Éxodo 4:5 - Kashibo-Kakataibo Biblia

⁵ —Ënëx ka a iskian asérabi ka Nukën ꞌIbu mimi chikirakëaxa kixun ꞌunánti ꞌikën, mitsun chaitiokë Abraham, Isaac ꞌimainun Jacob aín Dios ax ka mimi mëraxa kixun ka atun sinánti ꞌikën

Éxodo 4:5 Iomraidhean Croise

Génesis 12:7

A menuax ami mërakin ka Nukën ꞌIbun Abram kakëxa: Ënë me kana min rëbúnkikama ꞌinánti ꞌain. Usakian kakëxun ka Abramnën achúshi anuxun Nukën ꞌIbu asábi ka kixun kati maxax bukunrukin ꞌakëxa, anuaxa ami mërakë kupí.

Génesis 17:1

Usa ꞌain ka Abram axa noventa ꞌimainun nueve baritiañu ꞌikë, Nukën ꞌIbun amiribishi ami mëratëkënkin ësokin kakëxa: —ꞌËx kana min ꞌIbu Dios kamabi kushiñuira a ꞌain, usa ꞌain kamina ꞌëx kuëënkësabi ꞌoíshi tsóanan ꞌëx kikësabiokin kamabi ñu ꞌati ꞌain,

Génesis 18:1

Usa ꞌain ka Nukën ꞌIbu Abrahammi anua Mamré kakë uni aín me ni ꞌikë anuax mërakëxa, mëramainun ka Abraham bari xamaruti ꞌurama ꞌain aín chupa këxtú xubusa okin ꞌakë aín xëkuë rapasu, tsókë ꞌiakëxa.

Génesis 26:2

Anu ꞌikë ꞌain ami chikirakëkin ka Nukën ꞌIbu ësokin kakëxa: “Kamina Egipto menu kuantima ꞌain. Uinu karamina ꞌiti ꞌai ꞌën mi kakë anu kamina ꞌiti ꞌain,

Génesis 28:13

Usakin namákin isanan ka Nukën ꞌIbu a rapasu nixun ësokin kakëxun kuakëxa: ꞌËx kana min ꞌIbu ꞌain, ꞌianan kana min xuta Abraham aín Dios ꞌianan min papa Isaac ainanribi ꞌain. Usa ꞌixun kana mi ꞌimainun min rëbúnkikama anumi ꞌuxi rakákë me ënë ꞌinánti ꞌain.

Génesis 48:15

Usa ꞌain ka ain bëchikë José a ësokin upíokin sinánxunkin kakëxa: “Nukën ꞌIbu Dios an kakësabi okían ꞌën xuta Abraham ꞌimainun ꞌën papa Isaacnën Dios an ka a nëtë́an ꞌën titan tuaia ꞌë bërúan ꞌixun bëríbi uinu karana kuani anuabi ꞌë bërúaia,

Génesis 48:3

Usai ꞌikin ka aín bëchikë José anu bëbakë kakëxa: —Nukën ꞌIbu Dios kushiira kushi axa tirí kakë ëma Canaán me anuax ꞌëmi mërakin upíokin sinánxunkin,

1 Reyes 18:36

Usakin ꞌakin kamabi mëníokë ꞌain ka anun ñuina xaroti hora ꞌikëbë an Dios kikë bana uni ñuixunkë Elías, anuxun ñuina xaroti ꞌurama ai munuma banai ësai kiakëxa: “¡ꞌËn ꞌIbu Dios Abraham, Isaac ꞌimainun Israelnën Dios kamina mix ꞌain: usa ꞌixun kamina bërí unikaman mix kamina Israel unikaman Dios ꞌai kixun unánun, ꞌëx min uni ꞌixun mi ñukákë usokinbi ꞌati ꞌain, min kamina ësokin ënëkama ꞌanu ꞌë kan!

Éxodo 19:9

kuankë ka Nukën ꞌIbun Moisés kakëxa: —Ka kuat, ꞌëx kana kuin këxtuira nëbëtsinuax mimi mërati ꞌain, anuax ꞌëx mibë banaia ꞌën bana kuati ka unikama mibëbi ꞌianan mix kamina asérabi ꞌën uni ꞌai kikanti ꞌikën. Usakian kakëxun ka Moisésnënribi unikama kikë ñuikin Nukën ꞌIbu katëkëankëxa,

Éxodo 3:15

Kanan ka ësokinribi Diosan Moisés kakëxa: —Ënëx ka ꞌën anë uínsarabi nëtë́tima a ꞌikën, ënëx ka ꞌën anë uínsaran nëtënbi xënibua ꞌaínbi këñutima a ꞌikën. ꞌËx kana mitsun chaitiokëkama Abraham, Isaac, Jacob, akaman Dios a ꞌain, an ka mitsu kanun ꞌë xuaxa. ꞌËn anë ënëx ka këñutima a ꞌikën; ënëx ka ꞌën anë axa xënibua ꞌaínbi nëtë́tima a ꞌikën.

Éxodo 3:16

Usa ꞌain kamina bënë́kiani kuantankëxun, Israel uni apankama timëtankëxun kai kuanti ꞌain: Nukën ꞌIbu min chaitiokëkaman Dios, ꞌimainun Abraham, Isaac Jacob akaman Dios an ka ꞌëmi chikirakëkin ësokin ꞌë kaxa, ꞌënbi kana Egiptonu ꞌikë unikaman mitsu ꞌatimaira oia isan kixun ka ꞌë kaxa.

Éxodo 3:18

Uni apan kaman ka min kakëxun kuati ꞌikën; usa ꞌain kamina atubë mix Egiptonu ꞌikë ꞌapu a isi kuanti ꞌain, iskin kamina kati ꞌain: Nukën ꞌIbu hebreos unikaman Dios, an ka ꞌëmi chikirakëkin ꞌë kaxa. Usa ꞌain kamina, nu anu uni ꞌikëma menu kuantanun xuti ꞌain, rabë́ ꞌimainun achúshi nëtë ꞌikiani kuantankëxun, ñuina xaroxunkin Nukën ꞌIbu Dios rabitanun kamina nu xuti aín.

Éxodo 3:4

Sinánbiani kuankian ꞌurama obianiabi ka Nukën ꞌIbun Moisés i pëñanakëkë rëkirukë a mëuxun kuëëankëxa: —¡Moisés! ¡Moisés! —Kakian aín anën kuënkëxun ka ënu kana ꞌai ꞌËn ꞌIbu —kixun Moisésnën kakëxa.

Éxodo 3:6

Kakin ka ësokinribi kakëxa: —ꞌËx kana min chaitiokë aín Dios ꞌain ꞌimainun kana Abraham, Isaac Jacob akaman rabia Dios a ꞌain. Usakian kakëxun kuati ka Moisés aín chupan Dios istisamatani rakuë́ti bëmápuakëxa,

Éxodo 4:1

Atun ka usaka kixun sinanima ꞌianan ka ꞌën kakëxun kuatima ꞌikën —kixun ka Moisésnën kakëxa—. Usai ꞌi ka kiti ꞌikë: mimi ka nukën ꞌIbu chikirakëkëma ꞌikë kiax kiti ꞌikën.

Éxodo 4:31

ꞌAia iskin ka Israel unikaman asérabi ka kixun sinánkëxa. Sinánkin ka Nukën ꞌIbun ka nux ꞌaisamairai tëmëraia isaxa kixun sinánkankëxa, sinani ka aín bëmánanën memi bëtiki tsóbukin Dios rabikankëxa.

Éxodo 4:4

ꞌaínbi ka Nukën ꞌIbun Moisés kakëxa: —Aín inan kamina min mëkënan tuinkin biti ꞌain. Kixun kakëxuan Moisésnën aín inan bikë́xëshi ka runu amiribishi tsati ꞌiakëxa.

Isaías 7:9

mitsúxribi ꞌëmi katamëtima kamina, atux ꞌikësaribiti ëmañuma bërúkanti ꞌain.”

Jeremías 31:3

ꞌëx kana bërámabi ami mërakën. ꞌËn kana nuibairakë ꞌixun atu bëríbi xënibua ꞌaínbi nuibatin, usa ꞌixun kana uisokin karana nuibakë usabi okin mitsu nuibatin.

Juan 11:15

Mitsúnmi ꞌën cushi isti cupí cana ꞌëx anuma ꞌian. Usa ꞌain cana anu ꞌëx ꞌicëma cupí cuëënin. Bërí anu cuanun ca cuan.

Juan 11:42

ꞌËn cana ꞌunanin, min camina camabi nëtën ꞌën cacëxun cuatin. ꞌAínbi cana min camina ꞌë asérabi xuacën quixuan ënë unicaman ꞌunánun, ësaquin mi cain.

Juan 20:27

Atu catancëxun ca Tomásribi cacëxa: —Min mëcën rëbun ca ënu ticat, ꞌën mëcën rabë́ribi ca is. ꞌËn pichánpurunu min mëcën atsínmiquin ca tan. ꞌËx cana ama ꞌai quixun sinánxunma ca ꞌëx cana asérabi Jesús ꞌai quixun sinan.

Juan 20:31

Jesús ax ca asérabi Cristo, Nucën Papa Diosan Bëchicë ꞌicë quixun ꞌunanimi ami catamëti mitsux xënibua ꞌaínbi Nucën Papa Diosnan ꞌinun cana ënë banacama cuënëon.

Juan 5:36

Juanëan ꞌë ñuiquin mitsu cacë ꞌixun camina an cacësabi oquin ꞌën ꞌaia isquin upí oquin ꞌunánti ꞌain, Nucën Papa Diosan ca ꞌë xuacëxa quixun.

Hechos 7:2

Cacëxun ca Estebanën cacëxa: —ꞌËn aintsicama ꞌimainun caniacëcë unicama nun cushibu, ꞌën mitsu camainun ca cuat. Nucën rara Abrahamnëx ca Harán cacë menu ꞌiisama pain ꞌaish Mesopotamia menu ꞌiacëxa. Anua ꞌicë ca ax upíira ꞌixun nucën rara Abraham Nucën Papa Diosan cacëxa:

Hebreos 11:16

Cuantëcënti ꞌaíshbi ca anu cuantëcëinsama tancëxa. A menu ꞌicësamaira oi bëtsi nëtë, upíira a Nucën Papa Diosan atu mëníoxuncë, anu ꞌiti ca cuëëancëxa. Usa ꞌain ca Nucën Papa Dios —ꞌëx cana atun Dios ꞌai —quixun sinani cuëënia. Usai cuëënquin ca anua atux abë ꞌiti nëtë mëníocëxa.