Éxodo 9:16 - Kashibo-Kakataibo Biblia

¹⁶ usa ꞌaínbi kana ꞌën kushi ismiti kupín mi uisabi okëma ꞌain, kamabi menu ꞌikë unían ꞌëx kana usa kushiñu ꞌai kixun ꞌunánun.

Éxodo 9:16 Iomraidhean Croise

2 Samuel 7:23

Min uni Israel unibu ñuikin kana mi kain, ¡bëtsi menu ꞌikë ëmanu ꞌikë unikama atusaribi ka ꞌaíma ꞌikën, atux ka ënë menu ꞌikë bëtsi unikabëtan sënë́nma ꞌikën! ꞌËn ꞌIbu Dios min kamina min uni ꞌinun atu chikiankën. ꞌImainun kamina ꞌaisamaira ꞌixun bana sinankian upíokin ñu ꞌanun atu ꞌamian, min kamina min unikama Egipto menua chikínbëtsinkin atun ismainunbi bëtsi menu ꞌikë unikama ꞌimainun atun rabikë dioskama këñunbi këñuakën,

2 Reyes 19:35

Usakian kakë a imë́bi ka anu kuanxun Diosan ángelnën, ciento ochenta ꞌimainun cinco mil uni asirio unibunën suntáru anua ꞌikankën anuabi maë rakátanun këñuakëxa, usokin ꞌoonkëka iskankëxa.

Nehemías 9:10

ꞌImainun kamina min kushi ismikin faraón ꞌimainun an ñu ꞌaxunkë unikama ꞌimainun kamabi unikama aín menu tsókë akama ismikin ñu chaiirabu ꞌakën, min kamina uisakin kara atun Israel unikama tëmëramia kixun ꞌunánkën. Usa ꞌixun kamina bërámami ꞌása okinbi mix kamina kushiira ꞌai kixun unin ꞌunánun bëríbi ñu ꞌain.

Éxodo 14:17

ꞌËn kana egipcio unikama aín sinan iruarakin mitsu kuania nuinun ꞌamiti ꞌain; usai ꞌia kana ꞌën kushi ismikin ꞌapu faraón aín suntárukama ꞌimainun kamabi aín caballonën nikinkë anuaxa ꞌakanankë a kamakëñunbi uisa kushiñu karana ꞌëx ꞌai kixun isnun ismiti ꞌain.

Éxodo 14:4

ꞌAínbi kana ꞌënbi faraón aín sinán iruarakin, aín suntárukama mitsux kuania nuitanun xunun sinánmiti ꞌain; usakin ꞌaiabi kana ꞌën faraón këñunbi aín suntárukama ꞌën kushi ismiti ꞌain, ꞌimainun ka egipcio unikaman ꞌëx kana kamabi unikaman ꞌIbuira ꞌain kixun ꞌunánti ꞌikën. Usakin ka israel unikama ꞌakëxa.

Éxodo 9:15

ꞌËx kuëënxun kana ꞌën kushi ismikin ꞌatima okin egipcio unikama achúshi ꞌinsínan këñumikë ꞌitsían, ꞌën usokin ꞌakëx ka atux ënë menuax ñankáishi ꞌitánun këñúkë ꞌitsíanxa;

Éxodo 9:17

Usakin ꞌën ꞌaia iskinbi kamina, ꞌën unikama min kuantanun xuisama tanin.

Malaquías 1:11

Kamabi me kuainakëanu tsókë unikaman ka ꞌë rabia; ꞌimainun ka kamabi menuxun ꞌë rabikin ro sanuira xaronan ñu upíirabukama aribi a isi ꞌëx kuëëntisabi okin upíokin ꞌaia.

Malaquías 1:14

¡Usa ꞌain ka ꞌatima okë ꞌiti ꞌikë uni an ꞌë paránkin aín ꞌarakakë ñuina upí ꞌaxunkatsi kixun sinánxunbi aín ñuina ꞌatimakë xaroxunkë a uni ax ꞌiti ꞌikën! ꞌËx kana ꞌapuira a ꞌain, usa ꞌain ka kamabi menu ꞌikë unikama ꞌëmi rakuë́tia.” Ësai ka Dios kamabi kushiñuira ax kiaxa.

Números 14:21

ꞌAínbi kana ax ka asérabi kamabi menu kushiñuira ꞌikë kixuan unin unánun unikama nuibatin,

Romanos 9:17

Usaribi oi ca Faraón ñui Nucën Papa Diosan bana cuënëo ësai quia: “Camabi unían ꞌën cushi ꞌunánun cana mi Egipto menu ꞌicë unicaman ꞌapu ꞌimin. Mixmi ꞌapu ꞌicëbëtan ꞌën min menuxun ñu ꞌaia chanioia cuaquin ca camabi menu ꞌicë unin ꞌëx cana asérabi cushi ꞌai quixun ꞌunánti ꞌicën”.

Romanos 9:22

Nucën Papa Diosanribi ca aín cuëëncësa oquin ꞌaia. Unin ñu ꞌaisama ꞌati ca ax cuëëníma quixuan camabi unin ꞌunánun ca Nucën Papa Diosan an ꞌaisama ñu ꞌacë uni uisoquin cara ꞌati ꞌicë usoquin ꞌati ꞌixunbi caínpainia.

Josué 4:24

An ka usakin ñu ꞌakëxa kixun ka kamabi menu ꞌikë unin Nukën ꞌIbu ax ka kushiira ꞌikë kixun ꞌunánti ꞌikën, usa ꞌikë kamina ashi mitsun Nukën ꞌIbu ikë rabiti ꞌain.

1 Pedro 2:19

An ñu mëëxuncë unían upí oquin ñu mëëxuncëxunbia an ñu mëëmicë unin ꞌatimoquin tëmëramicëxunbi ca an uni ñu mëëxuncë unin —ꞌëx cana Nucën Papa Diosnan ꞌai —quixun sinánquin tanshiti ꞌicën. Usai ꞌiti ca Nucën Papa Diosan iscëx upí ꞌicën.

1 Pedro 2:8

ꞌImainun ca Nucën Papa Diosan bana ësai quia: A maxáxmi ca uni raírinëx tatíqui chacáti ꞌicën, a maxax chami chacati ca nipacëti ꞌicën. Maxax ñui quicë ꞌaíshbi ca a bana Cristo ñui quicë ꞌicën. An Jesusan bana cuaquinbi asérabi ami catamëquin aín bana quicësabi oquin ꞌacëma ax ca uni maxáxmi tatíqui nipacëcësaribi ꞌicën. Ui unicamax cara usai ꞌiti ꞌicë quixun ca Nucën Papa Diosan bëráma ꞌunáncëxa.

Judas 1:4

Uni raírinëx ca parani mitsubë timëtia. Mitsubë timë́xunbi ca mitsun sináncësabi oquin sinanima. A unicamax ca ësai quia: Nucën Papa Dios upí ꞌixun ca nux cuëëncësa oquinshi ñu ꞌaiabi nu uisabi oimá. Usaquin sinánquin ca ꞌaisama ñu ꞌaia. ꞌAi ca —ꞌëx cana Nucën Papa Diosnan ꞌai —quibi axëshi nun ꞌIbu, ax cuëëncësabi oi ꞌima. —ꞌËx cana Nucën ꞌIbu Jesucristonan ꞌai —quixunbi ca aín bana quicësabi oquin ꞌaima. Usa uni ñui ca Nucën Papa Diosan bana cuënëo quia, usaía ꞌicë unicamax ca ꞌaisamaira oquin ꞌuchocë ꞌiti ꞌicë quiax.

1 Samuel 4:8

¡Usakin ñu ꞌakëbëtan kara! ¿Uin atun Dios kushiira an ꞌatima oia nu ꞌakinti ꞌik? ¡Ax ka an egipcio unikama anu uni ꞌikëma menuxun këñumianan bëtsi bëtsi ñu ꞌakin atu ismia a ꞌikën!