Éxodo 8:32 - Kashibo-Kakataibo Biblia

³² ꞌAínbi ka usa oia iskinbi faraónën aín sinan iruarakin Israel unikama kuantanun ëinsama tankëxa.

Éxodo 8:32 Iomraidhean Croise

Éxodo 4:21

Usa ꞌain ka Nukën ꞌIbun Moisés bërámabi kakë ꞌiakëxa: —Egipto menu bëbaxun kamina ꞌën mi, ꞌanun kakë ñukama ꞌapu faraónën ismainun an iskëma ñu min tsati anun ꞌën mi kakësabiokin ꞌati aín. ꞌËn kana ꞌapu faraónëan min kakëxunbi kuaisamatankin aín sinan iruarakin Israel unibu kuantanun xuxunma ꞌanun ꞌimiti ꞌain.

Éxodo 8:15

Usakin ꞌaia isi aín sinan asábi tani kuëënkinbi ka faraónën, aín sinan atiainra iruarakin Moisés ꞌimainun Aarónën kakëxunbi kuaisamatankin Nukën ꞌIbun Diosan kakësabiokin Israel unikama xuisamatankëxa.

Éxodo 8:31

ñukákëxun ka Nukën ꞌIbu Moisésnën ñukákësabi okin chipë faraón ꞌimainun an ñu mëëxunkë unikamanuaribi nëtë́nun chipë ꞌimiakëxa.

Éxodo 8:8

Usai ꞌikëbëtan ka faraónën Moisés ꞌimainun Aarón kamiakëxa, kamikëxa aia ka: —Mitsun ꞌIbu kamina nun menua unikë ꞌashá ënëa nëtëminun ñukáti ꞌain, usakin mi ꞌakëbëtan kana ꞌën min unikama mitsun ꞌIbu rabikin ñuina xaroxuni kuantanun xuti ꞌain.

Éxodo 9:7

Usaia atun ꞌarakakë ñuinakama këñúkëbëtan ka faraónën Israel unibunën ꞌarakakë ñuinakama karaisa uisa ꞌikë istánun kixun aín uni xuakëxa, xukëx kuanxun iskëxbi ka achúshi ñuinabi bamakëma ꞌiakëxa. Usa ꞌikë isbiani kuanxuan kakëxunbi ka faraón aín nuitu iruarakin israel unikama kuantanun xuama ꞌikën.

Isaías 63:17

¿Uisa ꞌixun kaina mix Nun ꞌIbu ꞌixunbi mix kikësokin ꞌati ëni, min kakësokin ꞌaíma nun nuitu iruarakin min kakësabiokin ꞌaisamatanun nu ꞌimin? Min unikama ꞌanan min kaisa aín ñakánu ꞌikëkama nuibakë ꞌixun, kamina mixmi nishkë a sinanati ꞌain.

Romanos 2:5

Usa ꞌaínbi camina min sinan ꞌaisama ꞌaish sinanaisama tan. Usai ꞌiquin camina ënquinma camabi nëtën ꞌatima ñuishi sinánquin usaquin ꞌain. A cupí camina anúan Nucën Papa Diosan ꞌuchañu unicama aín ꞌucha cupí castícanti, a nëtën ꞌaisamaira oquin castícancë ꞌinuxun ꞌain.

1 Samuel 6:6

Uisa kupí kaina mitsun bana kuakëmasa oi egipcio unikama ꞌimainun faraón ꞌiásai ꞌikanin, atuxka Israel unikama Diosan ꞌatimokëxun aín menua chikinuxun bana kuatima ꞌia usai ꞌikanin.