Éxodo 8:12 - Kashibo-Kakataibo Biblia

¹² Usai banatankëx ka Moisés ꞌimainun Aarón anua ꞌapu faraón ꞌikë xubunuax chikíkiani kuankëxa. Kuanxun ka Nukën ꞌIbu abë banakin minmi ꞌapu faraónën ëmanu xukë ꞌashá kamina nëtë́miti ꞌai kixun kakëxa.

Éxodo 8:12 Iomraidhean Croise

Salmos 105:31

Usakin ꞌimiax ka Dios kiakëxa chipë ꞌimainun sëbë ka uniti ꞌikën kikëbëa, nëtë kuin tunankuatsini ukësa usaribi kuatsini ukin egipcio unikaman me tsitsirunun ꞌimiakëxa.

Éxodo 10:18

Ësakian kakëx ꞌapu faraónën xubunuax chikítankëxun ka Moisésnën champu nëtëminun Nukën ꞌIbu ñukákëxa.

Éxodo 32:11

Ësai nishi kiabi ka abë banakin Moisésnën Dios ësokin kakëxa: ¿Nukën ꞌIbu uisoti karamina min unibu Egipto menua min kushínbi chikínbëtsinkin bëtankëxun min ami nishkin këñuti ꞌain?

Éxodo 8:13

Usakin kakëxun ka Nukën ꞌIbun Moisésnën ñukákësabi okin ꞌakëxa, ꞌakëx ka ꞌashá xubukamanu ꞌikë ax me mëníokënu këñumainun ka ninubi këñuakëxa.

Éxodo 8:30

Usai banatankëx faraónën xubunuax chikixun ka Moisésnën Nukën ꞌIbu ñukákëxa,

Éxodo 8:8

Usai ꞌikëbëtan ka faraónën Moisés ꞌimainun Aarón kamiakëxa, kamikëxa aia ka: —Mitsun ꞌIbu kamina nun menua unikë ꞌashá ënëa nëtëminun ñukáti ꞌain, usakin mi ꞌakëbëtan kana ꞌën min unikama mitsun ꞌIbu rabikin ñuina xaroxuni kuantanun xuti ꞌain.

Éxodo 9:33

Usa ꞌain ka Moisésnën faraónbë banatankëx anuax chikíkiani a ëmanuax kuanxun, aín mëkën manámi okin Nukën ꞌIbu atu ñukáxuankëxa. Ñukákëbëishi ka matsin tita pakëti ꞌuí ꞌibúkë a ꞌimainun, kanákamë ꞌëo sharakirukë ax bukubuti nëtë́akëxa.

Ezequiel 36:37

ꞌËx Min ꞌIbu ꞌaish kana ësai kian: Usa ꞌixun kana ꞌëx kikësabiokin bëtsi ñukamaribi ꞌaxunti ꞌain. ꞌAxunkin kana Israel unikama añu ꞌaxúnun kara ꞌë ñukatia a ñukama ꞌaxunkin; aín unikamaxa ꞌaisamaira ꞌia ñuina ꞌarakakëx ꞌikësai, kaikamë ꞌëonun ꞌimiti ꞌain.

1 Samuel 12:23

ꞌËn kana mitsu Nukën ꞌIbu ñukaxunkin ëntima ꞌain, mitsu ñukáxunima kana ami ꞌuchakë ꞌiti ꞌain. ꞌIanan kana uisai kaina mitsux an kuëënkësabi ꞌoíshi tsóti ꞌain akama ꞌunánmiti ꞌain.