Éxodo 6:6 - Kashibo-Kakataibo Biblia

⁶ Usa ꞌain kamina Israel unibu anu kuanxun kai kuanti ꞌain, ꞌëx min ꞌIbu ꞌixun kana tëmëramikian ñu mëëkë anua chikínti ꞌain. Usa ꞌain kana ꞌaisamaira egipcio unibunën ñu mëëmikin tëmëramikë anua chikínti ꞌain; ꞌimainun kana ꞌën kushi atu ismikin ꞌëx upí ꞌixun mitsu ꞌakësamaira okin atu tëmëramiti ꞌain;

Éxodo 6:6 Iomraidhean Croise

1 Reyes 8:42

anuxun mi rabiti ꞌakë xubu ënë kupin mi ñukákëxun kamina, min anë chaiira a ꞌimainun min kushi a ñui kia kuati ꞌain.

Nehemías 1:10

Nukamax kananuna min kaisa ꞌaish min uni ꞌain, usa ꞌikë kamina atu min kushínbi chikínbëtsinkin Egipto menua bëakën.

Éxodo 1:11

Usakin sinánxun ka Egiptonu ꞌikë ꞌapun an ñu mëëia bërúanxun israel unikama timëti uni anëakëxa, anëkëxun ka a unikaman ꞌaisamaira okin ñu mëëmiakëxa. Usakin ñu mëëmikin ka Pitón ꞌimainun Ramsés kakë ëma aribia ꞌanun ꞌamiakëxa, ax ka anua Egiptonu ꞌikë ꞌapun, anu piti bukúnti ꞌamikë ꞌiakëxa.

Éxodo 12:41

ꞌimainun ka anúan cuatrocientos treinta baritia, aín chaitiokëkama Egipto menu tsónux bëba a nëtë sënë́nkë a nëtënbi ka Israel unibu atún ꞌIbun a menua chikíankëxa.

Éxodo 15:13

Min kamina min unikama ꞌitsaira nuibatin, usa ꞌixun kamina min kushi chaiira ꞌixun nukama ië́mikin ꞌakian; usa ꞌain kamina anuxun mi rabiti xubu anuxun rabikë ꞌiti ꞌain.

Éxodo 16:6

Usakian Diosan kakëxun ka Moisés ꞌimainun Aarónën Israel unibu kakëxa: —Ënë xupibukëbëtan kamina Nukën ꞌIbunbi ka Egipto menua chikínbëtsinkin mitsu bëaxa kixun ꞌunánti ꞌikanin,

Éxodo 2:11

Usai anuax kani aín baritia sënëni ka Moisés faraónën xubunu ꞌiakëxa, anuax ka achúshi nëtën aín aintsi ꞌimainun aín kaibu kamaribi isi kuankëxa, Egiptonu ꞌikë unikaman ꞌaisamaira okin ñu mëëmia ꞌunánkë ꞌaish. Usakin ꞌunánx kuankinbi ka egipcio uni achúshinëan aín aintsi achúshi mëía mërakëxa.

Éxodo 3:17

ꞌImainun ka ësokinribi ꞌë kaxa, an isa Egipto me anuaxmi tëmërakankë ënua mitsu chikínbiankin anua cananeos, hititas, amorreos, ferezeos, heveos ꞌimainun jebuseos; unikama ꞌikë me anu mitsu buánti ꞌikën, ax ka me achúshi anua ñuinanën xumañukama a ꞌimainun a piti ñu ꞌitsaira ꞌianan ñu ꞌaisamaira ꞌikë a ꞌikën.

Éxodo 3:8

Usa ꞌain kana ꞌënbi a isi ubuan, egipcio unikaman ꞌaisamaira okin tëmëramia kana chikinuxun ꞌain. Ënë menua chikínbiankin kana atu me chaiira ꞌimainun upíira anua ꞌaisamaira ñuina xuma ꞌianan a piti ꞌitsaira ꞌimainun buna rëpa ꞌumpax iskësaira ꞌikë anu buánti aín. A mex ka anua cananeobë, hititas, amorreos, ferezeos, heveos ꞌimainun jebuseos unikama ꞌikë anu kana buánti ꞌain.

Éxodo 32:11

Ësai nishi kiabi ka abë banakin Moisésnën Dios ësokin kakëxa: ¿Nukën ꞌIbu uisoti karamina min unibu Egipto menua min kushínbi chikínbëtsinkin bëtankëxun min ami nishkin këñuti ꞌain?

Éxodo 6:2

Amiribishi ka Diosan abë banakin Moisés katëkëankëxa: —ꞌËx kana min ꞌIbu ꞌain.

Éxodo 6:29

kakëxa: —ꞌËx kana min ꞌIbu ꞌain. Usa ꞌain kamina Egiptonu ꞌikë ꞌapu faraón, ꞌën mi kakë kamabi banakama ñuikin kati ꞌain.

Éxodo 6:8

Usa ꞌain kana a me ꞌinánuxun ꞌën Abraham, Isaac ꞌimainun Jacob akama ká me mitsunanbi ꞌinun ꞌinánti ꞌain. ꞌËx kana mitsun ꞌIbu ꞌain.

Éxodo 7:4

Usakinmi kakëxunbi ka faraónën kuaisama tankin mitsu xutima ꞌikën. ꞌËnbi kana usaía ꞌinun ꞌimiti ꞌain, usa ꞌain kana ꞌaisamaira atun iskëma ñu ꞌën kushínbi Egipto me ënu ꞌakin atu ꞌatima ꞌoti ꞌain, usa atu okin kana ënë menua Israel unikama aín kushikaman suntáru chikínbiankin uankësa usaribi okin buánti ꞌain.

Éxodo 7:5

Usakin kana ꞌën kushi Egiptonu ꞌikë unikama ismiti ꞌain, usa ꞌixun kana Israel unikama chikínti ꞌain, usakin ꞌën ꞌakëbëtan ka ꞌëx kana asérabi Mitsun ꞌIbu ꞌai kixun atun ꞌunánti ꞌikën.

Hechos 13:17

Nucën Papa Dios, Israel unibunën Dios, an ca nucën raracama ainan ꞌinun caísacëxa. Caístancëxuan an ꞌimicëx ca Egipto menu pain tsoti anuax uácëxa. Uatia ca Nucën Papa Diosan aín cushínbi atu Egiptonua bëacëxa.

Deuteronomio 26:8

iskian ax kushiira ꞌixun chaiira ñu ꞌakëbëa Egiptonu ꞌikë unikama ami rakuëkëbëtan ka nukama anua chikíankëxa,

Deuteronomio 4:23

ꞌAínbi kamina anu kuantankëxun Diosan mitsubëtan achúshi ñu ꞌakë a manutima ꞌain. Manukin kamina a rabinuxun ñu unionan uisa ñubi tankin Diosan a ꞌaxuma ꞌanun mitsu kakë a ꞌatima ꞌain,

Deuteronomio 4:34

¿Anu kara bëtsi dios an ëma achúshi kaískin bëtsi ëmakama nëbë́tsinuxun, ꞌitsaira ñu ꞌanan atun iskëma, bëtsi bëtsi ñu ꞌakin atu rakuëmikin aín kushínbi Egipto menuxun nukama chikínbëtsinkin Diosan bëa usaribi okin ꞌakë ꞌiti ꞌik?

Deuteronomio 6:12

Usakin ꞌaínbi kamina mitsun ꞌIbu ami manútima ꞌain, an ka Egipto menuxun, ñu mëëi ꞌaisamaira tëmëraiabi mitsu chikíankëxa.

Deuteronomio 7:19

mitsúnbi kamina bëtsi bëtsi ñu chaiirabu ꞌaia isakën, Nukën ꞌIbu Diosan ka ꞌaisamaira tëmëraiabi Egipto menua chikinuxun ain, kushi mitsu ismikin usokin ꞌakëxa, usokin ꞌa ꞌixun ka Nukën ꞌIbun kamabi ëma amimi mitsux rakuëkë akama egipcio unikama ꞌasaribiokin ꞌati ꞌikën.

Deuteronomio 7:8

Nukën ꞌIbun ka Egipto menuax ꞌaisamaira tëmëraiabi mitsu chikíankëxa, ꞌimainun ka aín kushínbi ꞌapu faraónën ꞌibuaxun ñu mëëmiabi mitsu chikíankëxa, usa ꞌixun ka an mitsu nuibakin nun chaitiokëkama kásabiokin ꞌakëxa.

Deuteronomio 9:29

Usa ꞌain ka atux min unibu ꞌaish min unibubi ꞌikën; min kamina Egipto menua min kushínbi atu chikiankën kixun ka Moisésnën Dios kakëxa.