Éxodo 8:16 - Kashibo-Kakataibo Biblia

¹⁶ Usa ꞌain ka Nukën ꞌIbun Moisés kakëxa: —Aarón kamina kati ꞌain, aín tsatian me kupúkë nirutanun rishkinun usakian ꞌakëbë ka anuax ꞌaisamaira sëbë Egipto menu uniti ꞌikën.

Éxodo 8:16 Iomraidhean Croise

Salmos 105:31

Usakin ꞌimiax ka Dios kiakëxa chipë ꞌimainun sëbë ka uniti ꞌikën kikëbëa, nëtë kuin tunankuatsini ukësa usaribi kuatsini ukin egipcio unikaman me tsitsirunun ꞌimiakëxa.

Éxodo 4:23

ꞌËn kana ꞌën unikamami ꞌë rabia kuantanun xunun mi kan; ꞌaínbi kamina min kuantanun atu xukëma ꞌain, usa ꞌain kana ꞌën min rëkuë́n bëchikë bamamiti ꞌain.

Éxodo 5:1

Usakin unikama katankëx ka Moisés ꞌimainun Aarón, ꞌapu faraónbë banai kuankëxa: —Kuanxun ka ësai ka Israel unikaman Dios kiaxa kixun kakëxa: ꞌËn unikama kamina anu uni ꞌikëma menu kuanxuan achúshi fiesta ꞌakin ꞌë rabitanun xuti ꞌai kixun mi kanun ka ꞌë kaxa kixun kakëxa.

Éxodo 8:15

Usakin ꞌaia isi aín sinan asábi tani kuëënkinbi ka faraónën, aín sinan atiainra iruarakin Moisés ꞌimainun Aarónën kakëxunbi kuaisamatankin Nukën ꞌIbun Diosan kakësabiokin Israel unikama xuisamatankëxa.

Éxodo 8:17

Usakin ka ꞌakëxa. ꞌAkin ka Aarónën aín tsatin me kupúkë rishkiakëxa, usokin ꞌakëx ka kamabi me kupúkë Egipto menu ꞌikë ax sëbë ꞌikin uni ꞌanan ñuinakamaribi piakëxa.

Éxodo 8:18

Usa ꞌoia iskin ka an ñunshinan ꞌamikëxun ñu ꞌunánkë unikama atúnribi usaribi okin ꞌakatsi kixun ꞌakinbi ꞌakamakëxa. ꞌAkasmamainun ka sëbën unikama aín ñuina ꞌarakakëkama këñunbi piakëxa.

Éxodo 8:5

Ësokin ka Nukën ꞌIbun Moisés kakëxa: —Aarón kamina baka kamami sanankin tsatin xëxá ꞌimainun ꞌian akamami okinribi sananun kati ꞌain, usokëbë ka kamabi Egipto me tsitsirui ꞌashá anuax chikiti ꞌikën.