Éxodo 5:1 - Kashibo-Kakataibo Biblia

¹ Usakin unikama katankëx ka Moisés ꞌimainun Aarón, ꞌapu faraónbë banai kuankëxa: —Kuanxun ka ësai ka Israel unikaman Dios kiaxa kixun kakëxa: ꞌËn unikama kamina anu uni ꞌikëma menu kuanxuan achúshi fiesta ꞌakin ꞌë rabitanun xuti ꞌai kixun mi kanun ka ꞌë kaxa kixun kakëxa.

Éxodo 5:1 Iomraidhean Croise

1 Reyes 21:20

Usokin katanua kakëx ka Elías kuankëxa. Kuanxun ka anua uvas ꞌapákë naë anua mërakëxun ami Ahabnën Elías nishkin kakëxa: —¿Mix ꞌëbë nishanankë uni ꞌaíshbi kaina ꞌë baribëtsini uax ꞌëbë mëranan? Kakëxun ka Elíasnën kakëxa: —Mibë bananuxun mi bari kana uan, min kamina Diosan upí iskëma ñuishi ꞌain.

Éxodo 10:3

Usa ꞌain ka Moisés ꞌimainun Aarónën anu kuanxun ꞌapu faraón kakëxa: —Ësai ka hebreos unikaman Dios kiaxa: ¿Uínsaran kaina ꞌëx kana Diosmi rakuë́timami kikë a ëni ꞌëmi rakuë́ti ꞌain? ꞌËn unikama kamina, ꞌë rabi kuantanun xuti ꞌain;

Éxodo 10:4

minmi ꞌën kakëxunbi ꞌën unibu xukëbëtama kana, imë́ishibi kamabi min me tsitsiruia champu uninun ꞌimiti ꞌain,

Éxodo 10:9

Ësokian kakëxunbi ka Moisésnën kakëxa: —Nu kamáxbi kananuna nun Dios rabi kuanti ꞌain. Kuankin kananuna uni apan ꞌimainun bënábu kamabi ënkinma nun bëchikë xanu nukëbënë ꞌimainun nun ꞌarakakë ñuina kamabi buani kuaxun kananuna achúshi fiesta chaiira ꞌakin Nun ꞌIbu rabi kuanti ꞌain.

Éxodo 3:18

Uni apan kaman ka min kakëxun kuati ꞌikën; usa ꞌain kamina atubë mix Egiptonu ꞌikë ꞌapu a isi kuanti ꞌain, iskin kamina kati ꞌain: Nukën ꞌIbu hebreos unikaman Dios, an ka ꞌëmi chikirakëkin ꞌë kaxa. Usa ꞌain kamina, nu anu uni ꞌikëma menu kuantanun xuti ꞌain, rabë́ ꞌimainun achúshi nëtë ꞌikiani kuantankëxun, ñuina xaroxunkin Nukën ꞌIbu Dios rabitanun kamina nu xuti aín.

Éxodo 33:13

Min nu ꞌakinsa tankin kamina añu ꞌati kaina kuëëni ꞌë asérabi kati ꞌain, usakinmi kakëxun kana ꞌënribi mi nuibati ꞌain. ꞌImainun kamina ënë unikamax ka min unibu ꞌikë kixun sinánti ꞌain.

Éxodo 4:23

ꞌËn kana ꞌën unikamami ꞌë rabia kuantanun xunun mi kan; ꞌaínbi kamina min kuantanun atu xukëma ꞌain, usa ꞌain kana ꞌën min rëkuë́n bëchikë bamamiti ꞌain.

Éxodo 6:11

—Anu kuanxun kamina Egiptonu ꞌikë ꞌapu faraón Israel unikama kuantanun xunun kai kuanti ꞌain.

Éxodo 7:16

Anuxun kamina faraón mërakin ësakin kati ꞌain: hebreo unibunën ꞌIbu ꞌianan aín Dios an ka ësakin min kanun ꞌë kaxa: ꞌËn unikama kamina anu uni ꞌikëma menu kuantankëxuan ꞌë rabitanun xuti ꞌain. ꞌAínbi kamina bëríbi min an kikësokin ꞌaisama tanin.

Éxodo 7:2

Min kamina min xukë́n Aarón ꞌën mi kakësokinbi kati ꞌain; usakinmi kakëxuan an kakëxun ka faraónën Israel unikama ꞌain menuaxa chikitanun kati ꞌikën.

Éxodo 8:1

Nukën ꞌIbun ka Moisés kakëxa: —Anu kuanxun kamina ꞌapu faraón kai kuanti ꞌain: Ësai ka Nukën ꞌIbu kiaxa: ꞌËn unikama kamina ꞌë rabia kuantanun xuti ꞌain.

Éxodo 8:16

Usa ꞌain ka Nukën ꞌIbun Moisés kakëxa: —Aarón kamina kati ꞌain, aín tsatian me kupúkë nirutanun rishkinun usakian ꞌakëbë ka anuax ꞌaisamaira sëbë Egipto menu uniti ꞌikën.

Éxodo 8:17

Usakin ka ꞌakëxa. ꞌAkin ka Aarónën aín tsatin me kupúkë rishkiakëxa, usokin ꞌakëx ka kamabi me kupúkë Egipto menu ꞌikë ax sëbë ꞌikin uni ꞌanan ñuinakamaribi piakëxa.

Éxodo 8:20

Ësokin ka Nukën ꞌIbun Moisés kakëxa: —Imë́ishi ka pëkarakëma ꞌaínshi faraón bakanu kuania, usa ꞌain kamina mixribi pëkarakëma ꞌaínshi nirukiani kuanxun kai kuanti: Ësai ka Nukën ꞌIbu kiaxa: ꞌËn unibu kamina ꞌë rabia kuantanun xuti aín.

Éxodo 8:27

Usa aín kananuna anu uni ꞌikëma menu rabë́ ꞌimainun achúshi nëtë ꞌikiani kuanti aín, usai anu kuantankëxun kananuna ñuina ꞌatankëxun xarokin nun ꞌIbu Dios, an nu usakin ꞌanun kakësabiokin ꞌai kuanti ꞌain.

Éxodo 9:1

Usa ꞌain kamina faraón isi kuanti ꞌain kixun ka Nukën ꞌIbun Moisés kakëxa: —Kuanxun kamina faraón abë banakin ësokin kai kuanti ꞌain: Ësai ka hebreo banan banakë unikama aín Dios kiaxa: ꞌËn unibu kamina ꞌë rabi kuantanun xuti ꞌain.

Éxodo 9:2

Min kuantanun ënkinma, amiribishi bëruntëkënkëbëtan, ka

Ezequiel 2:6

Mix unin bëchikë ꞌaish kamina atumi rakuë́tima ꞌain, ꞌianan kamina uisakin kara mi kaia usakin kakëx atun banami rakuë́tima, ꞌianan i muxañunën bëarabuinkësa tanan nibantakamanu ꞌikësa tanibi rakuë́tima ꞌain. Usa ꞌain kamina uisakin kara mi kaia kakëxi atun banami rakuë́tima ꞌain, ꞌianan kamina bana kuakëmaira ꞌixun ꞌain bëmánan nishkë okëbëbi atumi ratutima ꞌain.

Mateo 10:18

ꞌËn bana uni ñuixuncë cupí ca unin mitsumi nishquin judíosma unibunën ꞌapunu mitsu buánti ꞌicën, ami mitsu ñui manánuxun. Usocëxunbi camina a ꞌapucama ꞌimainun judíosma uniburibi ꞌën mitsu ꞌunánmicë banacama ñuixunti ꞌain.

Mateo 10:28

An uni bëtsi bëtsi oquin bamamicë unicamami camina racuë́tima ꞌain. Usoquin ꞌaquinbi ca unin bëru ñunshin bamamitima ꞌicën. Usa ꞌain camina usa unimi racuëtima Nucën Papa Dios, an uni aín cushínbi bamamianan aín bëru ñunshínribi manë tsi anuaxa xënibua ꞌaínbi tëmërati anua ꞌinun ꞌimiti amishi racuë́ti ꞌain.

Hechos 4:29

Usa ꞌain camina a unicamaxa usai numi ꞌësë́nancë a bana min ꞌunánquin, racuë́quinma nun min bana uni ñuixunun nu ꞌaquinti ꞌain.

1 Corintios 5:8

Usa ꞌixun cananuna nun ꞌása oquin ꞌatimaquin sinánquinma upí oquinshi sinánan cëmë ꞌixun uni paránquinma, —nun ꞌucha tërë́ncë ꞌaíshnu Nucën Papa Diosnan ꞌinun ca Cristo bamacëxa —quixun sinánti ꞌain. Usa ꞌixun cananuna ñu ꞌaisama ꞌati sinanima asérabi Cristomishi sinani ax cuëëncësabi oíshi ꞌiti ꞌain.