Éxodo 5:21 - Kashibo-Kakataibo Biblia

²¹ mërakin ka atun kakëxa: —Nukën ꞌIbun ka nukamami ꞌakësaribi okin mi ꞌatima oti ꞌikën. Mi rabëtan ꞌucha kupín ka faraón ꞌimainun ꞌain unikama xuamati numi nishkin nukama ꞌaisatania. Mitsúnbi kamina usakian nu ꞌanunbi anu kuanxun faraón kan, usa ꞌain ka atun usakin nu ꞌaia.

Éxodo 5:21 Iomraidhean Croise

Génesis 16:5

Usai ami nishia ꞌunánkin ka Sarainën aín bënë Abram kakëxa: —¡Min ꞌucha kupí ka Agarnën ꞌë ꞌatima okin isia! ꞌËnbi kana min xanua ꞌinun mi ꞌinan, usa ꞌaínbi ka bërí achúshi tuáñu ꞌikuani ꞌësamaira ꞌisatania. Usa ꞌain ka Nukën ꞌIbux kiti ꞌikën uix kara ꞌuchaxa kixun nu kati ꞌikën.

Génesis 31:53

Usokin kakëx ka min xuta Abraham ꞌimainun ꞌën xutókë Nahor aín Dios an nu uisakara nu rabë́ oti ꞌikën kiti ꞌikën. Usokin kakëxun ka Jacobnën Nukën ꞌIbu Dios aín papa Isaacnën rabia an ismainun sinanatëkëntima oi kikin rabiakëxa.

Génesis 34:30

Usokin ꞌabiani kuania ka aín papa Jacobnën Simeón ꞌimainun Leví kakëxa: —Mitsun mi usa ñu ꞌakë kupín kana ꞌëx ꞌaisama bërútin. Bërí ka ënë menu tsókë unikamax ꞌëmi nishti ꞌikën, ax ka cananeo ꞌimainun ferezeos unikamax timë́ax kananxun nu ꞌakánti ꞌikën, nux kananuna ꞌitsamashi nun aintsikamabëbi ꞌain.

Éxodo 14:11

Ñukákin ka Moisésribi ësokin kakëxa: —¿Uisati karamina anuaxbi bamanuma Egipto menua nu chikínbëtsinkin anu uni ꞌikëma me ënuax bamanun nu bëan? ¿Añu kupín kaina nu ësokin ꞌan? ¿Uisa kupín kaina nu Egipto menua chikían?

Éxodo 15:24

Usa ꞌain ka Israel unibunëx ñukákanani Moisésmi ꞌatimati banai tsuákirui kanankëxa: ¿Añu ꞌumpax karanuna xëati ꞌain?

Éxodo 16:2

Usa ꞌain ka anu uni ꞌikëma menuax Israel unibu Moiséskëñun Aarón kuami kikankëxa.

Éxodo 4:31

ꞌAia iskin ka Israel unikaman asérabi ka kixun sinánkëxa. Sinánkin ka Nukën ꞌIbun ka nux ꞌaisamairai tëmëraia isaxa kixun sinánkankëxa, sinani ka aín bëmánanën memi bëtiki tsóbukin Dios rabikankëxa.

Éxodo 5:20

Usakin ꞌapu faraónën kakëx chikikinbi ka Israel unibunën kushikaman Moisés ꞌimainun Aarón ëmanxuan kainkëxun mërakëxa,

Éxodo 6:9

Ësokian kakëxun ka Moisésnën usakian Diosan kakë banakama israel unikama ñuixuankëxa, ñuixunkëxunbi ka ꞌaisamaira ñu mëi atsanxun aín bana kuaisama tankankëxa.

Isaías 30:6

Bërí kana ñuinakama Négueb menu ꞌikë akama ñui kin: a mex ꞌatimaira ꞌain ka anu paru ꞌinúankama axa kuëëkë, ꞌimainun runukama ꞌianan kapë́sa ñuina taëñu axa nuánkë akama ꞌikën. Burro ꞌimainun camello kaxunu puruxun ka ñu kupíkë Egipto me anua upa unikama ꞌikë anu buánti ꞌikën,

Joel 2:20

Usa ꞌain kana aín tsipumiaxa champu ꞌitsa ukësa kuatsini mitsunu ukë suntárukama anu uni ꞌikëma menua kuantanun xuti ꞌain. Usokin ꞌakin kana anpan rëkuë́n kuatsinkëkama a parúmpapa bamakë kakë anua bakamikinun ꞌimiti ꞌain, ꞌimianan kana axa tsiankuatsini ukë akamaribi parúmpapa mediterráneo kakë anu këñunun ꞌimiti ꞌain, usokin ꞌakëx ka aín namikama chë́ki pisiti ꞌikën. ¡ꞌËn kana unin iskëma ñu chaiirabu usokin ꞌati ꞌain!”

Números 14:22

ui unikaman kara Egipto menuxun ꞌën kushin bëtsi unin akëma ñu ꞌaia isanan anu uni ꞌikëma menuxunribi ꞌaia iskinbi, anu uni ꞌikëma menuxun kakëxunbi ꞌën bana kuakëma ꞌikën,

Números 14:3

¿Uisati kara Nukën ꞌIbun ënë menu nu bëax? ¿Nuxnu ꞌakanani bamakëbëtan kara nun xanukama ꞌimainun nun bëchikëkama nu ꞌatankëxun bëtsi unikaman biti ꞌik? ¡Usa ꞌain sapi kananuna Egipto menubi kuantëkënti ꞌain!”

1 Samuel 13:4

Usa ꞌain ka Saúlnën bakë bëchikë Jonatán an filisteo suntárukama usakin këñukin ꞌakë a kamabi israel unikaman kuakëxa, usakin ꞌan ka filisteokamax israel unikama istisama tani ami nishakëxa, usa ꞌain ka israel suntárukama Guilgal kakë anu Saúlbë timë́akëxa.