Éxodo 5:19 - Kashibo-Kakataibo Biblia

¹⁹ Usakian kakëxun ka Israel an ñu mëëmikë aín kushikaman tëiira iskin sinánkëxa: Uisaxun karanuna ladrillo ꞌitsamashi ꞌanun kakima bërámanu ꞌakë ꞌati ꞌitsabi achúshi nëtën ꞌanun kakëxun ꞌati ꞌai kixun.

Éxodo 5:19 Iomraidhean Croise

Éxodo 5:18

¡Kamina mitsun tëtinubi rikianti ꞌain! Bërí kananuna mitsu basi ꞌinániman, usa ꞌaínbi kamina bërámami ꞌinankësa ati ꞌitsabi ladrillo ꞌaxun ꞌinánti ꞌain kixun ka kakëxa.

Éxodo 5:20

Usakin ꞌapu faraónën kakëx chikikinbi ka Israel unibunën kushikaman Moisés ꞌimainun Aarón ëmanxuan kainkëxun mërakëxa,

Éxodo 5:8

ꞌAínbi kamina atun ꞌakësabi okían uiti ꞌitsa kara ꞌaia, ati ꞌitsabi bërí ꞌanun atu ꞌamiti ꞌain. Achúshi ladrillorabi ka sënëmamitima ꞌikën, a unikamax ka chikish ꞌikën, usa ꞌaish ka atux munuma banai kuënishi kia: Nukën ꞌIbu Dios rabikin ñuina rëxun xaroxuni kuantanun kamina nu xuti ꞌain kiax ka kikania.

Deuteronomio 32:36

Usai ka Nukën ꞌIbu an kaisa unikama bëtsi bëtsi okin ñu mëëmikëxa kushiñumasa ꞌia iskin ꞌakinti ꞌikën; usakin ka Nukën ꞌIbun uniñumasa ꞌinua atubë ꞌikë unikama ꞌimainun aín kushibu akama nëtë́ti ꞌaisamai ꞌiabi atu ꞌakinti ꞌikën.