Éxodo 4:2 - Kashibo-Kakataibo Biblia

² —¿Añu kara min mëkënumi tuinkë ax ꞌik? —kixun ka Nukën ꞌIbun ñukákëxa. —Ënëx ka achúshi tsati ꞌikë —kixun ka Moisésnën kakëxa.

Éxodo 4:2 Iomraidhean Croise

Génesis 30:37

Usai anu bërúxun ka uisokin kara aín ñuinakama ꞌitsaira ꞌimiti ꞌikë kixun sinánkin i pëñan paxa álamo kakë, ꞌimainun ꞌamukuta kastaña akama, aín uxu pikutanun ratápakëxa;

Salmos 110:2

Nukën ꞌIbun ka Jerusalénnuxunbi, axa mimi nishkë unikama. ¡Mix ꞌapu ꞌixun min ira ꞌanun mi ꞌamiaxa!

Éxodo 4:17

Usa ꞌain kamina min tsati bibiani kuantankëxun anunbi ꞌën mi ꞌanun kakë usakinbi, atun uínsaranbi isama ñukama a isia rakuë́ë kantanun ꞌati ꞌain.

Éxodo 4:20

Usakian kakëxun ka Moisés aín xanu ꞌimainun aín bëchikëkama burronu ꞌarubiani Egipto menu kuankëxa. Kuani ka aín tsati anúan Diosan ꞌamikëxun bëtsi ñu ꞌakë a buani kuankëxa.

Éxodo 7:15

ꞌAínbi kamina imë́ishi pëkarakëma ꞌaínshi kuantankëxun, Nilo kakë baka kuëbíxun kaini kuanti ꞌain, kuankin kamina min tsati axa runuëxankë abi buani kuanti aín.

Éxodo 7:9

—Faraónëan, unin ꞌakëma ñu achúshi ꞌanun kakëxun kamina Aarón aín tsati bikian faraónën ismainun menu ninun kati ꞌain, kakëxuan menu nikëx ka achúshi runu ꞌiti ꞌikën.

Isaías 11:4

An ka an ꞌakinti ꞌaíma ꞌaia tëmërakë unikama ꞌimainun uni ñuñumakama atun menu ꞌikë akama ꞌakinti ꞌikën. Usa ꞌain ka aín banax achúshi tatsi tuínxun anun bënë́kinshi ñu ꞌakë unikama tëmëramikë usaribi ꞌiti ꞌikën, ꞌimainun ka aín kuëbitan xunkakësa okinshi ꞌatima ñuishi ꞌakë unikama këñunun ꞌimiti ꞌikën.