Éxodo 7:23 - Kashibo-Kakataibo Biblia

²³ Usakian ꞌaia isíbi ka faraón aín xubunu atun ꞌakë ñu asérabi ka ënë ñukama ꞌikë kixun sinanima kuankëxa,

Éxodo 7:23 Iomraidhean Croise

Éxodo 7:22

Usakian ꞌakëbëtan ka egipcio unibu an ñu tankë ꞌimainun an ñunshinan kushin ñu ꞌakë a unikamanribi usaribi okin ꞌakëxa, ꞌakëbëtan ka faraónën aín sinan iruarakin Moisés ꞌimainun Aarónën kakëxunbi Nukën ꞌIbun kakësokin aín bana kuaisama tankëxa.

Éxodo 7:24

usai ꞌikëbëtan ka kamabi egipcio unibunën Nilo kakë baka kuëbí anua ꞌumpax biti upí kini ꞌakëxa, bakanu ꞌikë ꞌumpaxkama xëatisamaira ꞌain.

Éxodo 9:20

Ësokian Nukën ꞌIbun kakëx kuanxuan Moisésnën, faraón kakëbë ka an ñu ꞌaxunkë raíri aín unikamax rakuë́akëxa, rakuë́kin ka aín uni raírinën an ñu mëëxunkë uni ꞌimainun an ꞌarakakë ñuinakama aín xubunu atsímixun anu nitsíankëxa,

Éxodo 9:21

ꞌaínbi ka raírinën an asérabi ka usai ꞌiti ꞌikë kixun sinánkëma unikama an aín ñuina ꞌarakakëkama aín xubunu atsímikima ëman nitsíankëxa.

Jeremías 36:24

Usokin kamabi kirika iskin ꞌaia kuatíbi ka ꞌapu ꞌimainun aín unikamax rakuëanan masánuituti anun paëama ꞌikën.

Habacuc 1:5

Ësokin kakëxun ka Diosanribi kakëxa; Israel unikama mitsun kamina axa mitsu rapasu ꞌikë unikama uisai kara atux ꞌia a isi rakuëkanti ꞌain. Usa ꞌain kana ꞌën mitsunu usaribi ñukama inumiti ꞌuramashi ꞌain, usakin ꞌaia bëtsi unikaman ñuixunkëxunbi kamina mitsun usa ka kixun sinánkantima ꞌain.

Malaquías 2:2

Mitsun kamina ꞌëx kikësabiokin ꞌanan asérabi ꞌë rabikanti ꞌain. Usakin ꞌaiama kana ꞌën mitsu ꞌatima okin sinánxunti ꞌain. Usa ꞌainbi mitsun ꞌën kikësokin ꞌaiama okin, kana sacerdote ꞌixunmi bikë ñukama aribi mitsu bikuanti ꞌain, usa ꞌain kana ësokin mitsu ꞌati pëuan mitsun kamina ꞌë rabitisama tankanin.” Usai ka Dios kamabi kushiñuira ax kiaxa.

Deuteronomio 32:46

Usai kantai sënë́nxun ka Israel unikama kakëxa: Bërí kamina ꞌën mitsu kakë banakama upíokin sinánkin mitsun bakë bëchikëkama ꞌunánmikin ñuixunti ꞌain, atúnribia a tanti banakama kikësaibi ꞌiti ꞌunánun.

1 Samuel 4:20

Usai ꞌibia bë́nania iskin ka an bakënmikë xanukaman kakëxa; kamina rakuë́tima ꞌain achúshi bëbu tuá kamina bakë́an, usakian kakëxunbi ka an kuashikin uisakinbi káma ꞌikën.