Éxodo 4:24 - Kashibo-Kakataibo Biblia

²⁴ Usakian Diosan kakëx ka Moisés aín xanu ꞌimainun aín bëchikë kamabë anun Egipto menu kuankë bain kuankëxa, kuanbaiti ka anua ꞌuxti anu bërúakëxa, bërúkë ka ami mërakin a ñantan anua ꞌikë anuxun Nukën ꞌIbun Moisés ꞌakatsi ꞌiakëxa ain bëchikë Guersón kakë abá an kakësabiokin aín nëtokë ñu maxaka tëakin ꞌunánti okëma kupín.

Éxodo 4:24 Iomraidhean Croise

Génesis 17:14

ꞌAínbi ka uix kara ꞌunántiorakaisama tania ax mitsunua chikínkë ꞌiti ꞌikën, ꞌën achúshi ñu ꞌakë a bana kikësokin ꞌaisama tankë kupí.

Génesis 42:27

Usai anuax kuanbaiti ka ñantánbukëbë anua imë́ uxti anu nirakëakëxa, nirakëxun ka atu achúshinën pain aín pisha asno piminuxun trigo binuxun aín pisha rëchurukinbi ka, aín kuríki pishanu bërakankin ꞌarukë mërakëxa.

Éxodo 3:18

Uni apan kaman ka min kakëxun kuati ꞌikën; usa ꞌain kamina atubë mix Egiptonu ꞌikë ꞌapu a isi kuanti ꞌain, iskin kamina kati ꞌain: Nukën ꞌIbu hebreos unikaman Dios, an ka ꞌëmi chikirakëkin ꞌë kaxa. Usa ꞌain kamina, nu anu uni ꞌikëma menu kuantanun xuti ꞌain, rabë́ ꞌimainun achúshi nëtë ꞌikiani kuantankëxun, ñuina xaroxunkin Nukën ꞌIbu Dios rabitanun kamina nu xuti aín.

Oseas 13:8

Usakin ꞌai kana xaëón aín xanuxa aín tuákama nëtë́miax anun rabanan në́kë usai ꞌikin, ꞌën aín shikan tukapati ꞌain. Usakin ꞌakin kana paru ꞌinúanën ꞌakësokin ꞌakin anuxunbi pikin këñuti ꞌain; ꞌanan kana raëkëma ñuinanën ꞌakësa okinribi anuxunbi ꞌati ꞌain.