Éxodo 5:9 - Kashibo-Kakataibo Biblia

⁹ Usa ꞌain kamina a unikama mitsun ꞌakësamaira okin bërí tëmëramikin ñu mëëmiti ꞌain; usokin ꞌakëxun ka ñu mëëkin uisa bana kara kuatia abi asérabi ka a bana ꞌikë kixun sinántima ꞌikën.

Éxodo 5:9 Iomraidhean Croise

2 Reyes 18:20

¿Min kaina upiti banakë ax isa ꞌakánanti ꞌunairakë usaribi ꞌikë kixun sinanin? ¿Uimi kaina ꞌën kakëxunbi ꞌaisama tankë ꞌaish katamëti ꞌain?

Éxodo 5:10

Ësokian ꞌapu faraónën kakëx ka an ñu mëia bërúankë unikama ꞌimainun aín kushikama, ax unikama kai kuankëxa: —Kuanxun ka kakëxa, ꞌapu faraónën ka bërí ladrillo ꞌati basi mitsu ꞌinanxuma ꞌanun nu kaxa.

Éxodo 5:8

ꞌAínbi kamina atun ꞌakësabi okían uiti ꞌitsa kara ꞌaia, ati ꞌitsabi bërí ꞌanun atu ꞌamiti ꞌain. Achúshi ladrillorabi ka sënëmamitima ꞌikën, a unikamax ka chikish ꞌikën, usa ꞌaish ka atux munuma banai kuënishi kia: Nukën ꞌIbu Dios rabikin ñuina rëxun xaroxuni kuantanun kamina nu xuti ꞌain kiax ka kikania.

Malaquías 3:14

Ësai kamina mitsux kian: Diosan ñu mëëti ꞌakë ax ka ñankáishibi ꞌakë ꞌikën. ¿Añu karanuna aín bana kikësokin ꞌanan Dios kamabi kushiñu an isnun kixun uni ñukë ꞌain ꞌakësa okin chupa pañuax nikin a ꞌinánti biti ꞌain?

Efesios 5:6

Uni raírinëan —ñu ꞌatima ꞌacë ꞌaíshbi camina Nucën Papa Diosan nëtënu ꞌiti ꞌai —quixun cacëxunbi camina mitsun, —cëmëi ca quia —quixun sinánti ꞌain. An aín bana cuaisama tanquin usa ñu ꞌacë unicama a ca ami nishquin Nucën Papa Diosan castícanti ꞌicën.