Éxodo 40:16 - Kashibo-Kakataibo Biblia

¹⁶ Uisakin kara Nukën ꞌIbun kaia usakinbi ka kamabi ñu Moisésnën ꞌakëxa.

Éxodo 40:16 Iomraidhean Croise

Génesis 6:22

Usa ꞌain ka Noénën Diosan kakësabiokin kamabi ñu ꞌakëxa.

Éxodo 7:6

Usakin ka Moisés ꞌimainun Aarónën Nukën ꞌIbun kakësabiokin ꞌakëxa.

Isaías 8:20

kati ꞌikë kixun ñukáti ꞌit?” Ësai ka atux sinanimaishi banati ꞌikën, ꞌaínbi ka axa këmëishi kikë ꞌikën.

Números 9:22

Kuin axa xubusa okin chupa ꞌakë anu nirakëti ꞌitsama nëtë ꞌianan, achúshi ꞌuxë ꞌikatsi ꞌianan achúshi baritia ꞌikatsi nirakëtankëx kuankëbë ka Israel unikama atux pain rëkuë́nkianima anu pain ꞌi bërúakëxa. ꞌAínbi ka kuin axa kuankëbë kuni atúxribi a nuibiani kuankëxa.

Mateo 28:20

Nashimianan camina ꞌën mitsu ñuixuncë banacama ꞌunánmiquin a banacama quicësabi oquin ꞌanun quixun atu ꞌunánmiti ꞌain. Usaquin ꞌaquin camina ꞌunánti ꞌain, ꞌëx cana camabi nëtën usaquin ꞌacë ꞌën unicamabë ꞌain, ꞌëx utëcënti nëtë sënë́ntamainun. Ashi.

1 Corintios 4:2

Uinu ꞌicë unin cara uni ñu mëëxunia an ca —upí oquin ca ñu mëëxunia —quixuan an ñu mëëmicë unin ꞌunánun upí oquin ñu mëëti ꞌicën. Usaribi ca an Nucën Papa Diosan bana ñuixuncë uni ꞌiti ꞌicën.

Deuteronomio 12:32

Usa ꞌain kamina mitsun ꞌën kakë banakama ënëx kikësabiokin ꞌanan; uisaxunbi mëskukin ꞌën nankë banakama nantima ꞌain, kixun ka atu Moisésnën kakëxa.

Deuteronomio 4:1

Bërí kamina Israel unikama mitsun kuati ꞌain, ax kikësaibi ꞌiti bana ꞌën mitsu ꞌunánmikë ami kuanxun ax kikësabiokin ꞌakëbëtan ka a ꞌinánnuxua Diosan nun chaitiokëkama ka a me mitsu ꞌinántankëxun anuax upitax tsónun mitsu ꞌimiti ꞌikën.

Hebreos 3:2

Bëráma ca Jesús ucëma pain ꞌain, Moisésnën nucën raracaman cushi ꞌixun, Nucën Papa Diosan cacësabi oquin upí oquin ñu ꞌacëxa. Usaribi oquin ca Jesusan, aín Papan usaquin ꞌanun caíscë ꞌixun, an cacësabi oquin camabi ñu ꞌacëxa.

Hebreos 3:5

Nucën raracama judíos unibu ꞌain ca Moisés atun cushi ꞌiacëxa. Aín cushi ꞌixun ca Nucën Papa Dios cuëëncësabi oquin upí oquin ñu ꞌacëxa. Uisairai ꞌi cara ainan ꞌiti ꞌicë quixuan judíos unicaman ꞌunánuan atu ñuixunun quixun Nucën Papa Diosan cacësabi oquin ca Moisésnën nucën raracama ꞌitsa ñu ñuixuancëxa.