Éxodo 5:10 - Kashibo-Kakataibo Biblia

¹⁰ Ësokian ꞌapu faraónën kakëx ka an ñu mëia bërúankë unikama ꞌimainun aín kushikama, ax unikama kai kuankëxa: —Kuanxun ka kakëxa, ꞌapu faraónën ka bërí ladrillo ꞌati basi mitsu ꞌinanxuma ꞌanun nu kaxa.

Éxodo 5:10 Iomraidhean Croise

Éxodo 1:11

Usakin sinánxun ka Egiptonu ꞌikë ꞌapun an ñu mëëia bërúanxun israel unikama timëti uni anëakëxa, anëkëxun ka a unikaman ꞌaisamaira okin ñu mëëmiakëxa. Usakin ñu mëëmikin ka Pitón ꞌimainun Ramsés kakë ëma aribia ꞌanun ꞌamiakëxa, ax ka anua Egiptonu ꞌikë ꞌapun, anu piti bukúnti ꞌamikë ꞌiakëxa.

Éxodo 3:7

ꞌaínbi ka Nukën ꞌIbun: —Asérabi kana ꞌën unikama Egipto menuax tëmëraia isan. ꞌËn kana an bërúanxun ñu mëëmikë unikama ꞌucha kupían tëmëraia kuan, ꞌimainun kana asérabi ꞌën upíokin uisai kara atux tëmëraia kixun ꞌunan.

Éxodo 5:11

Usa ꞌain kamina bërí kuantankëxun mitsúnbi uinua kaina mërai anua basi biti ꞌain. ꞌAínbi kamina mitsun ꞌakësabi okin uiti ꞌitsa karamina atu ꞌaxun ꞌinanin ati ꞌitsa ladrillobi ꞌaxun achúshirabi sënëmamikinma ꞌinánti ꞌain.

Éxodo 5:6

A nëtënbi ka faraónën an bërúanxun unikama ñu mëëmikë ꞌimainun, an ñu mëia bërúankë aín ꞌapukama ësokin kakëxa:

Éxodo 5:9

Usa ꞌain kamina a unikama mitsun ꞌakësamaira okin bërí tëmëramikin ñu mëëmiti ꞌain; usokin ꞌakëxun ka ñu mëëkin uisa bana kara kuatia abi asérabi ka a bana ꞌikë kixun sinántima ꞌikën.

Isaías 30:6

Bërí kana ñuinakama Négueb menu ꞌikë akama ñui kin: a mex ꞌatimaira ꞌain ka anu paru ꞌinúankama axa kuëëkë, ꞌimainun runukama ꞌianan kapë́sa ñuina taëñu axa nuánkë akama ꞌikën. Burro ꞌimainun camello kaxunu puruxun ka ñu kupíkë Egipto me anua upa unikama ꞌikë anu buánti ꞌikën,