꞌikën! ¡ꞌAmainun ka suñúan bënamë kuatsinkë anribi, ax kikësabiokin a rabiti ꞌikën!

Éxodo 19:16

Usokian kakë rabë́ ꞌimainun achúshi nëtë sënë́nkëbëa a pë́karakë ꞌain ka kanákamë ꞌëo sharakirumainun nëtë kuin këxtuira an aín bashi mapuakëxa. Mapukë a mëuküaxa kushiira ꞌinun aín manë banañu banaia kuati ka kamabi Israel unikamax aín ꞌikënuaxbi rakuë́ti bërëkankëxa.

Éxodo 20:18

Kamabi israel unikaman ka kaná banakë a kuanan manë banañu bana okë aribi bana oia kuakëxa, kuanan ka mëríru mëriruia ꞌikë a isanan aín bashinua kuin këxtuira ꞌibúkin mapuruia isakëxa; isi rakuë́ti ka aín bashi ꞌura atux ꞌiakëxa.

Éxodo 9:18

¡Asabi ka usa ꞌain kana! imë́ishi ꞌën ësañuishi achúshi matsin tita chaiira bëruñu Egipto me ënuxun unin uínsaranbi isun ñuiama pakënun ꞌimiti ꞌain.

Éxodo 9:24

usakin ꞌimikëx ka matsin tita rëukumainun kanákamë ꞌëo mërirukë ax në́tëtimaira ꞌiakëxa. Usai ka uinsaranbia Egipto menu anun matsin tita kushiira pakëama anun usai ꞌiakëxa.

Josué 10:11

ꞌAkëbëa amorreo suntáru rairinëxribi abati Bet-horón kakë ëma ratanbiani israel suntárukaman ꞌakëx abati kuankëbëtanbi ka Nukën ꞌIbun matsin tita aín bëru chaiirabu ꞌibúkin aín manë xëtokën israel suntárukaman ꞌakësamaira okin këñunun ꞌamiakëxa.

Apocalipsis 16:18

Usai ꞌicëbë ca caná mëriti banacëbë bëtsi ñuribi sharámainun mecama shaíquiaxa, uisa nëtë́nbia unin tansamaira oi.

Apocalipsis 16:21

ꞌImainun ca ꞌuí ꞌaíshbi matsiira ꞌaish iru, acamax naínuax achúshi achúshinëx cuarenta (40) kilosa ꞌaish rëucubuaxa. Rëucubucëbëtan ꞌaisamaira oquin paë tani ca ami nishi a unicamax Nucën Papa Diosmi ꞌatimati banaxa.

Apocalipsis 8:7

Achúshi ángelnën pain ca aín manë banañu banoxa. Banocëbë ca ꞌuí ꞌaíshbi matsiira ꞌaish iru, a ꞌimainun tsi rëquirucë, acamabë imi mëscúcë, acamax meu nicëx rëucüaxa. Rëucucëbë ca ꞌaisamaira ꞌaíshbi mecama nëbë́tsi, rabë́ ꞌimainun achúshi oquin tëacësa ꞌaíshbi amo ꞌicë achúshi nëëmëti nëtë́axa. Icama ꞌimainun basi paxacamaribi nëbë́tsi, rabë ꞌimainun achúshi oquin tëacësa ꞌaíshbi, amo ꞌicë achúshi ca nëëmëaxa.