Éxodo 7:17 - Kashibo-Kakataibo Biblia

¹⁷ Usa ꞌain ka, Nun ꞌIbu kiaxa: Bërí kamina min ꞌunánti ꞌain, ꞌëx kana Nukën ꞌIbuira ꞌai kixun. ꞌËn tsati ꞌën tuinkë ënën Nilo kakë baka rishkikëbëishi ka ꞌumpax imi ꞌiti ꞌikën.

Éxodo 7:17 Iomraidhean Croise

2 Reyes 19:19

Usa ꞌain kamina mix nun Dios ꞌixun bërí an ꞌaisatankë unikaman ꞌaisataniabi nu bërúanti ꞌain, usakinmi nu ꞌakinia ka kamabi menu ꞌikë unikaman mix kamina asérabi Dios ira a ꞌai kixun ꞌunánti ꞌikën.

Salmos 105:29

Usakin ꞌanan ka anua ꞌikë baka kamanua ꞌikë ꞌumpaxkamaribi imi ꞌikëbëa, bakanu ꞌikë ñukama këñunun ꞌimiakëxa;

Éxodo 1:22

Usaia ꞌikëbëtan a kuëënkinma faraónën, aín unikama kakëxa: Kamina Israel bëbu tuá bakënia bakami niti ꞌain, nianan kamina xanu tuakamaishi kania ꞌuakamë ꞌëotanun ënti ꞌain.

Éxodo 10:2

usakin ꞌën ꞌaia isá ꞌixun kamina min bakë bëchikëkama ꞌimainun min xutakama ñuixunti ꞌain, uisakin karana ꞌën egipcio unibumi kuaikin atun uínsaranbi isama ñu chaiirabu ꞌën kushínbi ꞌakë kixun. Usakin ꞌën ꞌakë, ꞌain kamina ꞌëx kana asérabi Nukën ꞌIbu ꞌai kixun mitsun ꞌunánti ꞌain.

Éxodo 4:9

ꞌaínbia usa ka kixun sinanan min kakëxun kuaisama tánkin ënë ñu rabë́ iskinbi usa ka kixun sinánkankëbëtama kamina, ꞌumpax bakanua bixun menu chikuti ꞌain. Usakin ꞌumpax bakanua bikë a menu anpënkakëxëshi ka imi ꞌiti ꞌikën.

Éxodo 5:2

ꞌAínbi ka faraónën kakëxa: —¿Ui kara min ꞌIbu ax ꞌik? ¿ꞌËn karana an kakëxun aín bana tankin israel unikama kuantanun xuti ꞌain? ¡ꞌËn kana min ꞌIbu ꞌunaniman, usa ꞌain kana israel unikama kuantanun xutima ꞌain!

Éxodo 6:7

tëmëramianan kana mi kamaxmi ꞌën uni ꞌikë mitsu ië́miti ꞌain, ꞌëx kana mikaman Dios ꞌain. Usakin ꞌakëbëtan ka ꞌëx kana mitsun ꞌIbu Dios ꞌain kixun ꞌunánti ꞌikën, usa ꞌain kana ꞌën egipcio unibunëan amiribishi tëmëramikin ñu mëëmitëkëntima okin mitsu ꞌimiti ꞌain.

Éxodo 7:20

Usakian Nukën ꞌIbun kakëxun ka Moisés ꞌimainun Aarónën an kakësabiokin ꞌakëxa. ꞌAkian Aarónën aín tsati birukin anun baka rishkikëbëishi ka ꞌumpax faraón ꞌimainun aín unikaman ismainunbi imi ꞌiakëxa.

Éxodo 7:5

Usakin kana ꞌën kushi Egiptonu ꞌikë unikama ismiti ꞌain, usa ꞌixun kana Israel unikama chikínti ꞌain, usakin ꞌën ꞌakëbëtan ka ꞌëx kana asérabi Mitsun ꞌIbu ꞌai kixun atun ꞌunánti ꞌikën.

Daniel 4:17

Ënëx ka usai ka ꞌiti ꞌikë kiaxa an bërúanti nankë ángelkama ax kikë ꞌikën, usa ꞌikë ka kamabi unikaman ꞌunánti ꞌikë, ax ka manámi ꞌikë Dios kamabi kushiñu a ꞌikën, an ka uikara ꞌapu ꞌimitisatania a ꞌapu ꞌimianan uix kara ñuumasara ꞌikë a unikamaribi aín kushia aín menubi ꞌinun ꞌimia.

Daniel 4:32

ꞌën kana unikamabë ꞌimami ñuinakamabë ꞌinun mi ꞌimiti ꞌain; anuxun kamina pasto vaca bënëkaman ꞌakësaribi okin mapai achúshi ꞌimainun rabë́ baritia anúnmi, Dios ax ka ënë menu ꞌikë ëmakama aín kushi ꞌianan ui kara aín kushi ꞌimitisatania a aín kushi ꞌimia kixun min ꞌunánti nëtë sënë́ntamainun ꞌiti ꞌain.

Daniel 4:37

Usa ꞌain kana ꞌëx Nabucodonosor ꞌixun bërí Dios naínua ꞌapu ꞌikë a rabin, an ꞌakë ñukama ax ka asérabi ꞌianan upíira ꞌikën, an ka ax isa usaira ꞌikë kixun sinani rabiakakë unikama aín kuëënkësa okin ꞌati ꞌikën.

Daniel 5:21

Usakin ꞌatankëxun ka uni ꞌikëbi unikamanua chikinkin achúshi ñuinasa ꞌinun ꞌimiakëxa; usokëx ka ñuina raëkëma ꞌimainun vaca bënëkamabëtan pasto pi nitsia ka, nibítan ꞌibúkin aín nami chabókëxa, usa ꞌain ka Dios manámi ꞌikë an kushiira ꞌixun kamabi menu ꞌikë unikama ꞌakianan, ui kara ꞌapu ꞌimitisa tania a ꞌapu ꞌimia kixuan anun ꞌunánti nëtë ꞌitámainun ꞌakëxa.

Daniel 5:23

Usa ꞌain kamina mix ꞌapu ꞌaish Nukën ꞌIbu Dios naínu ꞌikë ami kuaikin mesanuxun ami xëakë xampakama anuxun Dios rabiti xubunua ꞌia akama bëan, bëxun kamina min kamikë unikamabëtan ami uvas baka paëokin vino ꞌakë xëakin min dioskama kuri, manë uxua, manë panshian, manë tunan, i ꞌakë ꞌimainun maxá ꞌakë mitsun dioskama rabikin ami xëan; akaman ka isima ꞌimainun kuatima ꞌianan ka añu ñubi ꞌunanima. Usa ꞌaínbi kamina Dios an mix ꞌapu ꞌikë bërúankin tsónun ꞌimikë a rabikëma ꞌain, an ka an kuëënkësa okin mi kamabi ñu min ꞌakë a ꞌanun mi ꞌamiaxa.

Apocalipsis 11:6

A rabëtax ca cushiñu ꞌicën. Usa ꞌixun ca ꞌaisa tanquin atúan Nucën Papa Dios quicësabi oquin bana ñuixunmainuan ꞌuí ꞌibúaxma ꞌinun ꞌimiti ꞌicën. ꞌAisa tanquin ca bacanu ꞌicë ꞌunpax imi ꞌimiti ꞌicën. ꞌAisa tanquin ca bëtsi bëtsi ñu ꞌaquin paë tania tëmëranun unicama ꞌimiti ꞌicën. Uiti oquin cara usoquin ꞌaisa tania usoquin ca ꞌati ꞌicën.

Apocalipsis 8:8

Usai ꞌicëbëtan ca bëtsi ángelnënribi aín manë banañu banoxa. Usocëbë ca achúshi ñu chaira aín bashi nëëmë́cësa ꞌicë nicë́xa parúnpapanu nipacëcëbë parúnpapa chaira ꞌaíshbi nëbë́tsi, rabë́ ꞌimainun achúshi oquin tëacësa ꞌaíshbi amo ꞌicë achúshi imisa ꞌiaxa.