Éxodo 5:22 - Kashibo-Kakataibo Biblia

²² Usa ꞌain ka Moisésnën Nukën ꞌIbu abë banakin kakëxa: —ꞌËn ꞌIbu, ¿Uisa kupín kaina min unikama ꞌatima oin? ¿Uisoti kaina min atunu ꞌë xuan?

Éxodo 5:22 Iomraidhean Croise

1 Reyes 19:10

Ësokia kakëxun kuankin ka Elíasnën kakëxa: ꞌËx kana minun rabanan ꞌitsaira bamatisa ꞌinun tëmërain mixmi Dios kamabi kushiñuira ꞌaínbi, Israel unikaman ka atumi manuxuma ꞌanun ka usakin ñu ꞌati ëanxa, ꞌimainun ka anuxun mi rabikin ñuina xaroti akamaribi masóxa, usakin ꞌanan ka an min bana ñuikë unikamaribi atun manë xëtokën ꞌakin këñúaxa. Usa ꞌain kana ꞌëratsushi bërúan, usakin atu ꞌaxunbi ka ꞌëribi ꞌakatsikixun barikania.

1 Reyes 19:4

Usakin anu ëbiani ka anu uni ꞌikëma me anu aratsushi kuankëxa, kuani ka achúshi nëtën nikiani kuanbaiti i pëñanakëkë achúshi nikë a tëmú tantiakëxa. Anu tanti tsóxun sinani ka abi bamatisa tani, kiakëxa: “¡Dios ꞌën kana ënë ñuira tënëiman!” ¡Usa ꞌain kamina ꞌë bamamiti ꞌain, ꞌëx kana ꞌën chaitiokëkama ꞌiasaribiti uni upíma ꞌain!

Salmos 73:25

¿Uix kara naínu an ꞌë ꞌakinkë a ꞌik? ¡Mixëshi kamina a ꞌain! ꞌËx mibë ꞌixun kana añu ñubi ënë menu ꞌixun kuëëniman.

Éxodo 17:4

Usakian kakëxun ka Moisésnën ꞌakinun kixun Nukën ꞌIbu ñukákin kakëxa: —¿Añu karana ꞌën ënë unikamabëtan ꞌati ꞌain? Atun ꞌë maxaxan ꞌakin rëkanti ka ꞌuramara ꞌikën, kixun ka Moisésnën kakëxa.

Jeremías 20:7

ꞌËn ꞌIbu, min kamina ꞌë paránkën, usa ꞌikëbi kana minmi ꞌë paránun ꞌamian; usa ꞌikëbi kamina mix ꞌën kushisama ꞌixun ꞌë isin. Kamabi hora ka unikaman ꞌë ꞌusani ꞌëmi kuaikania.

Habacuc 2:3

Kamina kuënëoti ꞌain, anúan ꞌiti nëtë ka ꞌikëmapan ꞌikën, usa ꞌaínbi kana anúan ꞌiti nëtë ꞌikëbëtan mi ismiti ꞌain; ꞌaínbi kana ꞌëx kikësa okinbi ꞌati ꞌain. Usa ꞌain kamina min basikëbëtanbi uisaran kara a ñukama ꞌia kaínti ꞌain. Usa ꞌain ka anúan ꞌiti nëtë aka ꞌiti ꞌikën.

Números 11:11

kuëënkima ka Nukën ꞌIbu kakëxa: —¿Uisoti kaina ꞌëx min uni ꞌikëbi ꞌë ꞌatima oin? ¿Uisa kaina min ënë unikaman ꞌapu ꞌimixunbi ꞌë oisatanin?