Éxodo 7:7 - Kashibo-Kakataibo Biblia

⁷ Usa ꞌain ka a nëtë́an ꞌapu faraónbë banai kuankë anu, Moisés ochenta baritiañu ꞌiakëxa, ꞌimainun ka Aarón axribi ochenta ꞌimainun tres baritiañu ꞌiakëxa.

Éxodo 7:7 Iomraidhean Croise

Génesis 41:46

Anua ꞌapu ꞌimikë anu ka José treinta baritiañu ꞌiakëxa, usa ꞌain ka José anua faraón ꞌikë anuax chikítankëx Egipto me kamaoi kuainbëkini niakëxa.

Salmos 90:10

Anun tsótimi nu ꞌinánkë ax ka setenta baritiashi ꞌikën; usa ꞌaínbi ka uix kara kushipain ꞌikë ax kuni ochenta; baritia ꞌimi tsóti ꞌikën, ꞌaínbi kananuna ꞌitsabaritia tëmërakin ñu mëi atsanin. ¡Usai ka nux ꞌikësaribiti baritia kamax, bënëtishi inutia!

Éxodo 2:23

Usa ꞌain ka ꞌitsa baritia ꞌinúkëbë Egiptonu ꞌikë ꞌapu ñuakëxa. Ñuanka, Israel unibunëx ꞌaisamaira ñu mëëmikëx uisa kupín kara ësokinra nu ñu mëëmia kiax kikankëxa. Ësaia kikania ka Diosan kuakëxa.

Éxodo 7:8

Usa ꞌain ka Nukën ꞌIbun Moisés ꞌimainun Aarón kakëxa:

Hechos 7:23

Cuarenta baritiañu ꞌaish ca aín aintsi Israel unicama isti sinánbiani cuancëxa.

Hechos 7:30

Usaquin catancëxun ca ësaquinribi Estebanën ꞌapucama cacëxa: —Cuarenta baritia Madián menu ꞌitancëx ca Sinaí cacë aín bashi ꞌurama, anu uni ꞌicëma me, anu Moisés ꞌiacëxa. Anu ꞌixun ca imaxu anuax tsi rëquirucë mëúcüa ángel achúshi isacëxa.

Deuteronomio 31:2

ꞌËx kana bërí ciento veinte baritiañu ꞌain, usa ꞌaish kana uni kaniakëti ꞌikësabi kushi kiani me ꞌabiani ꞌurakuani nikin mitsu ꞌakinsama ꞌain. ꞌIanan ka Nukën ꞌIbun ꞌëx isana Jordán kakë baka sikarakëti kuantima ꞌai kixun ꞌë kaxa.

Deuteronomio 34:7

Moisésnëx ka ciento veinte baritiañu ꞌaish ñuakëxa; usa ꞌaish ka aín ñuti nëtë sënë́ntamainun kaniakëtibi ꞌinsínkëma ꞌixun aín nami paë tanima ꞌianan aín bërumi ñukëma ꞌixun upíokin iskë pain ꞌiakëxa.

Josué 24:5

Usai ꞌiá ꞌain kana ꞌitsa baritia inúkëbëtan ꞌën mitsun chaitiokë Moisés ꞌimainun Aarón xuakën, ꞌimainun kana mitsux chikinuxun Egipto menu ꞌikë unikama ꞌitsaira ꞌën tëmëramiakën.