Éxodo 8:13 - Kashibo-Kakataibo Biblia

¹³ Usakin kakëxun ka Nukën ꞌIbun Moisésnën ñukákësabi okin ꞌakëxa, ꞌakëx ka ꞌashá xubukamanu ꞌikë ax me mëníokënu këñumainun ka ninubi këñuakëxa.

Éxodo 8:13 Iomraidhean Croise

Salmos 105:31

Usakin ꞌimiax ka Dios kiakëxa chipë ꞌimainun sëbë ka uniti ꞌikën kikëbëa, nëtë kuin tunankuatsini ukësa usaribi kuatsini ukin egipcio unikaman me tsitsirunun ꞌimiakëxa.

Éxodo 8:11

Usa ꞌain ka ꞌaisamaira ꞌashá ax min ꞌikënuax nëtë́ti bakanushi kuanti ꞌikën. Usai ꞌi ka mi ubioima ꞌianan, an mi ñu ꞌaxunkë unikama ꞌimainun min aintsikamaribi ubiotima ꞌikën.

Éxodo 8:12

Usai banatankëx ka Moisés ꞌimainun Aarón anua ꞌapu faraón ꞌikë xubunuax chikíkiani kuankëxa. Kuanxun ka Nukën ꞌIbu abë banakin minmi ꞌapu faraónën ëmanu xukë ꞌashá kamina nëtë́miti ꞌai kixun kakëxa.

Éxodo 8:14

Këñutia ka anu ꞌikë unikaman ꞌashá timëkin bukuankëxa bukunkëx ka ꞌaisamaira ꞌashá bamakë ax kamabi a menuax xëisamai pisiakëxa.