Éxodo 8:19 - Kashibo-Kakataibo Biblia

¹⁹ Usa ꞌain ꞌakamakin an ñu ꞌunánkë unikaman ꞌapu faraón kakëxa: —¡Ënëx ka Diosan aín kushin ꞌakë ñu ꞌikën! ꞌAínbi ka faraónnën aín sinan iruarakin, Nukën ꞌIbun kakësabiokin kuaisama tankëxa.

Éxodo 8:19 Iomraidhean Croise

Génesis 41:24

A trigo bimi chushikësa ꞌimainun mënukësa an ka mapai ꞌimainun rabë́ trigo bimi upíirabu a piaxa. Usakin namáxun kana an ñu tankë unikama timëxun ñuixuan, ꞌaínbi ka atu achúshinënbi usakin namákë ka ax ꞌikë kixun ꞌë kakëma ꞌikën.

Salmos 8:3

Uisaran karana minbi unio naíkamë ꞌëo, ꞌuxë, ꞌispa akama min unio a isin anun kana,

Éxodo 10:23

usaía rabë́ ꞌimainun achúshi nëtë me bëánkikë ꞌain ka uinu ꞌikë uníxbi a rapasu ꞌikë uni isi kuainima ꞌianan uíxbi niama ꞌikën. Usai anu ꞌikëbëbi ka anua israel unibu ꞌikë, aín xubukama xabá ꞌiakëxa.

Éxodo 10:7

Usakin kabiani kuankëbëtan ka an ñu mëëxunkë unikaman faraón kakëxa: —¿Urainra kara ënë unikaman nu ësokin ꞌatima oti ꞌik? Usa ꞌain kamina mix ꞌapu ꞌixun atun Dios rabia kuantanun xuti ꞌain. ¿Mix ꞌapu ꞌixunbi karamina kamabi Egipto me ka ꞌatimatia kixun isiman?

Éxodo 11:7

ꞌImainun ka mitsunmi uisakin kara Nukën ꞌIbun egipcio unikama bëtan sënë́ma inun Israel unikama ꞌimia kixun ꞌunánun achúshi kamunanbi uni ꞌanan ñuina israel unikaman ꞌarakakë ñuina abi banotima ꞌikën.

Éxodo 7:13

Usa ꞌoia iskinbi ka faraónën aín sinan iruarakin, Nukën ꞌIbun Moisés ꞌimainun Aarón kakësabiokin aín bana kuaisamatankëxa.

Éxodo 7:4

Usakinmi kakëxunbi ka faraónën kuaisama tankin mitsu xutima ꞌikën. ꞌËnbi kana usaía ꞌinun ꞌimiti ꞌain, usa ꞌain kana ꞌaisamaira atun iskëma ñu ꞌën kushínbi Egipto me ënu ꞌakin atu ꞌatima ꞌoti ꞌain, usa atu okin kana ënë menua Israel unikama aín kushikaman suntáru chikínbiankin uankësa usaribi okin buánti ꞌain.

Éxodo 7:5

Usakin kana ꞌën kushi Egiptonu ꞌikë unikama ismiti ꞌain, usa ꞌixun kana Israel unikama chikínti ꞌain, usakin ꞌën ꞌakëbëtan ka ꞌëx kana asérabi Mitsun ꞌIbu ꞌai kixun atun ꞌunánti ꞌikën.

Éxodo 9:26

Usai anu pakëtibi ka Gosen kakë me, anua Israel unibu tsókë anu, matsin tita bëruñu achúshirabi pakëama ꞌikën.

Éxodo 9:4

ꞌAínbi ka Nukën ꞌIbun Israelkaman ꞌarakakë ñuina uisaibi ꞌinun ꞌimitima ꞌikën, ꞌimikinmabi ka Egiptonu ikë unikaman ꞌarakakë ñuinakamaishi maë rakátanun këñumiti ꞌikën.

Daniel 2:19

A ꞌimë́bi ka ꞌunátisama ñu a Daniel Diosan uisokin namákë ꞌianan uisai ꞌiti kara ax ꞌikë kixun kakëxa, usakia kakëxun ka Danielnën Dios naínu ꞌikë a ꞌupiokin sinánxunkin,

Mateo 12:28

Nucën Papa Diosan Bëru Ñunshin Upitan ꞌamicëxun uninua ꞌën ñunshin ꞌatima chiquíncë ꞌain camina ꞌunánti ꞌain, Nucën Papa Diosan ca axa ꞌëmi catamëcë unicama ainan ꞌiminuxun ënë menu unun ꞌë xuaxa quixun.

Lucas 11:20

Nucën Papa Diosan ꞌamicëxun uninua ꞌën ñunshin ꞌatima chiquíncë ꞌain camina ꞌunánti ꞌain, Nucën Papa Diosan ca axa ꞌëmi catamëcë unicama ainan ꞌiminuxun ënë menu unun ꞌë xuaxa quixun.

Juan 11:47

Ñuixuncëx abë timë́xun ca sacerdotenën cushicama ꞌimainun fariseo unicaman judíos cushibunën ꞌapucama cacëxa: —Ënë unin ca uni itsían ꞌacëma ñu ꞌitsaira ꞌaia. ¿Usa ꞌain caranuna uisa oti ꞌain?

Hechos 4:16

—¿Uisa caranuna ënë uni rabë́ oti ꞌain? Ënën ca uni itsin ꞌacëma ñu ꞌaxa. Usoquian ꞌacë ca Jerusalénu ꞌicë unicaman ꞌunania. Usa ꞌain cananuna, usama ca quixun catima ꞌain.

1 Samuel 6:3

Ësokia ñukákëxun ka atún kakëxa: Israel unikaman ꞌIbun bana anu ꞌarukë bunántisa okin ꞌakë kurin ratakakakë a ꞌinántëkënkin ka usabi xutima ꞌikën, uisabi oxuma ka nukama ka ꞌatima oxa usa kupí Diosan bana anu ꞌarukë bunántisa okin ꞌakë a numa ꞌatima otëkënia ñu anu ꞌaruxun xukë ꞌiti ꞌikën. Usokin ꞌakëbëa mitsun ku ꞌirukëkama a pëxkukin kamina Diosan ka nu ënkinma ꞌatima oxa kixun ꞌunánkanti ꞌain.

1 Samuel 6:9

ꞌAínbi kamina ësokin ꞌunánti ꞌain: vaca rabë́ axa Bet-semes anua Israel unikama me sënë́nkë au kikiankin carreta uankë ax ka Israel unikama aín Diosan nu ꞌatimokin nu tëmëramikë ꞌikë kixun ꞌunánti aín; ꞌaínbia vaca rabë́ ax anua ain tuá ꞌikë xubu ami kikiani kuankëbëtan kananuna, ax ka an nu tëmëramikëma, nuxnu usai ꞌiti ꞌain ka ꞌia kixun ꞌunánkanti ꞌain.