Éxodo 4:21 - Kashibo-Kakataibo Biblia

²¹ Usa ꞌain ka Nukën ꞌIbun Moisés bërámabi kakë ꞌiakëxa: —Egipto menu bëbaxun kamina ꞌën mi, ꞌanun kakë ñukama ꞌapu faraónën ismainun an iskëma ñu min tsati anun ꞌën mi kakësabiokin ꞌati aín. ꞌËn kana ꞌapu faraónëan min kakëxunbi kuaisamatankin aín sinan iruarakin Israel unibu kuantanun xuxunma ꞌanun ꞌimiti ꞌain.

Éxodo 4:21 Iomraidhean Croise

Génesis 6:3

ꞌAínbi ka Nukën ꞌIbu kiakëxa: ꞌËn kana uni xënibutia tsónun ꞌimitima ꞌain, usa ꞌaish ka bamati ꞌikën, unix ka namishi ꞌikën, usa ꞌain ka unix tsóti ꞌikën, ciento veinte baritia ishi.

1 Reyes 22:22

ñukákëxun ka ñunshin ꞌatimanën kakëxa, ꞌën kana an Dios kikë bana ñuikë unikama këmëkin ꞌapu Ahab paránun sinánmiti ꞌain kixun kaxa. Kakëxun ka Nukën ꞌIbun usakin sapi kamina paránti ꞌain, usakin ꞌai kamina kuanti ꞌain kixun kakëxa.

Salmos 105:25

Usa ꞌaínbi ka egipcio unikaman Diosanbi atumi nishkian ain unikama ꞌatima onun kixun sinánmiakëxa, usokëxun ka Diosan kaískë unikama a atumi nishkin bëtsi bëtsi okëxa.

Éxodo 10:1

Usa ꞌain ka Nukën ꞌIbun Moisés kakëxa: —Faraón kamina isi kuanti ꞌain, ꞌën kana a ꞌimainun an ñu ꞌaxunkë aín unikama këñunbi aín sinan iruaranun ꞌimian, usakin kana ꞌën kushin ñu ꞌai kixuan isnun kana uínsaranbi atun iskëma ñu ꞌati aín,

Éxodo 10:20

Usakin ꞌakinbi ka Nukën ꞌIbun ꞌapu faraónën aín nuitu iruarakin Israel unibu xuxuma ꞌanun sinánmiakëxa.

Éxodo 10:27

Usai kikëbëtanbi ka Nukën ꞌIbun ꞌapu faraón ashikin aín nuitu iruaranun sinánmiakëxa, sinánmikëxun ka Israel unikama kuantanun xuama ꞌikën.

Éxodo 11:10

Usakian kakëxun ka Moisés ꞌimainun Aarónën ꞌapu faraónën ismainunbi an iskëma ñu ꞌakëxa, ꞌaínbi ka Nukën ꞌIbun usaía ꞌinun ꞌimikë ꞌixun ꞌain nuitu iruarakin faraónën Egipto menu ꞌikë Israel unikama kuantanun xuama ꞌikën.

Éxodo 11:9

Chikíkiani kuankë ꞌikë ka Nukën ꞌIbun Moisés kakëxa: —ꞌApu faraónën ka mitsun kakëxunbi kuaisama tanti ꞌikën, usai ꞌikëbëtan kana ꞌën ꞌaisamaira atun iskëma ñu Egipto menu ꞌati ꞌain.

Éxodo 14:17

ꞌËn kana egipcio unikama aín sinan iruarakin mitsu kuania nuinun ꞌamiti ꞌain; usai ꞌia kana ꞌën kushi ismikin ꞌapu faraón aín suntárukama ꞌimainun kamabi aín caballonën nikinkë anuaxa ꞌakanankë a kamakëñunbi uisa kushiñu karana ꞌëx ꞌai kixun isnun ismiti ꞌain.

Éxodo 14:4

ꞌAínbi kana ꞌënbi faraón aín sinán iruarakin, aín suntárukama mitsux kuania nuitanun xunun sinánmiti ꞌain; usakin ꞌaiabi kana ꞌën faraón këñunbi aín suntárukama ꞌën kushi ismiti ꞌain, ꞌimainun ka egipcio unikaman ꞌëx kana kamabi unikaman ꞌIbuira ꞌain kixun ꞌunánti ꞌikën. Usakin ka israel unikama ꞌakëxa.

Éxodo 14:8

Nukën ꞌIbun aín sinan iruaranun ꞌimikëxun ka faraónën aín suntárukamabëtan, Israel unikama kuania nuiakëxa; Diosan aín kushínbi chikinkëx kuaniabi ka usakin ꞌakëxa.

Éxodo 3:19

ꞌAínbi kana ꞌën upíokin ꞌunan, Egiptonu ꞌikë ꞌapun ka min aintsikama kuantanun xutima ꞌikën, usai ꞌiabi kana ꞌën mitsua xunun sinánmiti ꞌain.

Éxodo 3:20

Usa ꞌaínbi kana ꞌëx kushiira ꞌixun ꞌën kushi ismikin egipcio unikama bamamikin atun isama ñu ꞌati ꞌain, usakin ꞌakin kana anun rakuë́ti ñu uínsaranbi a menuxun isama ñu ꞌati ꞌain; ꞌakëbëtan ka mikama anuaxmi kuantanun ꞌain menua faraónën mitsu chikínti ꞌikën.

Éxodo 7:13

Usa ꞌoia iskinbi ka faraónën aín sinan iruarakin, Nukën ꞌIbun Moisés ꞌimainun Aarón kakësabiokin aín bana kuaisamatankëxa.

Éxodo 7:3

ꞌAínbi kana ꞌën faraón kakëxunbi kuaisama tankin aín nuitu iruaranun ꞌimiti ꞌain, ꞌimainun kana uínsaranbi atun iskëma ꞌitsaira ñu a isia atux rakuë́ti Egipto menu ꞌimiti ꞌain.

Éxodo 8:11

Usa ꞌain ka ꞌaisamaira ꞌashá ax min ꞌikënuax nëtë́ti bakanushi kuanti ꞌikën. Usai ꞌi ka mi ubioima ꞌianan, an mi ñu ꞌaxunkë unikama ꞌimainun min aintsikamaribi ubiotima ꞌikën.

Éxodo 8:15

Usakin ꞌaia isi aín sinan asábi tani kuëënkinbi ka faraónën, aín sinan atiainra iruarakin Moisés ꞌimainun Aarónën kakëxunbi kuaisamatankin Nukën ꞌIbun Diosan kakësabiokin Israel unikama xuisamatankëxa.

Éxodo 8:32

ꞌAínbi ka usa oia iskinbi faraónën aín sinan iruarakin Israel unikama kuantanun ëinsama tankëxa.

Éxodo 9:12

Usa ꞌaínbi ka Nukën ꞌIbun ꞌimikëxun aín nuitu iruarakin faraónën Moisés ꞌimainun Aarónën kakëxun kuaisama tankëxa, Nukën ꞌIbun Moisés kakësabiokin.

Éxodo 9:35

Usakin aín sinan iruarakin ka faraónën Israel unikama kuantanun xuisama tankëxa, Nukën ꞌIbun kakëxuan Moisésnën bëráma kakësabi oi ka usai ꞌiakëxa.

Isaías 6:10

Ënë unikama kamina upíokin sinánxuma ꞌanun ꞌimiti ꞌain; ꞌimianan kamina atun pabitan kuakinbia aín pabí xëpúkësa ꞌixuan kuakasmanun ꞌimiti ꞌain; ꞌimianan kamina iskinbia aín bëru bëpankësa ꞌixun iskasmanun ꞌimiti ꞌain. Usa ꞌixun ka kuatima ꞌianan istimabi ꞌikën, usai ꞌikin ka atun ꞌën bana kuatíbi ꞌëmi sinanatima ꞌikën, ꞌën atun ꞌakë ꞌuchakama mëníoxunun.”

Isaías 63:17

¿Uisa ꞌixun kaina mix Nun ꞌIbu ꞌixunbi mix kikësokin ꞌati ëni, min kakësokin ꞌaíma nun nuitu iruarakin min kakësabiokin ꞌaisamatanun nu ꞌimin? Min unikama ꞌanan min kaisa aín ñakánu ꞌikëkama nuibakë ꞌixun, kamina mixmi nishkë a sinanati ꞌain.

Juan 12:40

Nucën Papa Diosan ca acama atun nuitu mëu ꞌunántisama tanan atun pabitan cuaquinbi uisai quicë cara quixun ꞌunántisama tanun ꞌimiaxa. ꞌImianan ca atun bërun isquinbi, ꞌëx cana cushiira ꞌai quixun sinántisama tanía ꞌën ië́misama ꞌinun ꞌimiaxa.

Romanos 1:28

Usa unicama ca ami sinántisama tania Nucën Papa Diosan aín sinan upíma ꞌixun ꞌatima ñuira ꞌanun quixun ëanxa.

Romanos 9:18

Nucën Papa Diosan ca aín cuëëncësabi oquin uni raíri nuibaquin ainan ꞌinun ꞌimia. ꞌImianan ca uni raíri axa ꞌaisama ꞌicë usabia ꞌinun ꞌimia.

2 Corintios 2:16

Axa ami sinántisama tancë unicamax ca nun nu Cristo ñuixuncëxun cuatíbi cuëënima, xënibua ꞌaínbi Nucën Papa Diosbëma ꞌiti ꞌicën. Usa ꞌaínbi ca axa ami sinántisa tancë unicamax nun nu Cristo ñuixuncëxun cuati, ami catamëti —usai ꞌinux ië́micë ꞌaish cana xënibua ꞌaínbi Nucën Papa Diosbë ꞌiti ꞌai —quixun ꞌunani cuëënia. ¿Usoquin unicama sinánmiquin bana ñuixunti cara uin ꞌati ꞌic?

1 Pedro 2:8

ꞌImainun ca Nucën Papa Diosan bana ësai quia: A maxáxmi ca uni raírinëx tatíqui chacáti ꞌicën, a maxax chami chacati ca nipacëti ꞌicën. Maxax ñui quicë ꞌaíshbi ca a bana Cristo ñui quicë ꞌicën. An Jesusan bana cuaquinbi asérabi ami catamëquin aín bana quicësabi oquin ꞌacëma ax ca uni maxáxmi tatíqui nipacëcësaribi ꞌicën. Ui unicamax cara usai ꞌiti ꞌicë quixun ca Nucën Papa Diosan bëráma ꞌunáncëxa.