Éxodo 7:22 - Kashibo-Kakataibo Biblia

²² Usakian ꞌakëbëtan ka egipcio unibu an ñu tankë ꞌimainun an ñunshinan kushin ñu ꞌakë a unikamanribi usaribi okin ꞌakëxa, ꞌakëbëtan ka faraónën aín sinan iruarakin Moisés ꞌimainun Aarónën kakëxunbi Nukën ꞌIbun kakësokin aín bana kuaisama tankëxa.

Éxodo 7:22 Iomraidhean Croise

Génesis 41:8

ꞌAínbi ka a pë́karan anun masánuitukëishi ꞌixun kamabi Egipto menu ꞌikë an ñu tankë ꞌimainun an ñu ꞌunánkë unikama unun kixun kamiakëxa. Kamikëxa rikuatsinkë ka faraónën usakian namákëkama ñuixuankëxa, ñuixunkëxunbi ka uinu ꞌikë uni an ñu tankë ꞌimainun an ñu ꞌunánkë achúshinënbi ñuixuama ꞌikën, uisakin namákin kara usakin namáxa kixun.

Éxodo 7:11

Usakian ꞌakëbëtan ka ꞌapu faraónën ribi an ñu tankë ꞌimainun an ñu ꞌunánkë aín unikama kuënxun usaribikinsa ꞌanun kixun ꞌamiakëxa:

Éxodo 7:13

Usa ꞌoia iskinbi ka faraónën aín sinan iruarakin, Nukën ꞌIbun Moisés ꞌimainun Aarón kakësabiokin aín bana kuaisamatankëxa.

Éxodo 7:21

Usai ꞌikëbëa bakanu ꞌikë ñuinakama këñúkëbë ka ꞌumpax pisiakëxa, usai ꞌia ka egipcio unibunën xëatisama ꞌikë ꞌumpax xëama ꞌikën. Usaia ꞌikëbë ka kamabi Egipto menu ꞌikë ꞌumpax imi ꞌiakëxa.

Éxodo 7:23

Usakian ꞌaia isíbi ka faraón aín xubunu atun ꞌakë ñu asérabi ka ënë ñukama ꞌikë kixun sinanima kuankëxa,

2 Timoteo 3:8

Usa unicaman ca Janesbëtan Jambresnën Moisésnën ꞌacë ñu ax ca cëmë ꞌicë quixun uni sinánmiasaribi oquin Nucën Papa Diosan bana ax ca cuatima ꞌicë quixun unicama sinánmia. Aín sinan upíma ꞌaish ca Nucën Papa Diosan iscëx ainanma ꞌicën.