Éxodo 6:2 - Kashibo-Kakataibo Biblia

² Amiribishi ka Diosan abë banakin Moisés katëkëankëxa: —ꞌËx kana min ꞌIbu ꞌain.

Éxodo 6:2 Iomraidhean Croise

Génesis 15:7

Ësakinribi ka kakëxa: —ꞌËx kana min ꞌIbu ꞌain; usa ꞌixun kana ꞌën mi Ur kakë me anua caldeo unibu tsókë anua chikiankën, ënë me xënibua ꞌaínbi minanbi ꞌinun ꞌinánuxun.

Éxodo 12:12

A imë́ kana ꞌëx kamabi Egipto menu inúkin kamabi egipcio unikaman xubunua aín rëkuë́n bëchikë ꞌanan a unikaman ñuinanën rëkuë́n tuákama ñumiti ꞌain, ꞌëx kana Dios a ꞌain. ꞌImainun kana Egiptonu ꞌikë unikaman rabikë dios ꞌatima oti ꞌain. ꞌËx mitsun ꞌIbu ꞌaish kana ësai kin.

Éxodo 14:18

Usakin ꞌën kushi ismikin ꞌapu faraón kamabi aín suntáru ꞌimainun aín caballonën nikinkë anúan ꞌakanankë a kamakëñunbi ꞌakë ꞌain ka egipcio unibunën ꞌëx kana asérabi Israel unibunën ꞌIbu ꞌai kixun ꞌunánti ꞌikën.

Éxodo 15:3

Nukën ꞌIbu ax ka ꞌakanankë unisamaira ꞌikën, ¡usa ꞌaish ka Nukën ꞌIbu ax ain anëira ꞌikën!

Éxodo 17:1

Anu uni ꞌikëma me Sin kakë anu pain bëbax ꞌibaëxanx, ka kamabi Israel unikamax achúshi nëtën uiti ꞌura kuanun kara Nukën ꞌIbun kaia ꞌati ꞌurabi kuani ꞌikiani kuankëxa. Kuani ka Refidim kakë me anu bëbakankëxa, bëbanbi ka atun xëati ꞌumpax anu ꞌaíma ꞌain,

Éxodo 20:2

ꞌËx kana min ꞌIbu Dios an, Egipto menuxun tëmërakin ñu mëëiabi mitsu chikían a ꞌain.

Éxodo 3:14

ꞌImainun ka Diosan kakëxa: —ꞌËx kana axa nëtë́timoi tsókë a aín. Usa ꞌain kamina israel unibu kati ꞌain: ꞌËnbi kana atunu mi xuti kixun kamina kati ꞌain.

Éxodo 3:15

Kanan ka ësokinribi Diosan Moisés kakëxa: —Ënëx ka ꞌën anë uínsarabi nëtë́tima a ꞌikën, ënëx ka ꞌën anë uínsaran nëtënbi xënibua ꞌaínbi këñutima a ꞌikën. ꞌËx kana mitsun chaitiokëkama Abraham, Isaac, Jacob, akaman Dios a ꞌain, an ka mitsu kanun ꞌë xuaxa. ꞌËn anë ënëx ka këñutima a ꞌikën; ënëx ka ꞌën anë axa xënibua ꞌaínbi nëtë́tima a ꞌikën.

Éxodo 6:29

kakëxa: —ꞌËx kana min ꞌIbu ꞌain. Usa ꞌain kamina Egiptonu ꞌikë ꞌapu faraón, ꞌën mi kakë kamabi banakama ñuikin kati ꞌain.

Éxodo 6:6

Usa ꞌain kamina Israel unibu anu kuanxun kai kuanti ꞌain, ꞌëx min ꞌIbu ꞌixun kana tëmëramikian ñu mëëkë anua chikínti ꞌain. Usa ꞌain kana ꞌaisamaira egipcio unibunën ñu mëëmikin tëmëramikë anua chikínti ꞌain; ꞌimainun kana ꞌën kushi atu ismikin ꞌëx upí ꞌixun mitsu ꞌakësamaira okin atu tëmëramiti ꞌain;

Éxodo 6:8

Usa ꞌain kana a me ꞌinánuxun ꞌën Abraham, Isaac ꞌimainun Jacob akama ká me mitsunanbi ꞌinun ꞌinánti ꞌain. ꞌËx kana mitsun ꞌIbu ꞌain.

Isaías 42:8

ꞌËx kana min ꞌIbu a ꞌain, usakin anëkë kana ꞌëx ꞌain, usa ꞌixun kana uinu ꞌikë bëtsi dioskama ꞌë ꞌakësaribi okin rabinun ꞌamitima ꞌain, ꞌë rabikinma bëtsi dioskama rabinun mitsu ꞌamitima ꞌain.

Isaías 43:11

ꞌËx ishi kana Nukën ꞌIbu a ꞌain; ꞌimainun ka ꞌësaribi axa ië́mianankë ꞌaíma ꞌikën.”

Isaías 43:15

ꞌËx kana Nukën ꞌIbu an Israel unikama unio a ꞌain, ꞌianan kana Dios ꞌupíira, mitsun ꞌapu ꞌain kiax ka kiakëxa.

Isaías 44:6

Ësai ka Nukën ꞌIbu, Israel unikama ꞌapu an atu biti, kamabi kushiñu ax kiaxa: “ꞌËx irapain kana ñu ꞌaíma ꞌain ꞌiakën, usa ꞌaish kana kamabi ñu këñúkëbëbi anubi ꞌiti ꞌain; usa ꞌain ka bëtsi dioskama ax ësaribi asérabi ꞌiti ꞌaíma ꞌikën.

Jeremías 9:24

Usa ꞌain ka uikamax kara rabiakatia, abi rabiakatima ꞌëmi sinani ꞌën kakësabiokin ꞌakë ax ka Dios an ꞌën ꞌunánmikë ꞌikë kixun sinánti ꞌikën, usa ꞌain ka ꞌën ënë menu upíokin ñu ꞌakëbëtan an ka uni nuibatia kixun unin ꞌunánti ꞌikën, usa ꞌain ka unínribi upíoki ñu ꞌati ꞌikën. Ësai ka Nukën ꞌIbu asérabi kiakëxa.

Malaquías 3:6

“ꞌËx kana Dios ꞌain. Usa ꞌaish kana uisaibi i bëtsiorakatima ꞌëx ꞌiásabi ꞌain. Usa ꞌixun kana ꞌën ká banakama manukima Jacobnën rëbúnki Israel unikama ꞌikë mitsu masókëma ꞌain.