Éxodo 6:13 - Kashibo-Kakataibo Biblia

¹³ Ësokin katankëxun ka Nukën ꞌIbun Moisés ꞌimainun Aarón israel unibu kanan, faraón katabakin katánun kixun xuakëxa, Diosan ka asérabi un kaxa nun kananuna israel unibu egipcio me ënua chikínti ꞌai kixun.

Éxodo 6:13 Iomraidhean Croise

Salmos 91:11

an ka aín ángelkama uinu karamina kuani anuabi mi bërúanun xuti ꞌikën.

Éxodo 6:12

ꞌAínbi ka Moisésnën Nukën ꞌIbu katëkëankëxa: —Uisaxunbi ka israel unibunën ꞌën kakëxun ꞌën bana kuaisamatania; ¿uisaxun kara ꞌën kakëxun faraónën kuati ꞌikën, ꞌëx upitira banakë unima ꞌain ꞌën bana kuati ꞌik?

Números 27:19

Nankin anëtankëxun kamina sacerdote Eleazar anu unikaman ismainunbi uantankëxun, aín ñu mëëti ꞌanun kamabi unin ismainunbi ꞌinánti ꞌain;

Números 27:23

Unamikin ka axa ꞌapu ꞌinun aín maxkánu mëkën nankin Nukën ꞌIbun Moisés kásabiokin ꞌakëxa.

Mateo 4:6

Buánrutancëxun ca cacëxa: —Diosan bana cuënëo ca ësai quia: An ca aín ángelcama mi bërúanmia. Bërúancëxmi maxáxmi tachacaxma ꞌinun ca aín mëcënan biquin mi bacáruti ꞌicën. Usa ꞌain ca mix asérabi Diosan Bëchicë ꞌaish ënuax nuánquianx menu nipacëtan.

Deuteronomio 31:14

Katankëxun ka Nukën ꞌIbun Moisés ësokinribi katëkëankëxa: Ka kuat, anun mi ñuti nëtë ka ꞌurama kuatsinia; usa ꞌain kamina Josué kuënbiani mi rabëtaxbi xubusa okin ꞌakë chukúma anuax ꞌëbë mërananti anu kuanti ꞌain, ꞌën usai ꞌiti banakama mi ñuixunun. Usakian kakëx ka Moisés ꞌimainun Josué xubusa okin ꞌakë anu kuankëxa,

1 Timoteo 1:18

Timoteo, ꞌën bëchicësa ꞌicë, cana mi cain, Nucën Papa Diosan sinánmicëx ca aín unicama mi ñui quiacëxa, —Timoteonëx upí ꞌixun ca Nucën Papa Diosan bana unicama ñuixunti ꞌicën. Mi ñuia usai quicë unicaman bana sinánquin camina ami catamëquin, Jesucristo cuëëncëma ñu ꞌaquinma ꞌaisama ñu ꞌati sinánquinbi tënëquin upí ñuishi ꞌati ꞌain.

1 Timoteo 5:21

Nucën Papa Dios ꞌimainun Nucën ꞌIbu Jesucristo ꞌimainun aín ángel upícamanribia ismainun cana ësaquin ꞌanun mi cain: Min aintsi ꞌibu ꞌimainun uisa uni cara, anbia axa Jesucristomi catamëcë unicaman cushi ꞌixunbi ñu ꞌaisama ꞌaia camina axa Jesucristomi catamëcë unicama timë́cënuxun sinanamiquin cati ꞌain, ꞌën mi cacësabi oquin.

1 Timoteo 6:13

Nucën Papa Dios, an camabi ñu unio, a ꞌimainun Jesucristo, Poncio Pilatonën ñucácëxun chiquinaquin —ꞌApu ꞌinux cana uacë —quixun cá, ax cuëëncësabi oquin cana mi cain,

1 Timoteo 6:17

Axa Jesucristomi catamëcë uni, ꞌitsa curíquiñu ꞌimainun ꞌitsa ñuñu ꞌicë camina ësaquin cati ꞌain: Curíquiñu ꞌixun camina —ꞌëx cana ñuñuira ꞌaish bëtsi unisama ꞌai —quixun sinántima ꞌain. Curíqui ꞌimainun ñucamaxribi ca nëtë́ti ꞌicën. Usa ꞌain camina min curíquimi catamëquin —uínbi ca ꞌë uisoima, añu ñu carana ꞌaisa tani a cana ꞌati ꞌai —quixun sinántima ꞌain. Usaquin sinánquinma camina Nucën Papa Dios an bamatimoi tsócë ꞌixun, anun nux chuámarua bucunun camabi ñu nu ꞌináncë, amishi catamëti ꞌain.

2 Timoteo 2:4

Suntárunën ca suntáruma unicamabëtan ñu mëëquinma atun ꞌati ñuishi ꞌaia. Usa ꞌixun ca aín comandante cuëënminuxun añu ꞌanun cara caia a ꞌatishi ꞌixun cainia. Usaribi oquin camina min ꞌIbu, Jesucristo, ax cuëëncësa oquinshi ꞌati ꞌain.

2 Timoteo 4:1

Nucën Papa Dios ꞌimainun Nucën ꞌIbu Jesucristo, ax ꞌApuira ꞌaish uxuan uni bamacëmacama ꞌimainun uni bamacëcamaribi, uisa cara oti ꞌicë quixun isti, an cuamainun cana mi cain,