Éxodo 5:23 - Kashibo-Kakataibo Biblia

²³ ꞌËn kana anu uxun mi ñuikin ꞌë mi kakë banakama faraón ñuixuan, usa ꞌaínbi ka an bëríbi min unikama ꞌatima oti ënkëma ꞌikën, usa ꞌaínbi kamina min atu ꞌiëminuxun uisa ñubi ꞌaxunkëma ꞌain.

Éxodo 5:23 Iomraidhean Croise

Salmos 118:26

¡Axa Nukën ꞌIbun anën ukë ax ka chuámarua ꞌiti ꞌikën! Usa ꞌain kananuna nun anuxun Dios rabiti xubu anuxunribi mitsu upíokin sinánxunti ꞌain.

Éxodo 3:8

Usa ꞌain kana ꞌënbi a isi ubuan, egipcio unikaman ꞌaisamaira okin tëmëramia kana chikinuxun ꞌain. Ënë menua chikínbiankin kana atu me chaiira ꞌimainun upíira anua ꞌaisamaira ñuina xuma ꞌianan a piti ꞌitsaira ꞌimainun buna rëpa ꞌumpax iskësaira ꞌikë anu buánti aín. A mex ka anua cananeobë, hititas, amorreos, ferezeos, heveos ꞌimainun jebuseos unikama ꞌikë anu kana buánti ꞌain.

Éxodo 6:1

Usai kia ka Nukën ꞌIbun Moisés kakëxa: —Bërí kamina uisakin karana ꞌapu faraónën kuëënkimabi ꞌën kushinbi ꞌamikëxun mitsu xunun ꞌami isti ꞌain, usa ꞌaínbi kana anbia mitsu aín menua xunun sinánmiti ꞌain; usa ꞌain ka, anbi mitsu ënuax kamina kuanti ꞌain kixun kati ꞌikën.

Isaías 28:16

Usa ꞌain ka ësai Nun ꞌIbu kiaxa: ꞌËn kana Sión kakë ëmanu achúi maxax nanti ꞌain, ax ka achúshi maxax kupíirakë ꞌikën, ax ka achúshi maxax ami birukin xubu ꞌati nankë usaribi ꞌiti ꞌikën. Usa ꞌain ka uix kara ami katamëtia ax chuámarua tsóti ꞌikën.

Juan 5:43

ꞌËx ꞌën Papan xucëx uá ꞌicëbi camina mitsun ꞌën bana cuaisama tanin. Usa ꞌixunbi camina Nucën Papa Diosan xucëxmabia axbi ucë unin bana cuati ꞌain.