Éxodo 6:8 - Kashibo-Kakataibo Biblia

⁸ Usa ꞌain kana a me ꞌinánuxun ꞌën Abraham, Isaac ꞌimainun Jacob akama ká me mitsunanbi ꞌinun ꞌinánti ꞌain. ꞌËx kana mitsun ꞌIbu ꞌain.

Éxodo 6:8 Iomraidhean Croise

Génesis 14:22

Usokin kakëxunbi ka Abramnën ësokin kakëxa: —ꞌËn kana ësokin kana ꞌanuxun ꞌai kixun Nukën ꞌIbu kushiira an naíkëñun me unio a kan,

Génesis 15:18

Usa ꞌain ka a nëtënbi Nukën ꞌIbun Abrambëtan achúshi ñu ꞌakin kakëxa: —Ënë mekama kana min rëbúnkikama ꞌinánti ꞌain, Egipto bakamiaxa ukë me anuax ꞌimainun baka chaiira Éufrates kakë anu sënë́nbi kana ꞌinánti ꞌain.

Génesis 26:3

usa ꞌain kamina ënë menu pain tsóti ꞌain. ꞌËx kana mibë ꞌiti ꞌain ꞌimainun kana mi upíokin sinánxukin mi ꞌimainun min rëbúnki kamaribi ënë mekama ꞌinánti ꞌain. Usakin kana ꞌën min papa Abraham kásabiokin ꞌati ꞌain.

Génesis 28:13

Usakin namákin isanan ka Nukën ꞌIbu a rapasu nixun ësokin kakëxun kuakëxa: ꞌËx kana min ꞌIbu ꞌain, ꞌianan kana min xuta Abraham aín Dios ꞌianan min papa Isaac ainanribi ꞌain. Usa ꞌixun kana mi ꞌimainun min rëbúnkikama anumi ꞌuxi rakákë me ënë ꞌinánti ꞌain.

Génesis 35:12

ꞌËn kana kamabi me ënë min xuta Abraham ꞌimainun min papa Isaac ꞌinánkën, usa ꞌain kana mi ꞌinántankëxun min rëbúnki kamaribi ꞌinánti ꞌain.

Nehemías 9:15

ꞌImainun kamina naínu ꞌikë pán ꞌakëñuma ꞌixuan pinun ꞌinánan ꞌumpaxribi maparanua shióbutia shimaxun xëanun ꞌinánkën. Usokin pain ꞌatankëxun kamina a ꞌinánkatsi kixunmi nun chaitiokëkama ká me a bitsia anu kuanun atu ꞌimiakën.

Éxodo 32:13

Min uni ꞌiakama Abraham, Isaac ꞌimainun Jacob akama kaimi kia bana akamina sinánti ꞌain, ꞌën kana min rëbúnkinëxa naínu ꞌikë ꞌispa tupuribi ꞌitánun, ꞌuákamë ꞌëomikin ꞌën mi ñuixunkë mekama min rëbúnki ꞌinánti ꞌain kixun kamina atu kakën.

Éxodo 6:2

Amiribishi ka Diosan abë banakin Moisés katëkëankëxa: —ꞌËx kana min ꞌIbu ꞌain.

Éxodo 6:4

Usa ꞌixun kana këñutima okin achúshi ñu atu ꞌaxuan, ꞌakin kana Canaán kakë me a ꞌinánuxun atu kakën, ax ka anu paian bëtsi menu ꞌikë unikama ꞌikësai ꞌitsama baritia anu tsóa a ꞌiakëxa.

Éxodo 6:6

Usa ꞌain kamina Israel unibu anu kuanxun kai kuanti ꞌain, ꞌëx min ꞌIbu ꞌixun kana tëmëramikian ñu mëëkë anua chikínti ꞌain. Usa ꞌain kana ꞌaisamaira egipcio unibunën ñu mëëmikin tëmëramikë anua chikínti ꞌain; ꞌimainun kana ꞌën kushi atu ismikin ꞌëx upí ꞌixun mitsu ꞌakësamaira okin atu tëmëramiti ꞌain;

Números 11:12

¿ꞌËx aín papa ꞌianan aín tita ꞌixun karana atu ꞌikúxun tuáxura ꞌakësokin aín chaitiokëkama ꞌinankatsimi kia me anu buánti ꞌain?

Números 14:30

ꞌAínbi ka Caleb ꞌimainun Josué axëshi raírinëxa ꞌën kakësoi ꞌikëma kupín maëmainun ꞌën ꞌinánuxun ka me anu bëbai kuanti ꞌikën.

Números 23:19

Dios ax ka nusama ꞌikën: ax ka këmëi bananan bëtsi okin sinántëkëkini kima. Uisa ñu ꞌakatsi kara ax kia a ka asérabi ꞌaia. Uisa ñu ꞌanux kara kiáxa a ka asérabi ax kikësabiokin ꞌaia.

Deuteronomio 32:40

ꞌËn kana naími okin ꞌën mëkën chaioruin, usa ꞌaish kana asérabi ësai kin: ꞌëx kana uínsaran nëtënbi këñútimoi tsotin usa ꞌaish kana asérabi kin

Deuteronomio 4:31

an ka nuibanairakë ꞌixun nuibakin, ꞌatima otankëxunbi mitsu ëntima ꞌikën, usa ꞌixun ka manukima nun chaitiokëkama sinántëkëntima okin kásabiokin asérabi ax kiásabiokin ꞌati ꞌikën.

Josué 24:13

ꞌËn kana a menu tëa ꞌikëmabi mitsun me ꞌinánan ëmakamaribi mitsun ꞌa ꞌikëmabi ꞌinánkën. Anu tsókin kamina bërí mitsun ꞌapá ꞌixunmabi uvas ꞌimainun aceituna akama a menua ꞌapá ꞌikë pikanin. Ësokin katankëxun ka Josuénën atu katëkëankëxa:

Apocalipsis 10:6

Manámi oquin ca caxa: —Axa bamatimoi tsócë, an naí, me, parúnpapa, acama ꞌimainun anu ꞌicë ñucamaribi unio Nucën Papa Dios, an cuamainun cana cain: Ax quiasabi oi ca bërí ꞌiti ꞌicën.

1 Samuel 15:29

Nukën ꞌIbu Dios an ka Israel kama upí ꞌinun ꞌimiti ꞌikën, ax ka paránani këmëi banaima, ꞌianan ka uni ꞌikësai ñu ꞌakatsi kiax kana ꞌaíma kiax kítëkënima.